الشد بالفرنا و تسارعها الرهيب.................

[hamada_syndrome]

ازيكو يا شباب .....أنا عندي هيونداي فيرنا 1500 مانيوال .... جبتها من حوالي 9 شهور من غبور دي اول عربيه ليه بعد المحروسه ال 128 بتعتي الى انا شايف اناها مش واخده حاقها مع انها حمالة القسيه.... المهم... الفيرنا جميله جدا بالنسبه لعربيه ب 60000 جنيه...ليه بقى ؟؟؟
شكلها من بره انا شايف انه اكتر من ممتاز....خصوصا اذا قارناها مع العربيات من نفس الفئه زي الانوس و بعد الشر عليا و عليكو اللاسبيرانزا(دي وجهة نظري طبعا...بس هي صح!! :D )!!
حتكلم الأول عن الأعده... مش مريحه أوي بس شغاله...بعد كده التابلوه... زفت .. هو صحيح شيك كده و بسيط...بس فايبر...و متهيألي هيبوز بالشمس...لاحظت ان مكان التخزين اللي قدام الكرسي اللي جنب السواق مفارق شويه.. وكمان مفيش جواه نور!!!!...
العزل بتاع الصوت جوه الفيرنا ممتاز فعلا...خصوصا ذاا قارنته بالانوس...الي فعلا بقى عجبني في الفيرنا حاجتين:
أولا:السحب بتاع العربيه شديد جدا..انا بطلع من الانوس و النوبيرا و بجيب احيانا مع اللانسر(ده مش هزار) بس انا عارف انه مش المحرك اللي جامد دي العربيه اللي خفيفه.
ثانيا و الأهم:نظام التعليق بتاعها ناعم جدا و دي حاجه كل اللي ركبو معايا لحضوها العربيه بتاخد و تدي مع المطب... مبتسمعش صوت للمطب جوه العربيه (عكس الانوس)...
في حاجتين يمكن يكونوا عندي انا بس:
أولا:اذا عدلت الدركسيون مضبوط العربيه بتروح يمين شويه.
ثانيا:على rbm عالى(انا معنديش rbm بس قصدي لمل صوت العربيه بيعلى)بسمع صوت هزه في التابلوه من قدام...
دي اكتر الحاجات اللي خدت بالي منه.....اذا حد عنده تجربه تانيه يريت يشاركني بيها.... و ياريت مكنش طولت عليكو... Peace

[P_R_I_N_C_E]

انا بطلع من الانوس و النوبيرا و بجيب احيانا مع اللانسر

يارااااااجل

[hamada_syndrome]

انا بطلع من الانوس و النوبيرا و بجيب احيانا مع اللانسر

يارااااااجل

صدقني يا برنس أنا فعلا بطلع من اللانوس و النوبيرا...... بس عشان خطرك .... هخليها لانوس...... PEACE

[Ahmed Anwer]

كتب:
hamada_syndrome كتب:
انا بطلع من الانوس و النوبيرا و بجيب احيانا مع اللانسر


يارااااااجل


صدقني يا برنس أنا فعلا بطلع من اللانوس و النوبيرا...... بس عشان خطرك .... هخليها لانوس...... PEACE

متكسشفش يا باشا قول انك بتطلع من اللانسر ايه يعني هو انتا قلت انتا بتطلع من بورش ،، ايه يعني لانسر ، مش واخده السمعة دي غير في مصر و علي فكرة شركة ميتسوبشي فاشلة و مابتبعش و في طريقها لمصير الدايو يعني يا هتقفل يا حد هيشتريها

[أبو عبدالله]

هو ماله مصير الدايو

يا جماعه الدايو موجوده والله لأنها مملوكة لجنرال موتورز كل ما في الامر انها بتغيير الأسم من دايو لشيفيروليه حسب خطط التسويق بتاعهم والنوبيرا موجوده بالخارج هي الأوبترا وموجوده في بورسعيد لو حد عاوز يشوفها بعينه والموضوع معروف يعني

