أكسنت 1500

[tornado732000]

السلام عليكم ياجماعة ... انا عندى استفسار مهم جدا وياريت لو حد يفيدنى فيه ان شاء الله ....انا معايا عربية هيونداى اكسنت موديل 2000 1500 سى سى وبتعمل معدل استهلاك بنزين فى الصفيحة 180 لتر متهيألى انها كده بعيدة عن المعدل الطبيعى وبتاكل بنزين ولا انتوا ايه رأيكم...

[m_z80]

تقريبا عالى شوية

الإستهلاك كدة يبقى تقريبا عالى شوية لأن عندى بالعمل حوالى 230 كم فى الصفيحة لكن خلى بالك أنا بحط بنزين 92 ولما بحط 90 بتعمل أقل من كدة بشوية بس مش عارف بالظبط لأن بطلت أحط 90 خالص . أنا عربيتى أكسنت 1500 موديل 1999

[tornado732000]

شكرا على الرد وفعلا انا بحط بنزين 90 .... هو التسعين بيخلص اسرع من ال 92 ولا ايه

[mr_sameh]

استهلاك البنزين بيرجع لحاجات كتير ممكن طريقة السواقه وممكن القياده المسرعه وكمان ممكن يكون مشكله في الموتور

[m_z80]

فعلا

شكرا على الرد وفعلا انا بحط بنزين 90 .... هو التسعين بيخلص اسرع من ال 92 ولا ايه

مش بالضبط بس الأكسنت 1500 المفروض تشتغل على بنزين 92 مش 90 وعلشان كدة كفاءتها بتكون أعلى (يعنى استهلاك اقل) لما تشتغل ب 92 وعلى فكرة الفرق فى السعر مش كبير بس الفرق فى الأداء والتوفير يغطى السعر الزيادة. يعنى ببساطة ال92 اوفر من ال90 بالنسبة للعربية دى!

[moh_taia]

أظن الإستهلاك كده كتير أنا معايا أكسنت 1500 بسافر بيها يوميا مشوار رايح جاى بيعمل حوالى 220 كيلو وبفول كل مره برجع فيها بتاخد حوالى 13 لتر بنزين أنا بحط بنزين 92 ومتوسط سرعه من 80 الى 120 حسب حالة الطريق
أظن كده فى حاجه عندك فى الحساسات يا ريت تحط العربيه على جهاز كشف الأعطال وتشوف النتيجه ايه