إعـــــــلان

Collapse

.

,
See more
See less

محتاج نصيحتكم لشراء الفيرنا (عاجل-الشراء بعداسبوع باذن الله)

Collapse
X
 
  • Filter
  • الوقت
  • Show
Clear All
new posts

  • محتاج نصيحتكم لشراء الفيرنا (عاجل-الشراء بعداسبوع باذن الله)

    السلام عليكم ورحمة الله وبركاته

    انا يا جماعة ان شاء الله خلاص على بعد اسبوع من اني اشتري عربية فيرنا ان شاء الله.
    هشتريها بالتقسيط عن طريق بنك فيصل الاسلامي ... انا بس عايز استشير اخواني اللي ليهم خبرة في الفيرنا (أنا اخترت فيرنا تحديدا عشان امكانياتي حاليا متسمحش باكتر من كده. بصراحة كان نفسي في الماتريكس او الانترا بس ان شاء الله اجيبها بعدين). بصوا ياجماعة انا لية مجموعة اسئلة واستفسارات اتمنى تساعدوني فيها. ولو في حاجة انا مذكرتهاش عشان مش عارفها اصلا ياريت تنبهوني ليها. بردو بالمناسبة دي أول مرة هشتري عربية سواء جديدة أو مستعملة وفعلا قلقان بس بتوكل على الله ثم وجودكم معايا. بجد حاسس ان بقى ليا أكتر من 3000 أخ أو اكتراللي هما اعضاء المنتدى الاكثر من رائع ده.

    1- ايه الفرق بين ال1500 وال 1600 ومين أحسن؟
    2- التقفيل ايه؟ والموديلات الموجودة حاليا 2007 ولا 2008؟ والاحسن اجيب 2008 ولا 2007؟
    3- ياترى سعر الفيرنا ايه دلوقتي؟ بالنسبة لـ2007 ولـ2008؟
    4- في معارض كويسة حد يعرفها يرشحهالي اشتري منها وايه احسن سعر لل1600 الكاملة؟
    5- ياترى ايه الفرق بين الكاملة والفاضية؟ يعني دي فيها ايه زيادة عن التانية؟ وهل افرق يتسحق اني ادفعه ولا اوفره احسن؟

    تقلت عليكم جدا... أعذروني ... مش هطمن الا لما اشرككم معايا في قراري واخد رايكم... وما خاب من استشار.
    ولو أي حد عايز يستفسر عن أي حاجة بخصوص طريقة التقسيط عن طريق بنك فيصل يسألني وان شاء الله اللي هقدر افيده بيه مش هتأخر عليه.
    جزاكم الله عني وعن كل اللي بتساعدوه خير

  • #2
    بص اللينك ده من الاخر هيفيدك أوي
    بس اقرئه للاخر
    أخبار سيارات | تسعير سيارات | بيع وشراء سيارات ودراجات نارية مستعملة | سيارات جديدة | استشارات فنية | خدمات مرورية
    [CENTER]الحرية[/CENTER]
    [CENTER]الحرية تنبع من الاختلاف[/CENTER]
    [CENTER]و عدم اعترافي بالاخر لا يعني بانه غير موجود[/CENTER]
    [CENTER]انا انت الاخر كلنا احياء في مكان واحد[/CENTER]
    [CENTER]الحرية[/CENTER]
    [CENTER]فلا يوجد الصواب المطلق ولا الخطأ المطلق[/CENTER]
    [CENTER]-------------------[/CENTER]
    [CENTER][EMAIL="only_ahmed101@hotmail.com"]only_ahmed101@live.com[/EMAIL][/CENTER]
    [CENTER]Just Add Me[/CENTER]
    [CENTER]:cool:[/CENTER]

    Comment


    • #3
      بص اللينك ده من الاخر هيفيدك أوي
      بس اقرئه للاخر
      أخبار سيارات | تسعير سيارات | بيع وشراء سيارات ودراجات نارية مستعملة | سيارات جديدة | استشارات فنية | خدمات مرورية


      شكرا ياباشا وربنا يكرمك هقراه حالا ان شاء الله

      Comment


      • #4
        هو انت بقى في الاخر رسيت على ايه؟ اشتريتها ولا لأ يا قمر

        شكرا ليك

        Comment


        • #5
          يا جماعة برجاء المساعدة... انا المفروض اقرر بكرة اشتري ايه ومنين..... طيب في حد يعرف معرض محترم عارض فيرنا 1600 مانيوال كاملة؟ انا نفسي يكون لونها اسود

