عندى مشكلة عايز أحلها

[hassan aly hassan]

:!: [السلام عليكم ورحمة الله
لو سمحت يا جماعة انا عندى مشكلة صغيرة ، فى سلك مدلدل من السيارة تحت البطارية أو الجزء الامامى من العربية أنا مش عارف بتاع أيه جربت الانوار والكلاكس والانتظار كله شغال والعربية لسه فى الضمان هل أروح للتوكيل ولا لاى كهربائى بس خايف يقعد يلعب فيها وممكن يبوظ حاجة ، وهل ممكن أروح التوكيل بدون حجز على أساس أنها مشكلة صغيرة مع أنى خايف أسوقها الاتكون حاجة مهمة ، أيه رأيكم وشكرأ

[sh_masry]

ممكن تروح للكهربائى تخليه يشوفلك السلك ده بتاع ايه من غير مايعمل حاجه لو لقيته بتاع حاجه سهله خليه يركبه لو بتاع حاجه كبيره استنى لما تروح التوكيل و انا متأكد انها حاجه صغيره ان شاء الله و لو ساكن جنبى فى مصر الجديده انا ممكن اشوفهالك بنفسى يا عم و لا تضايق نفسك .

a7'ook
Sherif

[hassan aly hassan]

شكرأ على ذوقك ومساعدتك بس أنا ساكن فى 6 أكتوبر وبصراحه أنا بشك فى الصنايعية فى أكتوبر لأن معظمهم من الفيوم (مع أحترامى ) ، والى عندى فى الشغل لا أثق فيهم ، لانى جربت كل حاجة فى العربية تكون سهلة وأشتغلت عادى فأنا خايف تكون بتاعت مؤشر الحرارة أو أى حاجة مهمة، حاجة تانية يا أستاذ/ شريف هو أنا لازم أحجز فى التوكيل ولا ممكن يعملوهالى عادى وجزاك الله كل خير0

[sh_masry]

هو الأفضل انك تحجز علشان دورك يكون معروف و تحط صباعك فى عين اتخن تخين يقولك تستنى لغايه ما نفضى ....
بالنسبه للسلك .... هل مؤشر الحراره عندك فى التابلوه بيشتغل وللا لأ ؟؟ لو شغال يبقى مش سلك المؤشر.

a7'ook
Sherif

[mohamed yousry]

اوعى يكون خرطوم الفايص بتاع البطارية وانت مش واخد بالك...لو خرطوم خارج من البطارية يبقى طبيعى...بالنسبى لمركز صيانة القليوبية ممكن تروح فى اى وقت بدون حجز لكن انا شايف انها مش مستهلة تروح مخصوص.... 8) 8)

[3mr Farrag]

لا تقلق يا استاذ حسن

ده احتمال كبير يكون سلك انوار الشبوره و مافيش منه مشكله لأنه اعتقد من غير الفبوز.....بس اتاكد برضوا يمكن يكون سلك تاني

[PAYOO]

فعلا لو عاوز تروح فرع من فروع الوكيل بدون حجز يبقى عليك وعلى غبور فرع قليوب

وإن شاء الله بسيطه ماتقلقش

[Dr Ahmed]

ممكن دا يكون الحبل السُرى للعربية وهيقع بعد كام يوم :P

[hassan aly hassan]

جزاكم الله كل خير ، وأنا أن شاء الله ححجز وأحاول أن يكون الحجز يوم الجمعة أو السبت الجايين ، وألف شكر على أهتمانكم

[bassam nagy]

احسن انك تروح التوكيل بتاع ابو رواش ومن غير حجز لان انا لسة كنت هناك وداخل من غير حجز بس عشان الانذار باظ فاروحت قاعدت ساعتين وطلعت ولو رايح تعمل صيانة الدورية مع معرفة اية السللك دة يبقى تحجز الاول :|

[Nader]

ده احتمال كبير يكون سلك انوار الشبوره و مافيش منه مشكله لأنه اعتقد من غير الفبوز

لو العربية نازلة بفوانيس شبورة المفروض يكون فيها فيوز علشان متسيحش المفتاح بتاع الشبورة.

[أبو عبدالله]

حضرتك في حل كويس برده علشان الإفاده تبقى كامله ممكن تصوره صورتين صوره من بعيد وصوره من قريب وترفعهم لنا هنا علشان نقولك وان شاء الله خير

[شريف]

انا اعرف ان غبور معندهوش حجز للزهاب الي الصيانه فى اى فرع

[hassan aly hassan]

جزاكم الله كل خير على أهتمامكم ، وأنا والحمد لله ذهبت الى التوكيل فى أبو رواش مساء يوم الخميس والحمد لله دخلت بدون حجز وعرفت أنها نازلة بفوانيس شبورة بس هما بيركبوها للاتوماتيك أما الكاملة المانيوال لا ، عشان كده ده فيوز فوانيس الشبورة ، مش حقول لكم مدى راحت بالى بعدها الحمد لله ، وألف شكر على أهتمامكم برسالتى