ارجو الافاده في فيرنا

[lody1983]

عاوز اشترئ فيرنا اية رايكم

توكل على الله

[shouk_1987]

بص أهم حاجة فى الجنط تأثيره على العفشة , انا اما كنت نازل اشترى كنت ناوى على 14 بس مشكلته ان اشكاله مش اد كده او نادر جدا لما تلاقى شكل يدخل دماغك المهم قلت طب لما اقارن الوزن عشان اشوف الفرق لاقيت ا ل 15stock كيلو بالكاوتش و الجنط ال 15 حوالى 16 كيلو بالكاوتش ( 195\50 ).
فقلت خلاص مش فارقه خالص و رحت استلفت من ناس عشان اكمل تمنه و توكلت على الله, والحمد لله العربية عليت لوحدها شوية (بدون أى لعب فى العفشة نهائى) و الثبات بسم الله ما شاء الله (جربته لغاية 170 على الدايرى) والأسعار:

1800 جنط 15 تايلاندى
350x4= 1400 تمن الكاوتش nexen كورى رسمة الشجرة والحمد لله جامدة أوى(بتمسك فى الأرض صح ومابتحشرش طوب وزلط)
200 رينجات و بلوف رباط نيكل سبور وصليبة عجل عشان الصواميل بقى مقاسها 19 والقديمة كانت 21 (الطنبورة زى ما هى ما تلعبش فيها) و ملىّ نيتروجين

بعت الأربعة ال stock ب 500 جنيه وده اخرهم عشان كاوتشهم ماركة نسر معفن

كل ده فى أحمد سعيد فى ساعة زمن وأرجو انى اكون افدتكم

[alzaaaem]

يا باشا انا عنيا ليك وتعال جرب العربية زى ما انت عايز
على علمك اشترك فى موضوع الجنوط دة انا ومحمد( بلاك فيرنا )و (احمد كار) نزلنا واتفرجنا وانا اخدت قرار ب14 اشتريت امبارح ومحمد بيفكر فى 15 وان شاء الله انلهاردة ننزل نشترى لية
وبعد مناقشات وحوارات و المفاوضاات استقريت على طقم 14 والحمد لله اشتريتوا امبارح
جبت 14 لية ؟؟
اقولكم اولا صاحب محل الجنوط واحد صحبى يعنى مش هيخمنى وهيقولى على الصح وكدة كدة عندوا الى 14 وال15 وطبعا ال15 اغلى فلو عايز يبيع كان قالى على 15 , بس هو نصحنى بال 14 علشان انا ديما ناس بتركب معايا وقالى لو ركبت ال15 هتجيلى تغير كاوتش فردتين على الاقل كل 4 شهور , ودة نفس الكلام الى قالوا محل اشرفكم وحل اربكم هو بيقول كنصيحة ولك حرية الاختيار
انا ليا واحد صحبى مركب ال15 بيقول كويس معاه بس طبعا كل واحد لية ظروفوا ودماغوا
طقم ال15 تحفة على العربية فعلا جامد جدا جدا جدا انا اول ما حطيتوا على العربية قولت هركبوا
بس طبعا شوارع مصر بسم الله ما شاء الله تخرب الهامر فقولت خلينى فى السليم وفى طقم ال 14 كلفنى 2400 جنية (دة طبعا بعد خناقة مع صحبى اسال محمد بلاك فيرنا يقولك )
الاسعار : طقم جنط تايلاندى 1350 جنية (سعر موحد اشرفكم وصحبى )
طقم كاوتش 1100 جنية
طقم اورينجات 100 جنية ( بيقول ان هو المانى )
والف شكر جدا لكل الناس الى سعدتنى فى المنتدى ونردهالكم فى الافراح ان شاء الله

الف شكرك ليك يا باشا ده بس كفايا ردك الجميل ده
انا بالطريقه دى كده ينفعنى 14 الان انا بعيد عنك سعات بحشور العربيه بشر
اكنى راكب ميكروباص ههههههه
بس كونت عاوز ال15 عشان انتا عارف شكلو على العربيه عامل ازاى
حجه تحفه
وان شاء الله لو محمد ركب ال15 ياريت يقول ايه نظامها معاه

[Ramiy]

سيدى
نصيحة خالصة
افتح الكتالوج الخاص بالسيارة و شوف المكتوب و المقاسات الخاصة
ولا تسمع كلام اى حد حبث ان هذا تصميم
السيارة و المواصفات الخاصة بها لها حسابات معقدة لجميع الاحمال و السرعات و الملفات و طول عمر العفشة و الكبالن و رولمان بلى العجل
حيث ان تركيب الجنوط يؤثر عليها مباشرة