الحقونى افيرنا ضربت جوان وش السلندر

[pedooooo]

السلام عليكو ورحت الله و بركاته
انهارده والدى كان راجع من الشغل بتاعه من طنطا واحنا ساكنين فى المحله فا فى بينا و بين طنطا عشرين كيلو تقريبا
المهم والدى اصلا مش بيجر بس سبحان الله انهارده كان بيجرى
وهو ماشى خرطوم المايه اتقطع و العربيه خلصت كل المايه اللى فيها
طبعا والدى محسش باى حاجه غير انه فجاه لقى الامبير بتاع الحراره رفع على الاحمر
نزل اشترى خرطوم عشان يعرف يوصل بيها المحله
بس طبعا لما وصل راح عند مكانيكى قالى دى ضربت جوان وش السلندر
قاله طيب تعرف تغيره قاله لا مبعرفش اشتغل فيها
والدى اتصل بالتوكيل قال يغيره هناك بقى
المهنسقاله انها هتتكلف 2500 جنيه مع العلم ان الجوان ب 100 جنيه و الونش اللى هيجى ياخد العربيهعياخد 400 جنيه يعنى ف 200 جنيه مصنعيه
طبعا افترى قولت لوالدى لا طبعا
المهم ودتها عند مكانيكى هنا بس باشا بجد اسمه ابو جمره اكيد المحلاويه يعرفوه
قالى هياخد كله كله بالقشط 500 جنيه وقالى لو فى حاجه معجبتكش متستلمش العربيه
واتكلت على الله و سيبتله العربيه و هستلمها بكره انشاء الله وربنا يستر
معلش بقى طولت عليكو بس انتو عارفين بقى بتفك معاكو ف الكلام بدل ما افرقع

[M.almaghraby]

معلش قدر ربنا و ميهمكش

[amr.elsayed]

قدر الله وما شاء فعل وان شاء الله العربية ترجع احسن من الاول

[a77med]

حصل خير ياباشا وقدر الله وماشاء فعل
لكن ياريت لو تقدر تقولى ماسبب المشكله بالظبط بحيث كل واحد يبقى يخلى باله من المشاكل دى بعد كده

[Karim_Mohy]

قدر الله وما شاء فعل

[Beam28]

إن شاء الله تتصلح وترجع احسن من الأول

[mohamed_mohsen]

حصل خير ياباشا وقدر الله وماشاء فعل
لكن ياريت لو تقدر تقولى ماسبب المشكله بالظبط بحيث كل واحد يبقى يخلى باله من المشاكل دى بعد كده

سبب المشكله إن الخرطوم اتقطع و مية التبريد فضيت كلها فالموتور سخن
مما أدي إلي إن جوانات وش السلندر ضربت

[pedooooo]

شكرا يا جماعه على الرد
انشاء الله انا هستلم العربيه الساعه تسعه
وهرجع اقولكم اخبار العربيه ايه
ويا رب تيقى تمام بقى

[wisambasha]

ربنا معاك والحمد لله انها جت علي قد كدة

لكن سؤال هو ايه اللي خلي الخرطوم اتقطع اصلا؟
هو حضرتك نضفت دورة الرادياتير علي الجهاز في بنزينة مؤخرا
اصل الموضوع ده حصلي قبل كدة بس بعد ما نضفت الرادياتير باستخدام الجهاز اللي بضغط المياه في البنزينة واللي خلي الخرطوم مايستحملشي الضغط ده ففرقع واتقطع والمياه الخضرا كلها نزلت وانا ماشي لكن الناس قالولي فلحقت نفسي ووقفت
ومن ساعتها حرمت انضف الرادياتير في بنزينه باستخدام الجهاز ده

[pedooooo]

ربنا معاك والحمد لله انها جت علي قد كدة

لكن سؤال هو ايه اللي خلي الخرطوم اتقطع اصلا؟
هو حضرتك نضفت دورة الرادياتير علي الجهاز في بنزينة مؤخرا
اصل الموضوع ده حصلي قبل كدة بس بعد ما نضفت الرادياتير باستخدام الجهاز اللي بضغط المياه في البنزينة واللي خلي الخرطوم مايستحملشي الضغط ده ففرقع واتقطع والمياه الخضرا كلها نزلت وانا ماشي لكن الناس قالولي فلحقت نفسي ووقفت
ومن ساعتها حرمت انضف الرادياتير في بنزينه باستخدام الجهاز ده

انا بجد مش عارف ايه قطع الخرطوم مع العلم انى عمرى ما نضفت دورة الريداتير من يوم
ما استلمت العربيه

[ابو فرح]

قدر الله وما شاء فعل وان شاء الله العربية ترجع احسن من الاول

[Fadi Ezzat]

ان شاء اللة ياباشا العربية ترجع كويسة تانى
بس انا عرفت اية السبب
السرعة العالية
لان بردة الرخطوم اتقطع فى الفيرنا الى سوقتها دى قبل كدة وقولتلكم عليها
علشان كنت ماشى 190

[pedooooo]

قدر الله وما شاء فعل وان شاء الله العربية ترجع احسن من الاول

شكرا اوى يا باشا
والحمد لله انا استلمت العربيه اول امبارح
وبجد الحمد لله العربيه فعلا بقت احسن من الاول
لانى حاسس ان العربيه فاقت اوى اوى اوى
المكانيكى نضف الحساسات و غير كل الفلاتر بالمره
ونضف البوابه بتاعت البنزين
بجد العربيه بقت تمااااااااااام
والحمد لله انها جت على قد كده

[pedooooo]

ان شاء اللة ياباشا العربية ترجع كويسة تانى
بس انا عرفت اية السبب
السرعة العالية
لان بردة الرخطوم اتقطع فى الفيرنا الى سوقتها دى قبل كدة وقولتلكم عليها
علشان كنت ماشى 190

لا يا فادى معتقدش ان السبب السرعه
لانى عارف ان والدى مش بيمشى اكتر من 100
والطريق اصلا ميساعدش اكتر من كده
هو المكانيكى بيقولى الخرطوم عمره الافتراضى كده
الخرطوم نشف و شقق من تحت و اتقطع
يلا الحمد لله
وشكرا يا باشا على مشاركتك

[a77med]

لا يا فادى معتقدش ان السبب السرعه
لانى عارف ان والدى مش بيمشى اكتر من 100
والطريق اصلا ميساعدش اكتر من كده
هو المكانيكى بيقولى الخرطوم عمره الافتراضى كده
الخرطوم نشف و شقق من تحت و اتقطع
يلا الحمد لله
وشكرا يا باشا على مشاركتك

افهم من كلامك ان الخرطوم هل محتاج متابعه بمعنى كل فتره ابقى ابص عليه واشوفه اذا كان مشقق ام لا ولا اسيبه لغايه لما تيجى بظروفها