I 30 s

[LanCeLoT]

اهلا يا جماعة ملاك العربية دي
انا ابتديت الاحظ انتشار العربية دي على الرغم من تواجد قوي لمنافسين من نفس الفئة السعرية .. وطبعا قد يحكم اقبال البعض على غيرها عوامل مثل
كونها هاتشباك ... سمعة الوكيل اللي في السما ... بس ده ما يمنعش انها ابتدت تفرض نفسها في السوق ... والعربية بجد جميلة شكلا واداء و ثباتا ..و اللي عايز يحس اكتر بجمالها يشتري اعلى فئاتها
ده انا شوفت ناس بتقارنها بالسوبارو ...
عموما انا غرضي الاصلي من كتابة الموضوع ده اعرف هل عدد ملاكها على المنتدى يسمح ان احنا نعمل رابطة احنا كمان نتشارك فيها ولا لسه بدري
عموما انا هبتدي بنفسي
انا احمد رجب 28سنة
طبيب اسنان
و يا رب نشوف ردود
طبعا انا هنا بضيف بس تحية لتقييم الاستاذ فهد اللي كان من ضمن اهم الاسباب اللي خلتني اجيب العربية دي

[LanCeLoT]

متوسط استهلاك البنزين للعربية دي هوا 7.5 ليتر لكل 100 كم
انا حسبتها اكتر من مرة

[د.محمود صلاح]

عربية ممتازة بها كماليات عديدة وأعلى فئة ب 128 الف بفتحة ومالتى فنكشن وفتحة سقف , وتكييف تاتش والعدييد من الكماليات

[Nile_Storm]

بانتظار تقييمك ياباشا و صور كمان :)
اعذرني انا طماع :)

[LanCeLoT]

العربية بجد تتحب
انا صحيح لسه ما كملتش 4000 كم
بس انا كل يوم بحب العربية اكتر
اه طيعا ليا نفس
الملاحظة اللي قالها الاستاذ فهد على العربية وهيا ان العافشة ناشفة شوية
بس العربية ثباتها شديد على الرغم اني لسه ما ركبتلهاش جنوط .. وانسيابية شكلها و ادائها تحسسك انها من فلتات هيونداي
بالنسبة للتقييم الاستاذ فهد عملها تقييم شامل ما شاء الله
ولو ظهرت ملاحظات اكتر هبقى اقولها و اصورها زي موضوع البنزين ده
و يا رب يكون في اعضاء هنا في المنتدى من ملاكها وينضمولنا هنا

[monmonmon]

انا بمووووووت فى العربية دى بس معايا ال i10 ممكن نعمل رابطة ال i كده علشان مفيش ناس

ربنا يباركلك فيها

[mohamed_mohsen]

سؤال غريب...هي الأحسن و إلا السيراتو؟ مع عدم أخذ المساحه الداخليه و الشنطه في الإعتبار
و ألف مبروك العربيه و مستنيين تقييم شامل بالصور
أصلي بموت في العربيه دي

[LanCeLoT]

انا بمووووووت فى العربية دى بس معايا ال i10 ممكن نعمل رابطة ال i كده علشان مفيش ناس

ربنا يباركلك فيها

اكيد يا باشا .. والله فكرة حلوة .... رابطة ال I
خلاص كل اللي عايز ينضم لينا من ملاك ال I 10 او ال I 30 لحد ما يبقى في انشاء الله ملاك ال I 20

[LanCeLoT]

سؤال غريب...هي الأحسن و إلا السيراتو؟ مع عدم أخذ المساحه الداخليه و الشنطه في الإعتبار
و ألف مبروك العربيه و مستنيين تقييم شامل بالصور
أصلي بموت في العربيه دي

والله هي المقارنة ليها كذا عنصر
السيراتو بصراحة من العربيات اللي تتحب
واعتقد من معرفتي المتواضعة
ان هما الاتنين نفس الماتور ونفس الثبات وكمان نفس الخامات والاتنين عفشتهم ناشفة شوية بس يفرفهم عن بعض زي مانتا قلت ان ال i 30 هاتشباك بشنطة صغيرة ولكن مساحة خلفية كبيرة و العكس في السيراتو
وطبعا للهاتشباك عشاقها وللسيدان عشاقها
لكن يفرقهم ان السيراتو في اعلى فئاتها كماليات اكتر من ال i 30
وكمان التوكيل لان توكيل كيا الفيد باك من عنده معظمه كويس والعكس في هيونداي
انا شخصيا بعمل صيانتي في مركز خدمة مريحني و ما عنديش معاه مشاكل .. والله اعلم

[LanCeLoT]

عايزين نتجمع يا ملاك ال i 30
ايه النظام

[حماده المصري]

لا مقارنه

النترا واي 30 اثبت بمليون مره من السيراتو وعن تجربه

[mayoush133]

عايز أسأل على حاجة...هو ال cd mp3 ولا media ..و هو فيه وصلة AUX or MP3 بجد ولا لأ..أنا جبت ال high line و مافيهاش ...حد يفهمني

[MAG2010]

I 30 cw

انا محمد الغوابي
وعندي i30 cw واحب نتعرف ونتقابل
محمد

[mshmshm3]

ليه الار بي ام بتاع ال i 30 عند 5 احمر وفي العربيات التانية زى الالنترا عند 7 دي حاجة خليتني اتردد في شراء i30

[حماده المصري]

ليه الار بي ام بتاع ال i 30 عند 5 احمر وفي العربيات التانية زى الالنترا عند 7 دي حاجة خليتني اتردد في شراء i30

لا يافندم ال اي 30 زيها زي الالنترا بس انت شكل الصوره الي شوفتها بتاعه النسخه الديزل

العربيات الديزل الار بي ام بتاعها اقل من البنزين