عاوز اشتري ماتريكس ايه رائيكوا؟

[echonight]

بصوا يشباب انا عجباني العربيه الماتركيس دي مع ان معظم صحابي مش عجبهم شكلها بس انا حبيتها لانها كانت مع اخويا بس للاسف عمل بيها حادثه علي الصحراوي وبين الفانوسين القدامنيين حضن العمود.الي عجبني فيها ان حادثه بالبشاعه دي اخويا الحمد لله طلع سليم مفيهوش خدش و التابلوه من جوه محصلوش حاجه صحيح باقي العربيه من قدام كان في التراوه بس المهم ان الي في العربيه طلع سليم.شكلها عائلي ويناسبني حاليا وشنطتها كبيره بعد طي الكنبه الخلفيه.أنا عاوز اعرف ارائكم في ناس بتقولي متزود شويه وتجيب الشيفورليه الكروز الجديده احسن او تجيب سيراتوا
انا عاوز اسمع رائي حيادي من ناس جربت الماتركيس دي.أخويا كان مدايق منها لان اسعار قطع الغيار كانت غليه لانه اشتراها اول منزلت

[m_s_h_a]

الماتريكس الكورى كانت معايا اكتر عربيه حبتها فى حياتى وحاليا لما جيت اشترى طبعا الماتريكس التركى لا والف لا الخامات سيئه التقفيل سئ دورة التكييف سيئه ودا رائى شخصى بحت من واقع تجربتى وتجربة زميل وتانيا الاتجاه المستقبلى للكارينز وده هيقلل من قيمة الماتريكس وهيقلل بيعها بالرغم من انها كانت احسن عربيه فى مصر تبيع انا بعتها فى نص ساعه من حوالى سنه وشهرين عموما استخير ربنا فى الاول واستشير وما خاب من استشار

[mr_sameh]

ناس كتير جدا بتشكر في الماتريكس

[monmonmon]

انا معايا 2007 كورى عربية روعه و ما شاء الله زى الفل و بتدوس فى كل حاجه

مميزاتها كتيييييييره:

ثبات
موتور (بتشد مع مازدا 3 و تعديها و لانوس و تبهدلها...و.......)
عفشه
اعتماديه (عمرها ما عطلت و لا حتى علشان بطاريه الحمد لله)
فرامل جيده جدا (رغم ان الناس مش عجباها)
واسعه جداااااا (من اوسع العربيات)
عاليه عن الارض
تكييف تلاجه
كماليات معقوله (الاساسيه)
قعدتها مريحه و عاليه و مجال الرؤية ممتاز

انا عربيتى عامله 72000 كم و الحمد لله مفيش مشاكل و مش بعمل اى صيانه فى التوكيل و لم يتم ربط مسمار واحد فى العفشة من يوم ما اشتريتها

و بجد العربية دى بتاخد اى غرزة مهما كانت على سرعة 90 بدون اى مشاكل و انا جربت بيها العجب و شديت مع سيفيك 130si حصان و معديها لحد سرعة 80-90 حسب نقلتى من التانى للتالت و الكلام ده كله متصور فيديو.. بجد عربية محترمه جداااااااا و صاحبى اللى معاه السيفيك ده معاه كورولا 2005 لما ركب الماتريكس شكر فيها جداااا موتور و تكييف و عفشة قالى ما شاء الله عليها.. بس قالى الكورولا انعم شويه لكن ثباتها ضايع

طبعا دى حاجه كويسه ان تويوتا تتقارن بالماتريكس

اما بخصوص السيراتو.. لو عجباك و مستعد تدفع الفرق هاتها.. اما لو الفرق يهمك فالماتريكس اختيار ممتاز و عربية اكتر من رائعة

بالتوفيق ان شاء الله

[bishoo33]

انا معايا ماتريكس وعايز اغير بس مش لاقى حاجة تدينى اللى انا واخده من الماتريكس وخايف ابيعها اندم
سيارة بلا مشاكل جوهرية
سيارة اعتمادية
سيارة معمرة وواسعه
سيارة من الأخر قيمتها فيها ولما تحب تبيع حتلاقى فلوسك
ولكن الكارينز بدأت تهز عرش الماتريكس شكلا وسعرا ولم تكتشف عيوبها حتى الأن عكس الماتريكس المجربه من 2004 وحت 2010

[echonight]

كلامكم كله علي الماتركس الكوري والي موجود دلوقتي ماتريكس تركي انا عاوز اراء الناس الي راكبه التركي.السيراتو الصيانبه بتاعتها في القاهره ومفيش مراكز صيانه لحد لدوقتي في الاسكندريه علي حسب موقع كونتاكت كار وانا معنديش وقت اسافر القاهره مخصوص علي شان الصيانه

[m_s_h_a]

كلامكم كله علي الماتركس الكوري والي موجود دلوقتي ماتريكس تركي انا عاوز اراء الناس الي راكبه التركي.السيراتو الصيانبه بتاعتها في القاهره ومفيش مراكز صيانه لحد لدوقتي في الاسكندريه علي حسب موقع كونتاكت كار وانا معنديش وقت اسافر القاهره مخصوص علي شان الصيانه

