حقيقة استهلاك البنزين للماتريكس!!

[meroslave]

يا جماعة

أنا اشتريت ماتريكس 2006 مستعمل

وكانت عاملة 11200 كم بس

يعنى كسر زيرو تقريبا

وهيه غالبا كان معمولها بس صيانة الألف

لأن صاحبها كان مسافر

عملت صيانة الـ 10000 كم فى مركز كارفان اللى فى الحى العاشر مدينة نصر

وهوه مركز معتمد

قولتلهم استهلاك العربية 150 كم بس فى الصفيحة (20لتر)

قالولى يااااه دى محتاجة تتظبط ده كده كتير قوى!!


اتظبطت وغيرو الفلاتر الزيت والهوا

وغيرو البوجيهات

الاستهلاك -بعد التضبيط - من 150 كم الى 200 كم فى الصفيحة (20لتر)

....

رحت تانى

ياجماعة الاستهلاك بتاع العربية لسة بيلعب فى الـ 150 كم بس فى الصفيحة

رد مهندس تانى متعلم ومتنور

يااااااه ده كده تمام قوى

هيه استهلاكها كده

ده انت كده تمام وعربيتك زى الفل!!!!!

؟؟؟؟؟؟؟؟

سألت مركز بيع قطع غيار معتمد وفيه مهندس محترم عن موضوع الاستهلاك ده

قاللى باللفظ

هوه انت راكب شيروكى؟؟

دى 1600 سى سى 4 سلندر حقن اليكترونى

يعنى مستحيل يبقى ده الاستهلاك!!

الماتريكس بتعمل فى الصفيحة (20لتر) من 300 كم الى 350 كم


الأحسن تضبط الموضوع ده فى التوكيل الرسمى وأختص أبورواش لأن تضبيط استهلاك البنزين بيبقى بالكومبيوتر وداخل فيه update باستمرار


السؤال بقى عشان ماتزهقوش


كلام مين صح؟؟

وكلامكو ايه عن استهلاك البنزين للماتريكس سواء مانوال او اوتوماتيك؟

اللى راصد استهلاك عربيتو الماتريكس يقول

عشان لو هيه كده فعلا الواحد يكن ويسكت ومايتعبش نفسو فى الحوارات دى


وجزاكم الله الف خير

[Mohammmed]

استحالة الماتركس تعمل فى الصفيحة 350 كيلو سورى يعنى
اعتقد ان استهلاكها المعقول هيبقى فى حدود 200-220 فى الصفيحة

[monmonmon]

و العربية جديدة كانت بتعمل معايا 300 كم فى الصفيحة الزحمة و سواقة جوا البلد دايما و حاليا بتعمل فى الحدود دى او 280 او اقل على حسب السواقة

و فى السفر تعمل 350 لو ماشى من 80-100 كم/س حتى مع التكييف
لو ماشى 120 الاستهلاك بيزيد طبعا

لكن لو رجلك تقيلة و بتحرق تعمل 250 او اقل فى الصفيحة

ملحوظة عربيتى عامله اكتر من 72000 كم و مانيوال موديل 2007 كورى.. و ماشى بالكاوتش الاصلى بتاعها و الكاوتش عايز يتغير لان فى خرم فى العجلة الامامية و صوته اعلى من الاول لانه متآكل و فيه نقر كتيره

بصراحه استهلاك العربية ممتاز

انا معايا i10 مكنتها 1100 سى سى بتعمل جوا البلد اقصاها 300 و حاليا مركب كاوتش عريض بعمل من 260 ل 280 كم فى الصفيحة

و فى السفر على سرعة 80-90 بعمل 370 او اكتر فى الصفيحة

على سرعة 100-120 او اكتر و العربية محمله بعمل 290 كم فى الصفيحة رغم انها 1100 سى سى بس الماتريكس افضل بعض الشىء طبعا هتستغرب لكن ده لان محركها اكبر و بيخرج عزم عالى بدون ضغط بنزين كتيير.. لكن ميزة ال i10 ان عمر استهلاكها ما هيقل عن 260 كم فى الصفيحة مهما حرقت و حملت لكن الماتريكس من السهل ان مع الحرق و التحميل الجامد تعمل 250 و اقل فى الصفيحة

