ظهر فى تابلوة الماتركس

[Ah.Farid]

امبارح بعد مادورت العربية
ولعت النور الواطى لقيت اشارة فى التابلوة بلون ازرق ان النور الواطى شغال (ودة اشارة مش طبيعية)
المهم طفيت النور كلة وشغلتة مرتين لحد ما الاشارة دة فى التابلوة انطفت
السؤال حد يعرف سبب الاشارة فى التابلوة دة؟ لانى مش عارف معناها اية
وشكرا مقدما على مشاركتكم

[Nader]

اللمبة الزرقا دي بتاعت النور العالي مش الواطي، ممكن تكون انت كنت مشغلة وانت مش واخد بالك.

[Ah.Farid]

استاذ نادر شكرا للرد
بس ياريت تقولى النور العلى بيشتغل مينين لانى انا اعرف انة بيشتغل لما ارجع الذراع للخلف زى الذراع اليمين بتاع المساحات لرش المية

[tarekkasaby]

يا باشا الذراع لو لقدام يبقى النور العالى شغال على طول لو بترجعة لورا زى المساحة يبقى بترعش بس انا عندى كده

[الريس]

يا باشا الذراع لو لقدام يبقى النور العالى شغال على طول لو بترجعة لورا زى المساحة يبقى بترعش بس انا عندى كده

كلام مظبوط جدا

[Ah.Farid]

يا باشا انا متشكر على ردك بس معلش هاخوتك شوية واقولك اللى انا فاهمة :
1- لف الدراع مرة يولع نور التابلوة لفة مرة كمان يولع النور الواطى (ولا دة العالى )
2-لما برجع الذراع للخلف دة ينور النور العالى (يعنى رعاش ) .
3- لو النور العالى منور زى ما عملت كانت لمبة الاشارة تفضل ظاهرة انا اللى حصل انى لما بولع النور سواء واطى او عالى مابتولعش الاشارة دة فى التابلوة والله اعلم

[Nader]

شوف يا استاذي انا مش معايا ماتريكس بس الهيونداي كلة شبة بعضة.

انت علشان تنور نور الطابلوة والفانوس الخلفي واللمبة الصغيرة الامامية هتلف الجزء العلوي تكة واحدة وعلشان تنور النور الواطي يبقى تلف الجزء العلوي كمان تكة.

كل دة ومفيش لمض بتنور في التابلوة بتنور لسة.

لو عاوز تدي رعاش "تقلب يعني" يبقي بتاخد الدراع عليك بوش ايدك ولو عاوز تشغل النور العالي يبقي بتزق الدراع للامام ناحية التابلوة وكدة هتلاقي لبة زرقا منورة دليل ان النور العالي شغال.

[bassam nagy]

اتاكد من ان مفتاح النور مش معمول ناحية العداد وافتح النورلو اللمبة الزرقاء منورة حضرتك انزل بس على الفانوس من برة لو كلوا منور يبقى النور على العالى اما لو المبة منورة ازرق والفانوس مش كلوا منور يبقى فى مشكلة فى لمض العداد

[Ah.Farid]

متشكر ليكوا جميعا على الردود
انا اول مرة اعرف ان الذراع لة حركة ناحية العداد (يعنى للامام )
انا جربت الذراع للخلف (رعاش ) لقيت اللمبة فعلا بتنور وهاجرب موضوع الذراع للامام للنور العلى المستمر

وشكرا ليكوا مرة اخرى

[tarekkasaby]

انا جربت الذراع للخلف (رعاش ) لقيت اللمبة فعلا بتنور وهاجرب موضوع الذراع للامام للنور العلى المستمر

وشكرا ليكوا مرة اخرى

جرب ياباش و قولنا و انشاء الله خير لا تقلق

- لف الدراع مرة يولع نور التابلوة لفة مرة كمان يولع النور الواطى (ولا دة العالى )

لا ده الواطى بس

[Ah.Farid]

فعلا يا باشمهندسين
النور العلى المستمر الذراع لقدام ناحية التابلوة

ومتشكر جدا لكل جميعا

[Ah.Farid]

فعلا يا باشمهندسين
النور العلى المستمر الذراع لقدام ناحية التابلوة

ومتشكر جدا لكل جميعا

[Nader]

الدراع دة وظيففتة واحدة في كل الهيونداي تقريباً.

[Ahmed Anwer]

أنا بقه عندي مشكلة ،،،

و متكررة معاي في 127 ، 128 ، نوبيرا ، سويفت و أخيرا في الفيرنا

لما ببقي ماشي في شارع داخلي و انا بلبس نظارة ،، و نظري مش قد كده فلازم أولع النور ،، عشان ماقعش في حفرة أو ألبس في مطب

اولع النور الواطي ،، ألاقي كل اللي جاي في وشي بيشوح و بيزعق و السخفاء أوي يرمي بوزه عليك عشان يعبر عن غضبه

الأول في 127 و 128 عربيات قديمة قلت تلاقي النور مش متوجه صح ،،

بس ده بيحصلي في كل العربيات ،،

مش عارف انتم كمان بيحصل معاكم كده و لا ده حاجة شخصية ،،

أنا مش عارف أعمل أيه ،،

لما بزهق بقوم ضارب النور العالي في وشه عشان يحمد ربنا علي النور الواطي :mrgreen: :mrgreen:

[Nader]

لما بزهق بقوم ضارب النور العالي في وشه عشان يحمد ربنا علي النور الواطي

:mrgreen: :mrgreen: :mrgreen:

لا عادي المشكلة دي بتحصل في الشوارع الاتجاهين عموماً، ركب فوجات وريح نفسك لانها بتنور على مستوى منخفض وهتبقى انت ساعتها اللي هتقلب للناس علشان يقفلوا النور :D