أرجو المشاركة بسرعة بالله عليكم !!!

[ammarzizo]

السلام عليكم ورحمة الله وبركاته

بعد اسشارات كثيرة واستخارة وفقنى الله عزوجل فى اتخاذ قرار للماتريكس , بعد ما كنت محتار بينها وبين الالنترا !

فما رأيكم أنتم ؟

وأريد أعرف أرائكم ولكن بالله عليكم من يشارك فى موضوعى يكن من أصحاب الخبرة ولا يلقى أحد ما فى جعبته للتشويش أو غيره وهذا رجائى عندكم .

وثانيا : أريد أن أطلع على ألوان 2010 للماتريكس وما هو أفضل لون للماتريكس لانى محتار فى اختيار اللون لأن أمامى يومان فقط لكى أبلغهم عن اللون المرغوب فيه .


وهل قرارى موفق أم أغيره ؟

وأعتذر عن الاطاله

[ashrafsadany]

اهرب من المتركس والله كانت معايا وعربية على قدها والانترا اغنى منها بكتيير وتقفلهااا نص كم وممكن اعد اقلك على شوية حاجات فيهااا لوحبيت وانا كان معايا ماتركس 2007 كورى اعدت معايا سنتيين هيا مش وحشة بس على قدهااا الانترا ارقى كتيير

[M_Abdallah]

بعد المواصفات اللي نزلها غبور في الالنترا زي
2 ايرباج والفرامل abs يبقي الالنترا ليها الافضلية
بكتيييييير عن الماتريكس.وحتي من غير المواصفات
دي هختار باردوا الالنترا عشان الماتور الاقوي والاحدث
من الماتريكس والتقفيل الكوري وكمان التصميم بتاعها
بيعجبني عن الماتريكس .

[semosoft]

الالينترا بكل المعايير و المقاييس

[zakiali]

الانترا طبعا من غير كلام

[Beam28]

النترا كويسة جدا بس طبعا اغلى من المتريكس فلو الفلوس مزنقة ومش طايل الالنترا هايكون اختيار المتريكس كويس برضه لكن في حال توفر النقود يبقى النترا بدون تردد

[mohbasyouni]

النترا احسن

[ammarzizo]

جزاكم الله خيرا على سرعة مشاركتكم , بس يا جماعه سمعت ان الالنترا صاجها ضعيف وأيضا خفيفه , وأيضا لو حموله بالخلف بتحك فى الأرض ., فهل هذا صحيح ؟

[ashrafsadany]

جزاكم الله خيرا على سرعة مشاركتكم , بس يا جماعه سمعت ان الالنترا صاجها ضعيف وأيضا خفيفه , وأيضا لو حموله بالخلف بتحك فى الأرض ., فهل هذا صحيح ؟

الكلام دا صحيح فعلآ بس الظاهرة دى موجودة فى المتركس كمان كل الناس بيتوهموا بعلو المتركس وهوا علو وهمى مش حقييقى العربية واطية جدآ من تحت بمجرد مايعد فيها فردين ورا العلو فى الكراسى والسقف بس ومالوش علاقة بلشاسية

[Ahmed.TV]

بص هو فى عيب مشترك فى الاتنين وهو التوكيل غبور ناس كتير مش بتشكر فيه
بس انا ارشحلك الالنترا عن الماتركس عشان الماتور ووسائل الامان بس هو عيب الالنترا حاجاتين وهو التنفيخ اللى فى صاجها وعيب استعداله لو حصل حاجة ولازم تتعامل مع سمكرى محترف طبعا ده كله فى حالة لقدر الله لو حصل حاجة والعيب تانى هو ان لما اتنين بيركبوا ورا العربية بتحك فى المطبات
بس بردوا تفضل احسن من الماتركس

[Ramiy]

سيدى
انت تفاضل بين شكل سيارة رياضية و اخرى عائلية
هناك فرق بين الاثنين من حيث الاستخددام
الماتريكس سعه التخزين قليلة و لكنها عالية و مريحة فى الطرق المصرية
اما الالنترا فهى سيارة عائلية تستطيع القيام برحلة عائلية و معك كل الشنط و رحابة الصالون
لذا يجب ان تحدد نوع الاستخدام



اما السيد المحترم الذى يقول انهما بهما عيب واحد و هو التوكيل غبور فبا سيدى احكم عن خبرة و ليس عن سماع من الاخرين
حيث ان توكيل غبور يتعامل مع حوالى 1000 عميل يومبا فى مراكز الخدمة الخاصه به
و عليه فقد يكون هناك بعض السلبيات فبرجاء ذكر بعضها ان وجد لتلافيها دون الرجم بكلمات صعبة دون سند