اتأكد ان ضغط الكاوتش عندك مظبوط و اهتم بأنك متدوسش بنزين جامد او تعمل تعجل سريع بأنك تضغط على دواسة البنزين جامد و متعديش ال 3000 لفه فى النقلات يعنى اتحرك بالغيار الاول و هات التانى و امشى بيه لحد 40 او اقل و التالت لحد 55 و الرابع لحد 75 ثم الخامس

و بردوا احب اوضح ان ممكن واحد يقول ان سواقته معقولة و مش بيعدى ال 3000 لفه لكن فى الحقيقة هو رجله تقيله على البنزين و بيعمل تعجيل زياده و ده هيأثر على الاستهلاك جامد حتى لو مش بيعدى ال 3000 لفه و ده مع الوقت و التعود هيتحس

[m_s_h_a]

استحالة الماتركس تعمل فى الصفيحة 350 كيلو سورى يعنى
اعتقد ان استهلاكها المعقول هيبقى فى حدود 200-220 فى الصفيحة

ده الطبيعى لو بالتكييف

[bassam nagy]

و العربية جديدة كانت بتعمل معايا 300 كم فى الصفيحة الزحمة و سواقة جوا البلد دايما و حاليا بتعمل فى الحدود دى او 280 او اقل على حسب السواقة



لكن لو رجلك تقيلة و بتحرق تعمل 250 او اقل فى الصفيحة



بصراحه استهلاك العربية ممتاز

كلام مظبوط وبتفرق حسب طريقة السواقة والعربية مانيوال ولا اتوماتيك
والاتوماتيك اكتر من حد اشتكة منها واستهلاكها العالى
لو عربية حضرتك مانيوال يبقى استهلاكها عالى اوى وعمتا فى كلتا الحالتين حضرتك ظبطها على الكمبيوتر فى التوكيل

[M.Osman]

اتأكد ان ضغط الكاوتش عندك مظبوط و اهتم بأنك متدوسش بنزين جامد او تعمل تعجل سريع بأنك تضغط على دواسة البنزين جامد و متعديش ال 3000 لفه فى النقلات يعنى اتحرك بالغيار الاول و هات التانى و امشى بيه لحد 40 او اقل و التالت لحد 55 و الرابع لحد 75 ثم الخامس

و بردوا احب اوضح ان ممكن واحد يقول ان سواقته معقولة و مش بيعدى ال 3000 لفه لكن فى الحقيقة هو رجله تقيله على البنزين و بيعمل تعجيل زياده و ده هيأثر على الاستهلاك جامد حتى لو مش بيعدى ال 3000 لفه و ده مع الوقت و التعود هيتحس

كلام مظبوط

[meroslave]

الف شكر على تفاعلكم مع الموضوع

........

ليه بس ملحوظة

أنا عربيتى أوتوماتيك

وعشان أتلاشى النقطة اللى اتكلمتوا فيها بتاعت الضغط على دواسة البنزين

بضغط بهدوء

لدرجة أنى بحس أنى بطيىء جدا فى السحب.. وحتى لو دوست جامد بحس بالـ rpm صوتة بيعلى بس السحب عادى جدا

خصوصا أنى خارج من استخدام نيو أكسنت عادة لمدة سنة ونص والسحب فوق الممتاز

.......

أما معلومة ضغط الهوا فى الكاوتش و النقط اللى اتكلمتوا فيها

فدى معلومات جديدة أول مرة أعرفها

بس واضح ان استهلاك البنزين داخل فيه عوامل كتيرة

.....

عموما أنا حاسس أن العربية فى النهاية يعنى

استهلاكها كتير فى البنزين .. وسحبها بطىء نوعا ما خصوصا الاوتوماتيك

بس من ناحية تانية

عربية واسعة ومريحة وفى متناولنا كفئة متوسطة

.....

ان شاء الله نعمل زيارة لأبوراش وربنا معانا

ونضبط الاستهلاك