بارومة .. في الفيفا 2008

[A_Gamaledeen]

الأخوة الأعضاء
دي أول مشاركة فعلية ليا على المنتدي
لكن كنت متابع جيد لكل المواضيع الموجودة
المهم
انا اشتريت عربية فيرنا فيفا 2008 بضمان من الوكيل (غبور طبعا)
وقابلتي بعض السلبيات في فترات الصيانة المختلفة (عيوب ومشاكل في العفشة والتكييف ولا يتم حلها إلا بعد أكتر من مرة)

إلى ان ظهرت الطامة الكبرى زي مابيقولوا أو كارثة بمعنى أدق

البارومة ظهرت في أجزاء مختلفة في حوض الموتور

ف روحت التوكيل ومن هناك اتصلت باللأخ الفاضل أ/ عاطف عبدالسمبع وبعد مقابله طيبة واخبرتة باني عضو بالمنتدى وسماعي بمساهمته في حل مشاكل الاعضاء ,لم يصدق ما سمعه الا بعدما رآه وقام بعرض الامر على المهندس مدير الورشة فقام بفحص السيارة مندهشين من الحالة وطلبوا انتظاري حتى يصلوا الى حل .
وكان الحل ان اترك السيارة مدة 3 ايام لعمل مرمات لمناطق البارومة ,وطبعا دا كان كلام غير مقنع وغير مرضي...لاني مش عارف بعد المرمات اللي انا لاحظتها انهارده بكرة هيبقى فيه ايه تاني وخصوصا انتو عارفين يعني ايه بارومه سرحت فى العربيه ويعني ايه مرمات في الحوض...
عرضت هذا الحل بعد اعطائي موعد لتسليم السيارة على أ/عاطف .فطلب مني انتظار اتصال منه بعد بحث المشكلة ووعد بحل مرضي..
بعد 5 ايام أخبرني مشكورا بأن أمامي أحد حلين:
إما ترك السيارة وعمل المرمات المطلوبة (باعتبار أن العيب ممكن علاجه)
أو استبدال السيارة (سياسة الإستبدال:خصم قيمة إستهلاك السيارة بحسب عدد الكم.ودفع الفرق للسيارة الجديدة)
وحيث ان طبيعة عملي كطبيب تستدعي وجود سيارة ..ولعدم وجود وقت للتنقل بين الورش اشتريت العربية زيرو وخصوصا إني ساكن في مدينة 6 أكتوبر وعندي أطفال.
برجاء الإفادة برأيكم فأنا محتار جدا جدا

[A_Gamaledeen]

ودي بعض صور البارومة في الحوض في أكثر من مكان

[A_Gamaledeen]

[al_manara]

اية دة ؟ دي كانها بقالها 20 سنة ماشية
رايي انك ماتسيبش حقك وتغير العربية من غير ماتدفع فلوس لان دة عيب فيها

[A_Gamaledeen]

[A_Gamaledeen]

اية دة ؟ دي كانها بقالها 20 سنة ماشية
رايي انك ماتسيبش حقك وتغير العربية من غير ماتدفع فلوس لان دة عيب فيها

ده بردو اللي بفكر فيه..
ازاي ادفع استهلاكي لعربيتي لمدة سنة وانا مخطط انها تقعد معايا 5 سنين ع الأقل

[al_manara]

ياريت تروح كمان جهاز حماية المسهلك وتبلغ عشان تضمن حقك .
باي حق هما يقولولك ادفع تمن استهلاكك للعربية وهي اكيد العيب دة بسبب سوء الطلاء

[mada121977]

مش ممكن !! عربيه 2008 ويظهر فيها بارومه بالشكل ده
فين الاخ اللى بيشكر فى غبور فى كل مشاركه له ييجى يتفرج ولا ممكن يقولك ده سوء استخدام من مالك العربيه .. كان الله فى العون يا اخى الفاضل ومتسكتش على حقك

[maka]

اطلع عدل على حماية المستهلك واعمل شكوى ومتسبش حقك , يعنى ايه عربية فيها سوء صناعة و عاوزينك كمان تدفع

جهاز حمايه المستهلك

[tabeb]

حاجة غريبة فعلا
انا اعرف ان كل العربيات الجديدة الشاسيه بتاعها بيتغطس في مادة عشان البارومة والصدا

[mahamedaraby]

ربنا يصبرك يارب وتطلع بالمشكله دى باقل الخسائر

اولا راى اطلع على جهاز حمايه المستهلك فورا دى عيب صناعه واضح زى الشمس اساسا مع تحفظى للصناعه الهندى (مش موضوعنا )

تانى حاجه هما عايزن منك كام استهلاك السنه دى

[vayron]

بنا يا رب يغنمك الخير يا أستاذنا وتطلع بأقل الخساير يارب

ويزيح عنك أى غشاوة

[A_Gamaledeen]

مش ممكن !! عربيه 2008 ويظهر فيها بارومه بالشكل ده
فين الاخ اللى بيشكر فى غبور فى كل مشاركه له ييجى يتفرج ولا ممكن يقولك ده سوء استخدام من مالك العربيه .. كان الله فى العون يا اخى الفاضل ومتسكتش على حقك

أشكرك..لكن تخيل انا ساكن في منطقة مناخها قاري و جاف..أما لو كنت في منطقه ساحليه رطبه...
وصدقني الحوض ماغسلتوش ولا مرة من ساعة الشراء.

[A_Gamaledeen]

ربنا يصبرك يارب وتطلع بالمشكله دى باقل الخسائر

اولا راى اطلع على جهاز حمايه المستهلك فورا دى عيب صناعه واضح زى الشمس اساسا مع تحفظى للصناعه الهندى (مش موضوعنا )

تانى حاجه هما عايزن منك كام استهلاك السنه دى

انا لسة معرفش...بس اعتقد لو العداد عندي وهو عامل 35000كم إن الفرق مش هين....
انا بامشي بالعربيه كتير حسب طبيعة عملي و بحكم بعد موقع سكني

[A_Gamaledeen]