          أخوكم احمد فؤاد

          Comment


          • #6
            Re: محتاج نصيحتكم لشراء الفيرنا (عاجل-الشراء بعداسبوع باذن ا

            المشاركة الأصلية كتبت بواسطة a.fouad
            السلام عليكم ورحمة الله وبركاته

            انا يا جماعة ان شاء الله خلاص على بعد اسبوع من اني اشتري عربية فيرنا ان شاء الله.
            هشتريها بالتقسيط عن طريق بنك فيصل الاسلامي ... انا بس عايز استشير اخواني اللي ليهم خبرة في الفيرنا (أنا اخترت فيرنا تحديدا عشان امكانياتي حاليا متسمحش باكتر من كده. بصراحة كان نفسي في الماتريكس او الانترا بس ان شاء الله اجيبها بعدين). بصوا ياجماعة انا لية مجموعة اسئلة واستفسارات اتمنى تساعدوني فيها. ولو في حاجة انا مذكرتهاش عشان مش عارفها اصلا ياريت تنبهوني ليها. بردو بالمناسبة دي أول مرة هشتري عربية سواء جديدة أو مستعملة وفعلا قلقان بس بتوكل على الله ثم وجودكم معايا. بجد حاسس ان بقى ليا أكتر من 3000 أخ أو اكتراللي هما اعضاء المنتدى الاكثر من رائع ده.

            1- ايه الفرق بين ال1500 وال 1600 ومين أحسن؟
            2- التقفيل ايه؟ والموديلات الموجودة حاليا 2007 ولا 2008؟ والاحسن اجيب 2008 ولا 2007؟
            3- ياترى سعر الفيرنا ايه دلوقتي؟ بالنسبة لـ2007 ولـ2008؟
            4- في معارض كويسة حد يعرفها يرشحهالي اشتري منها وايه احسن سعر لل1600 الكاملة؟
            5- ياترى ايه الفرق بين الكاملة والفاضية؟ يعني دي فيها ايه زيادة عن التانية؟ وهل افرق يتسحق اني ادفعه ولا اوفره احسن؟

            تقلت عليكم جدا... أعذروني ... مش هطمن الا لما اشرككم معايا في قراري واخد رايكم... وما خاب من استشار.
            ولو أي حد عايز يستفسر عن أي حاجة بخصوص طريقة التقسيط عن طريق بنك فيصل يسألني وان شاء الله اللي هقدر افيده بيه مش هتأخر عليه.
            جزاكم الله عني وعن كل اللي بتساعدوه خير
            ال1600 أحسن طبعاً.. و ال1500 تقفيل هندي ومش مظبوتة في مواتيرها حسب ما نشر في بعض الصحف الحكومية.
            أنا معرفش حاجة لسة عن ال2008 لكن اللي سمعته إن اللي هينزل جديد هو الveva بشكلها الجديد.. نفس الموتور ونفس كل حاجة لكن متغير الشكل الخارجي.. و إن كنت بفضل الشكل الجديد لأنه مش منتشر و هيبقى لذيذ معاك و تحس إنك راكب حاجة متميزة .

            السعر تقريبا 71 لو فول أوبشن.. الكلام دا من فترة قريبة حوالي شهر مش عارف زاد ولالا.

            أنا تعاملت مع معرض المصرية و كانو زي الفل معايا و سلموني بسرعة و ناس محترمة

            بصراحة الفرق بين المانوال و الفول أوبشن مش هتلاحظه و أنت برة العربية. لكن و أنت جواها هتحس إنك راكب عربية فعلاً و أوبشنها يستاهل.. و يكفي إن الأبواب هتبقى كهرباء . قريت في أحد المشاركات إنك عشان تخليها كهرباء في التوكيل بتدفع 9 ألاف!! ضف على ذلك الcd و اللمبة اللي فوق الشنطة بتاعت الفرامل و المفيدة فعلاً مش كلام! و برضو الفرق مش كبير جدا حوالي 4 ألاف جنيه و يبقى معاك عربية كاملة من مجاميعه يبقى أحسن.



            في ملاحظة أخيرة عايز أقولك عليها عشان أبقى برأت ذمتي و هي إن الفيرنا فيها مشكلة في الزوايا.. حتى الأن لم أستطيع معالجتها في سيارتي و هي الحدفة ناحية اليمين رغم إني عملتلها تظبيت زوايا بالكمبيوتر.


            دا رأي الشخصي و أتمنى لك الخيار الصائب. وربنا يديك خيرها ويكفيك شرها .

