إعـــــــلان

**ashrafsadany** · 21-12-2009, 03:04 AM

نصيحة لوجة الله متبهدلش العربية حرام ارمى شوية فلوس فى مدرسة نضيفة حتى لو هتاخد كورسين ورا بعض تحمى بيهم عربيتك من البهدلة واختار عربية لانوس على الاقل علشان قريبة فى الاداء من عربيتك دا هيخليك تتعود اكتر على التعامل مع السيارة وربنا يباركلك فيهااا ويعطيك خيرها ويكفيك شرها

**ali.mahmoud** · 21-12-2009, 03:11 AM

اهم حاجة اتعلم كويس الاول وبلاش تبهدل العربية وانت لسة جايبها خد واحد صاحك فى منطقة كويسة وسوق فيها كتيير وشوف ابعاد العربية وجرب امشى بيها فترة كويسة وانشاء الله هتبقى كويس انا كونت باسوق فيات 125 وبقيت اسوق اوبل استرا ومفيش اى مشاكل عادى بس اهم حاجة متبقاش متوتر وحاول تهدى وانت بتسوق

**ammarzizo** · 21-12-2009, 03:12 AM

جزاكم الله خيرا على النصيحة , وايه المدارس المحترمه اللى فى وجهت نظرك أخى ؟

**mahamedaraby** · 21-12-2009, 03:18 AM

بص هى السواقه ممارسه مش اكتر انت انزل انت وصاحبك كل يوم باليل على 2 مثلا كده وامشى بيها فى واعرف ابعادها وتاخد على العربيه

وهى مسألة وقت بس وهتاخد على العربيه وتاخد غرز كمان بيها :)

**aboudelmsry** · 21-12-2009, 03:31 AM

السلام عليكم ورحمة الله وبركاته

الاخ الفاضل

اولا شعورك طبيعي جداا لان وانت بتتعلم غير لما بتسوق لوحدك

خصوصا وانت بتتعلم بتكون مطمئن ان في فرامل عند قدم اللي بيعلمك

المدارس الكويسة لتعليم القيادة لازم يكون عندها نوعين او تلاتة من السيارات واسوأ تعليم واصعبهم بيكون علي 128

لان الدبرياج والفتيس بيكون تقيل في الحركة

نصيحة مني تروح تتعلم تاني علي عربية فيرنا لانها تقريبا من نفس ماركة الالنترا وهتكون حاسس وحاطط في دماغك ان دي عربيتك اللي بتسوقها

والفيرنا موجودة في مدارس تعليم القيادة وهيا دي اللي اتعلمت عليها

ولما سألت صاحب المدرسة عن احسن تعليم علي اي عربية جاوبني وقالي لو هتركب عربية نضيفة او زيرو يبئا افضل انك تتعلم علي عربية كويسة زي الفيرنا

وخلي بالك ال128 صغيرة جداا عشان كده مش هتعرف تتمكن من سواقة عربية اكبر وكل ماكانت العربية اللي بتتعلم عليها كبيرة كل ماكنت متمكن اكتر في السواقة

**ammarzizo** · 21-12-2009, 03:31 AM

المشاركة الأصلية كتبت بواسطة kanvict مشاهدة المشاركة

اهم حاجة اتعلم كويس الاول وبلاش تبهدل العربية وانت لسة جايبها خد واحد صاحك فى منطقة كويسة وسوق فيها كتيير وشوف ابعاد العربية وجرب امشى بيها فترة كويسة وانشاء الله هتبقى كويس انا كونت باسوق فيات 125 وبقيت اسوق اوبل استرا ومفيش اى مشاكل عادى بس اهم حاجة متبقاش متوتر وحاول تهدى وانت بتسوق

يعنى أروح فى مكان فاضى زى الشروق ولا الأفضل فى المكان اللى فيه حركة ؟

وجزاك الله خيرا أخى على ردك واهتمامك , وياريت حد يقولى فيه أمل ولا لأ وحد حصلوا كده قبلى وكمل ؟ مع العلم انى كنت بطلع ب128 كويس بس الراجل طبعا كان جنبى

, وشكرا ليك يا ذوق ...

**ammarzizo** · 21-12-2009, 03:35 AM

المشاركة الأصلية كتبت بواسطة aboudelmsry مشاهدة المشاركة

السلام عليكم ورحمة الله وبركاته

الاخ الفاضل

اولا شعورك طبيعي جداا لان وانت بتتعلم غير لما بتسوق لوحدك

خصوصا وانت بتتعلم بتكون مطمئن ان في فرامل عند قدم اللي بيعلمك

المدارس الكويسة لتعليم القيادة لازم يكون عندها نوعين او تلاتة من السيارات واسوأ تعليم واصعبهم بيكون علي 128

لان الدبرياج والفتيس بيكون تقيل في الحركة

نصيحة مني تروح تتعلم تاني علي عربية فيرنا لانها تقريبا من نفس ماركة الالنترا وهتكون حاسس وحاطط في دماغك ان دي عربيتك اللي بتسوقها

