افيدوني: حادثة الانترا الشكل القديم

[Ralliart]

السلام عليكم ورحمة الله وبركاته
في واحد قريبي عمل حادثة بإلانترا2006 الشكل القديم وكانت الخسائر رفرف أمامي يمين وكشاف امامي يمين واكصدام أمامي وقربه الميه
المشكله انه في الغردقه وهناك مفيش قطع غيار وكلمني علشان ابعتله القطع دي من القاهره فأنا مش عارف اجيب الحاجات دي منين؟؟ وتتكلف في حدود كام؟؟
يا ريت تنصحوني في اسرع وقت ربنا يكفيكم شر الحوادث

[Ralliart]

طيب حد يقولي على اي حد بتاع قطع غيار هيونداي في الجيزه؟؟

[ابو فرح]

اسلملك روح الحرفيين هتلاقى طلبك هناك واسعار مهاوده

[bassam nagy]

فى محل قطع غيار هيونداى فى شارع فيصل عند الاداراة التعليمية
وانت رايح الجيزة هاتلاقى محلات قطع غيار هيونداى فى شارع فيصل

[Ralliart]

اشكركم على ردكم
انا رحت النهارده شارع فيصل لقيت محل واحد اللي فاتح وملقتش عنده قطع غيار للبودي وقالي روح ام المصريين
رحت هناك وسألت لقيت اسعار رخيصه جداً جداً يعني الاكصدام150 والفانوس120
وبعدين رحت السرساوي في الدقي وده مشهور جداً وبجيب منه حاجات لميتسوبيشي لقيت عنده اسعار اغلى شويه يعني اكصدام 225 وقالي ان حاجته تايواني والتاني صيني وان حاجته انضف
هي عموماً هتفرق في التوتال 150 جنيه فمش عارف الحاجات جودتها هتفرق ولا لأ يا ريت تفيدوني وصعب جداً اروح الحرفيين علشان عندي امتحانات

[bassam nagy]

لو عاوز الاصلى يبقى عليك وعلى ابو رواش التوكيل نفسة
ولو هاتركب حاجة غير الاصلى يبقى خليك فى حاجة غير الصينى لانى شوفت فانوس اصلى للفيرنا وشوفت الصينى باين اوى الفرق فاممكن فى اى حاجة تانية يبان
فى ناس فى شارع فيصل بعد المريوطية على الشمال فى اكتر من واحد وانت رايح ناحية الرماية

[Ralliart]

شكراً على ردك بس متعرفش الحاجات دي تتكلف كام اصلي؟؟؟ او لو عند حضرتك رقم تليفون لموزع قطع غيار اصلي؟؟

[bassam nagy]

محل قطع غيار هيونداى بس هو فية فى اكتوبر ولية فرق فى الجيزة تقريبا

38370296


38370297

ودة رقم التوكيل 35390760 داخلى 102

[Ralliart]

شكراً على اهتمامك وربنا يكفيك ويكفينا شر الحوادث

[bassam nagy]

امين يارب العلمين
لقيت الحاجة باسعار كويسة

[Ralliart]

اتصلت بالتوكيل الاكثر من زباله الراجل بيقوللي لازم رقم الشاسيه علشان اقولك الاسعار فقولتله العربيه مش معايا وكده قالي يبقى مش هقولك (كأنها سر من أسرار الدوله) ولما اصريت معاه قالي انا مش فاضيلك وقفل السماعه في وشي!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!
اتصلت بمحل قطع الغيار لقيت الاسعار غاليه جداً
اكصدام 1000 جنيه
كشاف 800 جنيه
رفرف 570 جنيه
قربه 115 جنيه
طبعاً اسعار غاليه جداً وبالذات العربيه دي بغض النظر عن انها كوري خاماتها رديئه جداً
ان شاء الله هروح عند السرساوي واجيب الحاجات دي من عنده كلها على بعضها ب580 جنيه تايواني ونضيفه لاني مجرب من عنده فانوس في اللانسر نفس النوع بتاع الالانترا ونضيف جداً
واشكرك مره تانيه على اهتمامك

[حماده المصري]

هما مش بيطلعوا اسعار قطع الغيار الا برقم الشاسيه عشان احيانا بتختلف من عربيه لاخري بس عموما دي حاجات عاديه مش هتفرق من عربيه ل عربيه وهو راجل مش محترم

رايي انك ممكن تجيب القربه والفانوس اصلي عشان دول مهمين

انما الاكصدام والررفرف العب فيهم عادي هات صيني تايواني مش فارقه بس انا عايز اقولك حاجه انا كنت جبت اكصدام اصلي وكان غالي بس هو افضل من الحاجات التانيه

دلوقتي معايا اكصدام ب 150 جنيه سعودي الصنع هو بيسموه الفيبر الجديد ليين قوي واي خبطه على فكره بيسمع في العربيه من جوا وكمان على السرعات العاليه تعامله مع الهوا مش حلو

[Ralliart]

شكراً على اهتمامك وان شاء الله هشوف الحاجه قبل ما اشتريها
بس القربه دي بتاعت المساحات مش الردياتير اعتقد ان ممكن اجيبها تيواني عادي!؟
الفانوس مش عارف انا مستحرم اجيبه ب800 جنيه خصوصاً ان عنده نوع محترم debo وده عندي في اللانسر كنت جايبه ب120 جنيه وبقاله اكتر من سنه ونفس الاصلي بالظبط

[bassam nagy]

ربنا معاك ويقويك فى تصليح العربية وشراء قطع الغيار

وواحد زى الية رد على التليفون شخصية تحتاج ان الواحد يعلمها ازاى ترد على الناس كويس اقل واجب شكوى على الايميل بتاع غبور بالوقت بتاع الاتصال وقلة الاداب فى الرد على العملاء

[حماده المصري]

القربه بتاعه مساحات فل هاتها تايواني

بس انت قولت الي فيها لازم تشوف الحاجات دي قبل ما تاخدها

الفانوس لو طلع حلو يبقى خير وبركه وهاته

والاكصداامات انا قولتلك الي فيها الاصلي انضف بس ميدفعش فيها كله ممكن يتخبط ويتكسر

وبصراحه كل اسعار غبور غاليه فعلا