[m_s_h_a]

اانا كنت محتار زى حضرتك بالظبط انا كان معايا متريكس مو 2006 وبعتها لظروف ولما ربنا فرجها جيت اشترى لقيت الماتريكس بقت تركى التقفيل والخامات اقل من الكورى بالرغم من حبى للسياره لو حضرتك حابب النوع ده من العربيات الكارينز جميله اولالنترا لكن مع الاخذ فى الاعتبار الحموله وهذا عيبها الوحيد هبوطها وحكها بالمطبات لكن عفشه ناعمه نظير ذلك
طبعا حيره كبيره انا كنت زيك وفى الاخر ربنا وفقنى للسيراتو استخير ربنا ويوفقك ان شاء الله لما تحب وترضى

[ashrafsadany]

سيدى
انت تفاضل بين شكل سيارة رياضية و اخرى عائلية
هناك فرق بين الاثنين من حيث الاستخددام
الماتريكس سعه التخزين قليلة و لكنها عالية و مريحة فى الطرق المصرية
اما الالنترا فهى سيارة عائلية تستطيع القيام برحلة عائلية و معك كل الشنط و رحابة الصالون
لذا يجب ان تحدد نوع الاستخدام



اما السيد المحترم الذى يقول انهما بهما عيب واحد و هو التوكيل غبور فبا سيدى احكم عن خبرة و ليس عن سماع من الاخرين
حيث ان توكيل غبور يتعامل مع حوالى 1000 عميل يومبا فى مراكز الخدمة الخاصه به
و عليه فقد يكون هناك بعض السلبيات فبرجاء ذكر بعضها ان وجد لتلافيها دون الرجم بكلمات صعبة دون سند

يا باشا دا اقل ما يقال ان دى عربخانة مش توكيل وان الشغالين هناك من الصنيعية اغلبهم بهايم مش كلهم طبعآ والمهندسين يادوب اقصى حاجة يعملوهااا انهم يقابلوا الناس ولو احنا فى دولة بتحافظ على حقوقنا كان التوكيل دا اتقفل من زمان وعلشان منتكلمش كتيير هقولك على حجتيين بس كفاية
1- لما فى صيانة الاف والعربية لسة بورقها والواد الى بغيير الزيت يسيب العربية دايرة وينزل وهيا راكب لها نظام غلق اتوماتك فيكسل يسألنى عن مفتاح سبير ويفقتح الباب بعتلة ويخالية مفارق ويجرح حوالين الباب يبقى اكيد دا معلش فى اللفظ حيوان مش بنى أدم وكل الى حوالية الى شايفينو بيعمل كدا طبعآ اكتر منو وللاسف انا مشفتش العربية الا لما جيت تحت البيت وانا بركن لاكن لو شفتها وانا هنااك كنت لمؤخزة عملت حاجة مش كويسة
2- لما اروح فى صيانة ال5 الاف وادفع ثمن تغيير زيت 5الاف وابص القى الواد حطلى زيت 10 الاف طبعآ اى حد هيسقف ويقول انا الكسبان ولما اهللهم والاقى المهندس بيقولى معلش اصلو حطلك زيت العميل الى جمبك تقولهم اية كفاية دول مش هكملك بقيت الحكيات

[monmonmon]

النترا كويسة جدا بس طبعا اغلى من المتريكس فلو الفلوس مزنقة ومش طايل الالنترا هايكون اختيار المتريكس كويس برضه لكن في حال توفر النقود يبقى النترا بدون تردد

تمام.. انا معايا الكورى من 2007 عامله 73500 كم و الحمد لله زى الفل بس الالنترا افضل فى انها احدث و اشيك لكن الماتريكس مفيش فيها عيوب

[monmonmon]

الكلام دا صحيح فعلآ بس الظاهرة دى موجودة فى المتركس كمان كل الناس بيتوهموا بعلو المتركس وهوا علو وهمى مش حقييقى العربية واطية جدآ من تحت بمجرد مايعد فيها فردين ورا العلو فى الكراسى والسقف بس ومالوش علاقة بلشاسية

معاك ان الماتريكس ممكن تحك

بس لما تقارن هتلاقى انها بتوطى لكن مش شرط تحك زى الالنترا فى كل المطبات

للعلم العربية معايا و نادرا لما تحك و هى فيها 3 على الكنبة و الشنطة متحمله على الاخر و ساعات اربعه راكبين ورا

العربية بتحك لما تاخد مطب و انت بتفرمل من سرعة علشان العربية بتوطى