استفسار بخصوص الالنترا

[dr_abooody]

دلوقتي انا معايا النترا 2009 فتحت الكبوت لقيت انة مفيش زيت باور ؟؟؟

استغربت هل دة لان العربية باور كهربا ؟

و ايهما افضل الباور الكهربا و لا الهيدروليك العادي؟؟

[ahmedfd]

بالفعل مفيش زيت باور لإن العربية باور كهرباء يعني المؤازرة بتتم عن طريق موتور كهرباء موجود تحت الدريكسيون و بالتالي مفيش طلمبة باور و إسم النظام EPS أو Electronic Power Steering.
و النظام ده أفضل لإنه أحدث و أقل تعقيداً بكتير من الناحية الميكانيكية و كمان مفيهوش تحميل مباشر على موتور العربية يعني مفيش فقد في الطاقة و بالتالي بيخلي العربية أقل إستهلاكاً للبنزين، لكن طبعاً في المقابل أكثر تعقيداً من الناحية الإلكترونية لإنه فيه مجموعة من الحساسات اللي على أساسها بيتم تحديد كمية المؤازرة المطلوبة من الموتور الكهربا للدريكسيون حسب السرعة و مقدارالإحتكاك الأرض تحت العجلة (رمل غير أسفلت) و و كمان حساسات لتحديد درجة الدوران لطارة الدريكسيون و نقطة الصفر اللي العربية المفروض تمشي فيها عدل لوحدها بدون أي تدخل من الموتور.
أخيراً النظام ده المفروض إنه هو المستقبل و أغلب العربيات الجديدة نازلة بيه.