والفيرنا موجودة في مدارس تعليم القيادة وهيا دي اللي اتعلمت عليها

ولما سألت صاحب المدرسة عن احسن تعليم علي اي عربية جاوبني وقالي لو هتركب عربية نضيفة او زيرو يبئا افضل انك تتعلم علي عربية كويسة زي الفيرنا

وخلي بالك ال128 صغيرة جداا عشان كده مش هتعرف تتمكن من سواقة عربية اكبر وكل ماكانت العربية اللي بتتعلم عليها كبيرة كل ماكنت متمكن اكتر في السواقة

أخى جزاك الله خيرا , ولكن كانت وجهة نظرى أنى لما أتعلم الصعب هيهون على السهل ! وبعدها أخذت 3 حصص لانوس عشان اتعرف عليها . وكأن شيئا لم يكن !

يعنى لو رحت مدرسه تانى أحسن ولا لما أذهب مع صديقى فى مكان واسع واتعلم ؟

**ammarzizo** · 21-12-2009, 03:42 AM

المشاركة الأصلية كتبت بواسطة mahamedaraby مشاهدة المشاركة

بص هى السواقه ممارسه مش اكتر انت انزل انت وصاحبك كل يوم باليل على 2 مثلا كده وامشى بيها فى واعرف ابعادها وتاخد على العربيه

وهى مسألة وقت بس وهتاخد على العربيه وتاخد غرز كمان بيها :)

ربنا يباركلك ويطمنك زى ما أسعدتنى , وجزاك الله خيرا

**aboudelmsry** · 21-12-2009, 04:05 AM

بص انا انصحك انك تروح مدرسة تاني بس بلاش المدرسة اللي اتعلمت فيها

لان في ناس بتعلم غلط اقصد الاصدقاء والاقارب

لان ممكن هما يكونو بيعلموك غلط

ياريت تئولي مكانك فين وانا هئولك علي مركز بيعلم كويس

علي فكرة انا لما اتعلمت اتعلمت الاول في مدرسة مااتعلمتش منها اي حاجة

وكنت فاكر ان العيب مني وان السواقة صعبة اووي

سألت ناس تانية كتير عن مركز تعليم يكون 100 /100

الكل اجمع علي ان المدرسة الاولي مابيعلموش حاجة عشان ترجع ليهم تاني وتدفع فلوس تاني

ونصحوني بمكان تاني وهناك بئيت برفكت والحمد لله في السواقة

(( لو مصر اووي انك تركب عربيتك وتسوقها خلي صاحبك يعد جنبك وتكون ايده علي فرامل اليد وتكون انت يمين الطريق عالطول وامشي بملل وماتعبرش حد من اللي وراك اهم حاجة انك تاخد علي العربية وبس كفاية رغي كده اكيد دوشتك ))

**عصام غنايم** · 21-12-2009, 04:35 AM

الالنترا فيها 3 مشاكل كبار اوى بالنسبه لمبتدىء
1 الموتور قوى جدا وسريع الاستجابه فلازم تبقى رجلك حساسه اوى
2 الدركسيون حساس اوى لانه كهرباء فلازم تحسس عليه وبلاش اى توتر او شعفه
3 الفرامل حساسه اوى برده ودى كويسه

المهم
نصيحه اتعلم على عربيتك علشان لو اتعلمت على اى عربيه تانيه وبعدين ركبت عربيتك هتصتدم بنفس المشاكل اللى انا قولتهوملك
بس
تكون باليل وفى نكان فاضى وريلاكس خالص وواحد يوديك ويجيبك وهو سايق لحد ما تتعود عليها

وعلى العموم ربنا يديك خيرها ويكفيك شرها ومبروكه عليك
ومتخليش اللى حصل يدايقك لان انت معذور علشان توتر الاستلام ولخبطت العربيه الجديده

**KSA2011** · 21-12-2009, 08:42 AM

الاول الف مبروك مقدما وربنا يديك خيرها ويكفيك شرها
تانى حاجه الانترا باورها كهربا وناعم جداا انا ما جربتوش بس من كلام الناس وانا سايق قبل كده لانسربوما ووانا رايح استلمها ان شاء الله هاخد واحد معايا سايقها قبل كده على ما اتعود عليها مع نفسى
وربنا يكرمك ان شاء الله

**د.محمود صلاح** · 21-12-2009, 10:22 AM

تدريب لمدة 6 اشهر فى الأوقات غير الذروة وفى اماكن نائية وان شاء الله هتبقى ممتاز

Comment

Comment

إعـــــــلان

.

باركولى : الحمد لله جيبت الالنترا النهارده ولكن !!!

باركولى : الحمد لله جيبت الالنترا النهارده ولكن !!!

Comment

Comment

Comment

Comment

Comment

Comment

Comment

Comment

Comment

Comment

Comment

Comment