            Comment


            • #7
              أنا تعاملت مع معرض المصرية و كانو زي الفل معايا و سلموني بسرعة و ناس محترمة
              أولا الف شكر ياباشا على ردك الجميل ده

              ثانيا هو انا ينفع اخد عرض سعر من المصرية واشتري العربية من بنك فيصل؟ ولا المعرض مش هيوافق ؟ وياترى سعرهم هيتغير ولا ايه؟

              شكرا واسف للاطالة

              وربنا يباركلك في عربيتك ويديك خيرها ويكفيك شرها

              Comment


              • #8
                ثانيا هو انا ينفع اخد عرض سعر من المصرية واشتري العربية من بنك فيصل؟ ولا المعرض مش هيوافق ؟ وياترى سعرهم هيتغير ولا ايه؟
                أي معرض يديك عرض سعر مفهاش مشكلة ،،

                الفكرة تتأكد إن العربية عندهم

                سعرهم ممكن يتغير عشان ممكن يكونوا مبيخدوش عمولة من بنك فيصل ،،

                أفضل حل زي ما عملت مع البنك بتاعي ،،

                تخلي موظفين البنك هما اللي يجيبولك معرض بيتعامل معاهم ،،

                هتاخد أفضل سعر ،،

                بس لا أضمنلك استلام السيارة بسهولة ،، عشان أنا طلع عيني عشان أجيبها لأن ال 1600 نادرة شوية ،،

                و ممكن تبقي مربط مع المعرض و كله تمام و تلاقيه باع العربية اخر النهار لواحد تاني ،،

                Comment


                • #9
                  تخلي موظفين البنك هما اللي يجيبولك معرض بيتعامل معاهم ،،

                  هتاخد أفضل سعر ،،

                  شكرا يا احمد باشا على ردك ... ممكن اعرف انت جبتها من معرض ايه وكان تمنها كاش كام؟

                  طيب ازاي يبيعها وانا بكون واخد رقم الشاسيه عشان اطلع بيه وثيقة التامين اللي بكمل بيها ورق البنك؟؟

                  والله اجراءات التقسيط شكلها مش هيبقى في اسهل منها بس المشكلة هتبقى في التعامل مع اصحاب المعارض اللي معندهومش لاذمة ولا ضمير ولا رحمة.

                  والف شكر ليك مرة تانية لردك

                  وبالمناسبة ايه رأيك في الفيرنا ال 1600 الكاملة؟

                  أخوك أحمد فؤاد

                  Comment


                  • #10
                    توكل على الله وهات الفيرنا 1600 عربية ممتازة فى فئتها واذا كان نفسك فى الماتريكس فماتور الفيرنا 1600 هو نفس ماتور الماتريكس وتبقى تطمنا يا باشا لما تستلم والف الف مبروك مقدما
                    شر يف مانشستر

                    Comment


                    • #11
                      توكل على الله وهات الفيرنا 1600 عربية ممتازة فى فئتها واذا كان نفسك فى الماتريكس فماتور الفيرنا 1600 هو نفس ماتور الماتريكس وتبقى تطمنا يا باشا لما تستلم والف الف مبروك مقدما
                      الله يبارك فيك يا استاذ شريف .... ربنا ييسر الخير يارب ويتمملي على خير

                      Comment


                      • #12
                        هو انت بقى في الاخر رسيت على ايه؟ اشتريتها ولا لأ يا قمر
                        لا
                        أنا حودت علي الأفيو علي طول ;)
                        [CENTER]الحرية[/CENTER]
                        [CENTER]الحرية تنبع من الاختلاف[/CENTER]
                        [CENTER]و عدم اعترافي بالاخر لا يعني بانه غير موجود[/CENTER]
                        [CENTER]انا انت الاخر كلنا احياء في مكان واحد[/CENTER]
                        [CENTER]الحرية[/CENTER]
                        [CENTER]فلا يوجد الصواب المطلق ولا الخطأ المطلق[/CENTER]
                        [CENTER]-------------------[/CENTER]
                        [CENTER][EMAIL="only_ahmed101@hotmail.com"]only_ahmed101@live.com[/EMAIL][/CENTER]
                        [CENTER]Just Add Me[/CENTER]
                        [CENTER]:cool:[/CENTER]

                        Comment


                        • #13
                          لا
                          أنا حودت علي الأفيو علي طول
                          ربنا يباركلك فيها يارب وهي عاملة معاك ايه؟؟ وايه رايك فيها ؟ وعاملة ايه في استهلاك البنزين وموضوع الثبات ده؟

                          ياريت تقولي رايك فيها من واقع تجربتك الشخصية معاها .... والف شكر ياباشا

                          Comment

                          Working...
                          X