طلب هام

[m2010]

روحت اسئل عن الفيرنا قالو لى 1600احسن من 1500عشان ماتور1600 نظام chkونظام 1500 dk
عايز اعرف يعنى ايه chkويعنى ايهdk

[driver805]

بص ياباشا دى انواع مواتير الاول 1500sohcماتور12صباب كامة واحدة دة ماتور الفيفا حاليا والفيرنا ومن عيوبة المتداولة بيسخن وبياكل بنزين وصوتة خشن وعالى
التانى 1600Dohc ماتور16صباب 2كامة دة ماتور الفيرنا من بعد2007 صوتة ناعم وموفر بنزين

[mostafa55]

ممكن نقسم المواتير الى 3 انواع

• OverHead Valve or OHV

و دى المواتير القديمة و الصبابات بيتحكم فى فتحها وقفلها ( فتحات دخول الوقود وخروج العادم ) الجزء العلوى المسمى بالتاكيهات

• Single overhead camshaft - or SOHC

ودى المواتير الاحدث وبيكون التحكم فى فتح الصبابات وقفلها مباشرة من عامود الكامة (cam)
وطبعا دا بيدى دقة اعلى وتزامن افضل وبيحسن من اداء الموتور واستهلاك الوقود
كمان بيسمح باستغلال المساحة داخل المحرك فيتم انتاج موتور 8 صباب او 12 صباب بنفس الحجم

• Double overhead camshaft - or DOHC

طبعا كل ما يزيد عدد الصبابت دا معناه ان الموتور يدخله كميه وقود اكثر و يقدر يتخلص من كمية عادم اكتر فيكون المحرك اكثر قوة
ولزيادة عدد الصبابات 16 مثلا او 20 حيبقى صعب انهم يكونو على خط واحد (كامة واحدة ) وبيتم توزيعهم على الجانبيين ( 2 كامة ) وطبعا اداء الموتور ال 2 كامة افضل من الكامة الواحدة

[m2010]

الف الف الف شكر على ردك الرائع العلمى بارك الله فيك وازاد من علمك

[islamkhidr]

رد رائع جدا جدا

جزاك الله كل خير

[Ghamrawy]

الرسم التوضيحى جميل و واضح و ساهل
اشكرك عليه

[Beam28]

توضيح رائع جدا، شكرا ليك