وبعدين بلاش نرفزه على بعض

وفعلا شركة متسوبيشي شركه مش بنجاح باقي الشركات اليابانية ولكن ده علشان الانتاج الكلي للعربيات ولكن هي معروفه بأداء مواتيرها وهي بتبيع مواتير اكتر من العربيات بتاعتها

ومفيش مشكلة وموضوع التسارع ده بيفرق في حاجات كتير بين العربيتين في مثلا فرق سواق وفرق ماتور وفرق بنزين وفرق بوجيهات وفروقات كتير يعني مش كده

[hamada_syndrome]

[quote="Ahmed Anwer"]

متكسشفش يا باشا قول انك بتطلع من اللانسر ايه يعني هو انتا قلت انتا بتطلع من بورش ،، ايه يعني لانسر ، مش واخده السمعة دي غير في مصر و علي فكرة شركة ميتسوبشي فاشلة و مابتبعش و في طريقها لمصير الدايو يعني يا هتقفل يا حد هيشتريها

أنا مختلف معاك يا احمد باشا (و الخلاف لا يفسد للود قضيه) أنا شايف ان اللانسر من أكثر العربيات المحترمه في مصر.....و انا بصراحه مش عارف ايه وضعها بره .. بس انا عايش في مصر و يوم محأختار عربيه حاختار عربيه ثبت انها ناجحه في مصر ... و لا رأيك ايه؟؟؟؟؟

و بعدين انا ماطلعتش ابد من لانسر و ده للأمانه بس.....انا بس بجيب معاها مع العلم ان ماتور الانسر من أقوى المواتير الموجوده في السوق و ده عن تجربه شخصيه.....الانسر فعلا سحبها أعلى من فئتها.......

و بعدين تعالى هنا :!: ......انت محسسني اني راكب فيراري و بشد بيها قصاد فرخه حامل :shock: :shock: .....دي فيرنا 1500 يعني بتاع 94 حصان و كوري قصاد 1600 CC بتاع 122 حصان و ياباني.... و لا انت شايف ايه؟؟؟؟ :D :D ..... Peace

[hamada_syndrome]

Sorry يا جماعه أنا مش العرف الرد اتبعت مرتين ليه.....Sorry Again :roll:

[Ahmed Anwer]

لأ بس حسيت إنك احرجت قوي علي موضوع بسيط ، فقلت اساعدك
و بعدين يا باشا حكاية تطلع من عربية و لا ماتطلعش ده مش دليل كفاءة زي أبو عبد الله ما بيقول ده ليه أسباب كتير أنا مثلآ لو سايق فيراري برده كل الشعب هيطلع مني و أنا أساسا هحطه في دماغي ليه هو أنا لو طلعت منه هاخد جايزة بعدين تطلع فين يا باشا و كده كده يا هتلاقي مطب يا ميكروباص واقف في نص الشارع بيركب ،
و طبعا أنا مقدرش اكلم علي اللانسر دي اختيار الشعب المصري و اديك شايفها اكتر من ال 128

[PAYOO]

أنا عاوز اءكد كلام صديقنا hamada_syndrome
لأني فعلا حصل معايا موقف خلاني قدرت العربيه الفيرنا وعرفت أن موتورها مجرم

الموقف أني كنت ماشي الفجر في طريق العبور (وهو طريق لا يوجد به تقاطعات ولا أي شيئ يخليك تخاف من السرعه) وكنت ماشي على 170 كالعاده في توقيت ده بالذات عشان الدنيا بتقى فاضيه وإذ فجأةَ ألاقي في المرايا عربيه فيرنا جيا من ورايا زي الطلقة دوست بنزين اكتر لكن مافيش فايده العربيه الفيرنا عدت مني وكأني ماشي على 100 وهيه ماشيه على 140

المهم حاولت أني أزود عن 180 ماقدرتش أحصلها وكل ما أحاول ألقي الفرق بيزيد وفعلا من وقتها حسيت أن الفيرنا موتورها ممتاز ووزنها أكيد مناسب لقوة الموتور

