الفتيس الاوتوماتيك للماتريكس 2008 .. استفسار

[Hassan Khalil]

السلام عليكم
زوج اختي بفضل الله اشتري ماتريكس 2008 اوتوماتيك من حوالي اسبوعين ب 90000 ... لكن من ساعة ما اشتراها و هو بيسمع كلام كتير عن عيوب الفتيس الاوتوماتيك في الماتريكس و الهونداي عموما ... لكن مفيش حد قدر يقولله ايه العيب بالضبط ... كل الكلام علي طريقة ( ما تجيبش اوتوماتيك بيقولوا عليه مش كويس )..
فهل هذا الكلام صحيح ؟؟ و هل يوجد مشاكل معروفة و مجربة لهذا الفتيس ؟؟؟
رجاء الافادة

[fahd_628]

مسمعتش قبل كدة كلام عن عيوب الفتيس الأوتوماتيك فى الماتريكس غير ان سحبتة مش جامدة اوى

[Adham]

نفض

[abo3bdolrahman]

ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم. :D

[الريس]

لا توجد من الفتيس بتاع الماتريكس اي مشاكل
بص انا عندي 6 عربيات ماتريكس في العيلة و الاصحاب كلهم اتوماتيك
مفيش حد اشتكى نهائي
و كذلك في الصيانة عمري ما شفت حد اشتكى منه
ممكن الفرنا علشان التقفيل يكون في لعب او عك من اي نوع
بس كده

[Adham]

ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم. :D

خطر جدا موضوع عدم ضبط كمية الزيت في الفتيس الاوتوماتيك

لأنة لو ناقص حايحرق الكلاتشات

و لو زايد الاويلسيلات حاتضرب

بس معلش سؤال رزل شوية: حضرتك عرفت منين ان الفتيس كان بيسخن زيادة معاك ؟؟

هل فية لمبة حساس لزيت الفتيس بتضيء إن حرارة الزيت ارتفعت؟؟ لا اعتقد ان دي في الفيرنا, برغم انها عندي في الفرونتيرا, و اعتقد انها بس للعربيات ال 4*4 لأن فتيسها خدمة شاقة للعمل في الصحراء و طرق غير ممهده فممكن يسخن نتيجة قسوة الاستخدام

هل حضرتك جسيت الفتيس بإيدك بعد مشوار؟؟, برضة مش معيار اعتقد لانك مش حاتبقى عارف الحرارة الطبيعية لة و الحرارة الزايدة, هل التوكيل هما اللي قالوا لحضرتك ان الفتيس سخن زيادة ؟؟

[Hassan Khalil]

مسمعتش قبل كدة كلام عن عيوب الفتيس الأوتوماتيك فى الماتريكس غير ان سحبتة مش جامدة اوى

السحبة احنا متعودين بس الخوف كان من الفتيس ..بالاضافة لفرحة العربية الجديدة اللي قلبت قلق و خوف ... شكرا لك

نفض

نفضت

ما فيش مشكلة فيه بس كان عاندى فى عربيتى الفرنا ( غير موجودة معى حاليا ) كان بيسخن من بعد تغيير زيت الفتيس و ده ممكن يعمل مشكلة بس السبب كان عدم ظبط كمية الزيت صح رغم إنه إتغير فى التوكيل. و للعلم هوا هوا نفس فتيس الماتريكس و الإلنترا الشكل القديم.

شكرا علي النصيحة القائمة علي تجربة .. و علي فكرة ..انا كنت مرة راكب لانسر اوتوماتيك .. و كنت حاسس بخونة الفتيس بجانب ساقي اليمين .. ممكن يكون نفس السبب؟؟

لا توجد من الفتيس بتاع الماتريكس اي مشاكل

ربنا يطمن قلبك ..

