صوت طقطقه في صالون الفيرنا لما صدعني

[shooda2020]

اهلا و سهلا بيكم
انا اسمي شادي نجيب انا جديد جدا في العربيات و لسه شاري عربيه فيرنا 2009 من حوالي شهرين
العربيه كويسه بعد ماكنت هاجيب خلاص لوجان ناس كتير قالتلي الفيرنا احسن مع انها تقفيل مصري هيا طبعا فيها عيوب عبيطه شويه بس مش مشكله
المهم من يومين وانا ماشي في شارع كله مطبات خات مش مطب مجاري في النص عاليه انا سمعت صوت الخبطه كانت جامدا جدا
بس الحمدلله العربيه كويسه بس الظاهر انها رجت حاجه في الصالون و صوتها رخم جدا
في الطلوع بسمعه ولما بفرمل
مش عارف ده صوت ايه
يا ريت حد يفيدني خلاص انا تعبت من صوته جامد مع العلم اني راح اعمل صيانه الالف قريب
افيدوني يا وحوش الفيرنا

[shooda2020]

حد يرد يا جماعه عليا بجد

[M.Osman]

انا مش عايز افتي
لكن انا عندي صوت برضه من داخل صالون العربية .. مش عارف من الكرسي و لا من البلاستيك اللي حوالين الباب و القايم و هو فعلاً بيظهر ساعات لما اكون واقف و ابدأ اتحرك او لما افرمل جامد..

ان شاء الله بسيطة يا باشا متقلقش

[khorshed4u]

ما تقلقش ده عادى جدا فى الفيرنا دة صوت البلاستيك بتاع القوايم

[roy705]

انا كمان بدا يظهر صوت فى الصالون عندى مجننى مش عارف احدد منين بالظبط
انا عارف انه عادى لكن بصراحه مضايق منه
لو حد عنده حل او فكره يا ريت يقول عليها
انا ظهر الصوت عندى بعد 15000 كم

[ahmedsamir5edr]

نفس الصوت عندي

[bekaso_10]

i have the same !!!

[OilMan]

انا من احد ملاك الفيرنا سابقا كانت موديل 2004 اول موديل1600 شبه كورى كانتب78 الف جنيه كامله مانيوال وكانت فى منتهى الروعه ما شاء الله بس انا ظهر عندى الصوت ده من بعد 70 الف كيلو تقريبا هو صوت رخم جدا تحس اه الصالون كله بيطأطأ بس انا لاحظت انه كان عالى جدا فى الصيف اكتر بمعنى لما باكون راكن فى الشمس لمده طويله بس بيشبه صوت تزييئه كده فى القوايم الاربعه زى ما يكون الكاوتش اللى فى الزجاج نشف وعاوز يتزيت ولغاية ما بعتها كان الصوت موجود بس بدرجات مختلفه حسب درجة الحراره فى الخارج بش مش كان بيطول ومش فى كل وقت باسمعه ارجو انى اكون افدتكم

[ahmedsamir5edr]

طب الحل ايه ؟

[shooda2020]

طب ايه الحل يا جماعه
حد يفيدني بجد
انا اصلا لسه ماوصلتش للالف كيلو
حد يفيدني بجد
انا جديد في المنتدي

[M.Osman]

بجد مش عارف
ممكن تقولهم في التوكيل..

بس انت بتقول صدعك ؟ انا الصوت بيظهر عندي لما اجي اتحرك بس زي ماقولت .. يعني مش على طول..

انا متابع..

[OilMan]

متهيالى الحل انه اللى عنده المشكله ديه تتقابلوا وتروحوا التوكيل مع بعض علشان تتصرفوا لو واحد راح لوحده حيخدروه ويرجع تانى من الاول انما لو مجموعه متهيالى التوكيل حيخاف على سمعته وحيتصرف وان كان لا ابعتوا للتوكيل فى كوريا يعنى من الاخر مش تسكتوا لان احنا مش بنسرق الفلوس اللى بنشترى بيها عربياتنا

[Ramiy]

السادة
هذا الصوت نتيجة احتكاك اسفل السيارة و غالبا ما يكون فى مسامير القنطرة السفلية
و يتم سماع هذا الصوت عند بدء الحركة او عند الضغط على الفرامل للوقوف
لذا يلزم الفحص الشامل للعفشة
مع العلم انه لا يؤثر على اداء السيارة الا مع وجود خبطة شديدة اسفل السيارة

[YHYAKOTB]

السادة
هذا الصوت نتيجة احتكاك اسفل السيارة و غالبا ما يكون فى مسامير القنطرة السفلية
و يتم سماع هذا الصوت عند بدء الحركة او عند الضغط على الفرامل للوقوف
لذا يلزم الفحص الشامل للعفشة
مع العلم انه لا يؤثر على اداء السيارة الا مع وجود خبطة شديدة اسفل السيارة

+111111111111111

[alexman007]

ودي آخر اللي يسمع كلام الناس ويجيب فيرنا مع إنك كنت رايح تجيب لوجان اللي صالونها متماسك جدا جدا ومفيش العك اللي في الفيرنا
انا بعت الفيرنا مو2007 وجبت لوجان
ولعى فكرة العربية جامدة جدا وقطع الغيار بقت في التوكيل بالهبل وكمان في تجار جابوها في القاهرة واسكندرية