[hamada_syndrome]

أولا شكر جزيل للأستاذ بايو على دعمه ليه....... لاني فعلا عارف بنسبة 100 % ان الفيرنا سحبها حلو جدا و دي واحده من مزايها القليله........
اما انت بقى ياحمد بيه عايز قاقولك اني مش مكسوف و اكيد مش محرج :D :D .... انا بس بحاول ادي مساحه لأي حد انه يناقشني في رأي من غير ما يتوقع اني اكون متحيز عشان كده بيبان من كلامي اني متردد ...... لكن انا مش باقول حاجه غير و انا متأكد منها بنسبة 99.99 % و ال 0.01 % ده عامل بشري مش أكتر :D :D ..... و زي مأقولت الخلاف لا يفسد للود قضيه ....و Peace

[PAYOO]

أولا شكر جزيل للأستاذ بايو على دعمه ليه....... Peace

أولا أنا إللي متشكر لشكرك

ثانيا أنا قلت الحق وإللي حصل بالفعل وفعلا العربيه الفيرنا موتورها مجرم وسحبها شديد جدا

[Ahmed Anwer]

طبعا الخلاف لا يفسد للود قضية ، وانا اسف لو كنت ضايقتك لما قلت إنك احرجت بس أنا فعلآ كنت شايف إن ممكن إنك تطلع من لانسر يعني مش حاجة خيالية و مبالغات و اسف مرة اخري.
و عشان منخرجش عن الموضوع الرئيسي أحب أضيف تقييمي للفيرنا برده بما إني معايي فيرنا 1600 اتوماتيك موديل 2007 ، أول مشكلة في الفيرنا إني طلع عيني أساسا عشان اجيبها و لغيت حجز مع معرضين و بالعافية الثالث سلمني العربية كأني بشتري حاجة نادرة و خصوصا الأتوماتيك و كنت سمعت من واحد شغال في غبور و الله أعلم إن البضاعة كلها متوفرة عند غبور و هو اللي بيعمل كده بمزاجه يعني ساعات يوقف الاتوماتيك و ينزل المانيوال و ساعات يوقف الإلنترا او الماتريكس عشان بعني يعمل برستيج لبضاعته و الله اعلم، يعني حاليا اللي مالية كل المعارض الفيفا الهندي و تقريبا مفيش فيرنا 1600
بالنسبة للتقفيل فهو جيد جدا و ده بشهادة معظم راكبيها لا أصوات و لا خلافه بس كان عندي الزجاج الأمامي جنب السواق بيعمل تكة خفيفة في الآخر و عمالوهلي في كارتك تصميم الصالون و التابلوه حديث و جميل و أماكن التخزين و خلافه جيدة بس فعلآ الخامات شكلها يخوف بالذات نوعية فيبر التابلوه بس ده مش هيبان دلوقت و الله اعلم و الكاسيت المصري الرودستار سي دي و في وجهة نظري إن عدة الصوت بتاعتها مش وحشة إظلاقا و التكييف ممتاز فعلآ و اوحش حاجة في الصالون الكراسي بصراحة مش مريحة و مش عارف يمكن دي مسألة تعود يمكن أنا واخد علي السيارات المستعملة حيث طبقات السفنج اللي تكونت عبر السنين مع كل مالك للسيارة لأن السيارات الجديدة مش عارف بقوا يعملوا كراسيها ناشفة كده ليه
و في عيب تاني وحش قوي هو إن نوعية الدهان مش قد كده اي حاجة بتجرحه
بالنسبة للإداء فالسحب ممتاز جدا حتي مع الأتوماتيك و صوت الموتور يمكن خشن شوية و بيقولوا بينعم مع الوقت بس بالنسبة ليا هو مش مزعج إطلاقا و عزل الأصوات الخارجية ممتاز و العفشة جيدة و ناعمة و العدادات أماكانها واضحة و أبعاد العربية مريحة في الركن و خلافه ، العيب الأساسي هو إن العربية خفيفة بس أنا اساسا مبجريش و كل العربيات اللي في الفئة دي بيقولوا عليها كده و خفية العربية بتحس بيها حتي في قفل الأبواب و شنطة العربية تحس إنها حاجات خفيفة رغم إن م/سبعاوي في تقييم ليه للفيرنا شكر جدا في الصاج بتاعها و قال إنه غير مسبوق في الهيونداي و يمكن ده إحساسه عشان الخطوط الحادة في التصميم الخارجي ، بالنسبة للصيانة أنا معنديش مشكلة عشان بتعامل مع كارتك و هو مركز ممتاز و مفيش زحمة و لا إنتظار و بتاخد حقك من الخدمة و عمالولي كل اللي انا عاوزه و أي ملاحظات حتي كنت باشتكي من حدفة مهندس الزوايا خرج معايا و اثبتلي إن الحدفة من ميل الطريق بعد ما كشف علي العربية علي الكمبيوتر و يمكن ده بسبب خفية العربية فبتميل مع الطريق و الله اعلم و لحد دلوقتي طبعا لسه ما احتكتش بأسعار قطع الغيار
و عموما العربية اثبتت نفسها من كذا سنة و هي افضل اختيار في فئتها بالنسبة للانوس و الإسبرانزا و يمكن المنافس الوحيد لها هيا الأفيو بس الأفيو أغلي منها بسبعتلاف جنيه و اتمني إن غبور ميوقفش انتاجها قريب عشان تنتشر أكثر فنضمن قطع الغيار و إعادة البيع
و في عيب تاني إنها عربية توقف إنتاجها في الشركة الكورية ، الفيرنا هيا الأكسنت موديل من 2000 إلي 2005 و الأكسنت القديمة موديل من 1995 إلي 2000 و دلوقت الإكسنت هيا اللي بيينزلوها بإسم نيو أكسنت
و عموما أنا غير نادم علي شرائها و حاسس إني احسنت الإختيار في ضوء سعرها و إمكاناتها يعني عربية 1600 عائلية و مش صغيرة قوي و مش كبيرة قوي و شكل و تصميم حديث و مشاكلها بسيطة و إنتشار و وكيل يضمن الصيانة و إعادة البيع