خطر جدا موضوع عدم ضبط كمية الزيت في الفتيس الاوتوماتيك

لأنة لو ناقص حايحرق الكلاتشات

و لو زايد الاويلسيلات حاتضرب

مافهمتش غير السطر الاول بس !!!! :!: :!: :?: :?:

[thegreatnileman]

سحبتة مش جامدة اوى

وفيه صوت زنة عند النقل من ال nالى ال d r صوت ززززززززززززتيك
هل عندك الصوت ده بعد مشوار مش لما تكون العربية بارده

[Hassan Khalil]

وفيه صوت زنة عند النقل من ال nالى ال d r صوت ززززززززززززتيك
هل عندك الصوت ده بعد مشوار مش لما تكون العربية بارده

العربية بتاعة زوج اختي ..اساله و ارد عليك... و ان كنت اتخيل مسبقا انه مش بياخد باله من الحاجات دي ما دام العربية بتمشي ... لكن اساله برضه

[شريف شعبان السيد]

هو زيت الفتيس بيتغير كل اد ايه ولا مش بيتغير ويتزود عليه بس واى نوع زيت افضل للاتوماتيك وشكرا

[Adham]

هو زيت الفتيس بيتغير كل اد ايه ولا مش بيتغير ويتزود عليه بس واى نوع زيت افضل للاتوماتيك وشكرا

أحسن شيء علشان تصون الفتيس الاوتوماتيك انك تهتم قوي بتغيير زيتة كل 10000 كيلو بالكتير 12000 و تجيب زيت مضمون, انا مثلا مش باثق إلا في زيت شل ديكسترون (علبة سوداء عليها تكت اخضر صناعه كندي ب17 جنية اللتر) و تشترية بس من محطات شل ومش من بتوع الزيوت

و تغير فلتر (صفاية) الفتيس الاوتوماتيك كل 60 الف كيلو

و اوعى تنقل من الريفرس للدرايف الا و العربية واقفة تماما

او تجيب الباكنج و العربية ماوقفتش تماما

و اوعى تقطر العربية الاوتوماتيك بتاتا مهما كانت الظروف سواء حادث او عطل

إلا لو كانت دايرة

و الافضل ترفعها على عربية او تقطرها بونش بس العجلتين اللي عليهم الدفع يكونوا مرفوعين (الاماميتين يكونوا مرفوعين من قدام لو عربية كبالن يعني) مش تقطرها بعربية و العجل بيلف و الموتور مبطل
لأن دة يبوظ الفتيس لأنة برضة بيلف مجموعه حركة حتى لو العربية عالمور و بتبقى طلمبة الزيت طافية لأنها بتلف مع دوران المحرك

[Hassan Khalil]

ما شاء الله...نعم النصائح ...لكم جزيل الشكر

[Adham]

علي فكرة ..انا كنت مرة راكب لانسر اوتوماتيك .. و كنت حاسس بخونة الفتيس بجانب ساقي اليمين .. ممكن يكون نفس السبب؟؟

ياباشا اللانسر موتورها بالعرض و على كبالن

يعني الموتور عاليمين و الفتيس عالشمال

الكلام دة لو العربية كردان (موتورها بالطول) يبقى الفتيس ورا الكونسول و تحس بالسخونة جنب رجلك أة

[Hassan Khalil]

يا ادهم باشا... انا كان قصدي ان السخونة بتكون في المكان اللي عصاية الفتيس بتتحرك فيه .. و باشعر بيها في ساقي لان ساقي ( و ليس قدمي ) بتكون خابطة في الفتيس لاني من طوال القامة...
لكن برضه مايمنعش اننا نقول مرة تانية : نعم النصائح .. و نعم الخبرة .. و لكم جزيل الشكر

[Ahmed Anwer]

انا عندي فيرنا اتوماتيك

و عند المدام برده فيرنا اتوماتيك

و الإثنين 1600 و الإثنين لونهم سماوي

شفت الملل ...................

مفيش أي مشاكل إطلاقآ من الأتوماتيك بتاعهم