هيونداى ليها صيانه فى الاسكندريه شارع السلطان حسين و الكيا فى العامريه على الصحراوى

[yahiaa1011]

بص يا باشا انا معايا ماتريكس تركي 2010 و عامل بيها 2000 كيلو بصراحة هي زي الفل و ثباتها رائع و ماتورعا بعد 120 بيفتح بطريقة غريبة و انا لما سقت الاوبترا من يومين حسيت بصراحة بقيمة الماتريكس اشتريها و صدقني هتعجبك

[monmonmon]

بص يا باشا انا معايا ماتريكس تركي 2010 و عامل بيها 2000 كيلو بصراحة هي زي الفل و ثباتها رائع و ماتورعا بعد 120 بيفتح بطريقة غريبة و انا لما سقت الاوبترا من يومين حسيت بصراحة بقيمة الماتريكس اشتريها و صدقني هتعجبك

مالها الاوبترا؟؟؟ احسن و لا اوحش؟؟

انا بصراحه بحسها نوبيرا متعدله فقط

[Diaby]

[QUOTE=monmonmon;3872130837]مالها الاوبترا؟؟؟ احسن و لا اوحش؟؟

انا بصراحه بحسها نوبيرا متعدله فقط[/QUO
مالها النوبيرا عربية والله ملهاش حل كانت معايا موديل 2005 كانت تحفة واسعة جدا ثبات جامد جدا عفشة 100 100 على فكرة النوبيرا برقبة الاوبترا والمفرود كانوا كملو فيها بدل الاوبترا اللى شكل على الفاضى وبالنسبة للماتريكس هى معايا دلوقتى 2007 مانيوال كورى عربية جميلة جدا واسعة وثبتة جدا انا انصحك بيها ولو امكانياتك تسمح الاحسن من ده كله الالنترا

[monmonmon]

[QUOTE=med;3872130951]

مالها الاوبترا؟؟؟ احسن و لا اوحش؟؟

انا بصراحه بحسها نوبيرا متعدله فقط[/QUO
مالها النوبيرا عربية والله ملهاش حل كانت معايا موديل 2005 كانت تحفة واسعة جدا ثبات جامد جدا عفشة 100 100 على فكرة النوبيرا برقبة الاوبترا والمفرود كانوا كملو فيها بدل الاوبترا اللى شكل على الفاضى وبالنسبة للماتريكس هى معايا دلوقتى 2007 مانيوال كورى عربية جميلة جدا واسعة وثبتة جدا انا انصحك بيها ولو امكانياتك تسمح الاحسن من ده كله الالنترا

طب الحمد لله انك جربت النوبيرا و الماتريكس و شايف الماتريكس ثابته لان فى ناس كتيير فاكرين انها علشان عاليه تبقى مش ثابته و بتتقلب فى الملفات (تفكير بدائى) و واخدينها بالشكل

ربنا يباركلك فيها

[M.almaghraby]

بصراحة اسوا تصميم فتاريخ صناعة اسيارات

دا الي ممكن اكون عارفه

[monmonmon]

بصراحة اسوا تصميم فتاريخ صناعة اسيارات

دا الي ممكن اكون عارفه

هما دول اللى بقول عليهم :pointi~2[2]:

سبحان الله

[Hosam_Optrawy]

[QUOTE=med;3872130951]

مالها الاوبترا؟؟؟ احسن و لا اوحش؟؟

انا بصراحه بحسها نوبيرا متعدله فقط[/QUO
مالها النوبيرا عربية والله ملهاش حل كانت معايا موديل 2005 كانت تحفة واسعة جدا ثبات جامد جدا عفشة 100 100 على فكرة النوبيرا برقبة الاوبترا والمفرود كانوا كملو فيها بدل الاوبترا اللى شكل على الفاضى وبالنسبة للماتريكس هى معايا دلوقتى 2007 مانيوال كورى عربية جميلة جدا واسعة وثبتة جدا انا انصحك بيها ولو امكانياتك تسمح الاحسن من ده كله الالنترا

النوبيرا برقبة الاوبترا ازاى مش فاهم

ياريت ياجماعه اللى يقول حاجه يبقى متأكد منها وعن تجربه

مش مثلا جربت نوبيرا حالتها كويسه وجربت اوبترا حالتها تعبانه تقوم تقول كدا ( اشك بصراحه انك ركبت الاوبترا او جربتها عشان تقول كدا )

بلاش نقول اى كلام عشان ربنا شايف كلامنا وهايحاسبنا

[echonight]

شكرا لارائكم يا جماعه ومتزعلوش كده عن الكلام عن الاوبترا و النوبيرا
انا معايا لانوس 2005 و خت الماتركس من اخويا مره فعلا عربيه ثابته بس مش عاليه عن الارض وبتحك في المطبات ذي الدايو.
المشكله ان المودلات الجديده ذي الكارينز و السيراتو قطع غيارها غاليه وغير متوافره لاكن حاجه ذي الماتركس قطع غيارها نزلت عن الاول انا اخويا كان بيصوت من ارتفاع سعر قطع غيار الماتركس لانه جابها 2005
دلوقتي انا عاوز اعرف هل يعني اداء الماتركس التركي ذي الكوري ولا فيه فرق؟