[hamada_syndrome]

مفيش حاجه تستاهل الأسف يا استاذ احمد انا بس حبيت اهزر معاك ...... :D :D :D :D

[مهندس محمد صلاح]

ايه المشكلة يعنى .. انا بالفرنا الغلبانة الاتوماتيك بتاعتى 2007 باطلع من اللانسر والماتركس واللانوس وخد دى كمان .. الصنى والكرولا والالنترا وتسمع صريخهم ياحول الله وراك زى الفراخ لما تكاكى .. :| :| :lol: :lol: وعلى فكرة اى حد له مزاج يقول وانا اجى له اوريه السحب ازاى وفى اى مكان يحبه حتى لو على رمله البحر :lol: :lol:

[eng / AhmeD]

واقعة قصاد عيني والله
عربية مرسيدس زلموكة مو 80 و 2000 سي سي
بتشد مع فيرنا 2006 و 1500 سي سي
علي طريق عرييييييييييييييييييض و واسع و فيه شوية ميكروباسات علشان التغريز :mrgreen:
و الله الفيرنا سبقت المرسيدس و دنتها تغرز بين المكروباسات بثبات عالي جدا جدا
و في حاجة غريبة ان الفيرنا و هي طالعة مش فركت في الارض بس طارت
علي الرغم من ان المرسيدس فكرت جامد و هي طالعة لدرجة انها عملت شبورة بيضة (2000 سي سي بقي) وراها بس طبعا عقبال ما فتحت في السرعة كانت الفيرنا اختفت :shock: :shock: :shock: :shock:
و الله ده امام عيني
:shock: :shock: