تركيب parking sensor نيو أكسنت 2010

[د.محمود صلاح]

أنا ركبته مرتين لنفس الماركه ( magic mirror ) فى عربيتين مختلفتين

الأول ب 375 بيبقى عبارة عن 4 حساسات خلفى ولهم مراية صالون بتركب على المراية الأصلية بالكلبس , المراية دى فيها شاشة خفية راائعة تبين المسافة بين العائق وبين السيارة وبتبين جهة العائق فى اليمين او الشمال اول فى النص ,

الجهاز بيشتغل مع لمبة المارشيدير

الحساسات لها وضع معين للتركيب وقياسات دقيقة واى غلطة هتخرب الأكصدام ولذا لا بد من التركيب عند كهربائى محترف تركيب ,


التانى ركبته فى الميجان 6 حساسات , 4 خلفى و2 أمامى نفس الماركة وبنفس طريقة المراية ب 470 ج ,

الأمامى بيشتغل عند الضغط بالفرامل وبالتالى كل ما تدوس فرامل تلاقى المراية نورت وتيت تيت تيت ولذا لغيته ,

الحساسات الأمامية الكهربائى الله يسامحه ركب الحساسات غلط بحيث وجهت للأسفل ( لازم الحساسات توجه أفقيا بدون ميل للأسفل ) فكانت بتنور على أى حاجة

[osama0512]

أنا ركبته مرتين لنفس الماركه ( magic mirror ) فى عربيتين مختلفتين

الأول ب 375 بيبقى عبارة عن 4 حساسات خلفى ولهم مراية صالون بتركب على المراية الأصلية بالكلبس , المراية دى فيها شاشة خفية راائعة تبين المسافة بين العائق وبين السيارة وبتبين جهة العائق فى اليمين او الشمال اول فى النص ,

الجهاز بيشتغل مع لمبة المارشيدير

الحساسات لها وضع معين للتركيب وقياسات دقيقة واى غلطة هتخرب الأكصدام ولذا لا بد من التركيب عند كهربائى محترف تركيب ,


التانى ركبته فى الميجان 6 حساسات , 4 خلفى و2 أمامى نفس الماركة وبنفس طريقة المراية ب 470 ج ,

الأمامى بيشتغل عند الضغط بالفرامل وبالتالى كل ما تدوس فرامل تلاقى المراية نورت وتيت تيت تيت ولذا لغيته ,

الحساسات الأمامية الكهربائى الله يسامحه ركب الحساسات غلط بحيث وجهت للأسفل ( لازم الحساسات توجه أفقيا بدون ميل للأسفل ) فكانت بتنور على أى حاجة

ممكن بعد اذنك تورينا صور للحساس الخلفى فى الاكصدام و الشاشه اللى فى المرايه
و ممكن اجيبه و اركبه عند مين

[د.محمود صلاح]

للأسف أنا فى عمان والعربيتين بعتهم ,

يباع لدى محلات الأكسسورارات وهذه صورته



وللعلم تم دهان الحساسات بلون العربية لعدم توفر حساس بنفس اللون ولم يؤثر على عمل الحساس,

فى الصورة البنط اللى بيخرم بيه وتوجد وردات تعليه وخفض الحساس ليواجه الافق - ليس مكفى للأسفل أو للأعلى -

[osama0512]

انا شفت الحساسات متوفره بلونين اسود و فضى .. فى شارع دمشق قالوا انهم ممكن يرشوه بلون العربيه .. هل ده ينفع و لا احاول اشوف واحد بلون العربيه و استنى شويه

و لو بيترش ... بيبقى ازاى ؟

[raedegypt]

ياعمى لاتركب اى شيىء افرح بعربيتك بحاله المصنع وبلاش تخريب فيها نصيحه . انت فى مصر وعارف شغل الورش والمحلات وانت حر وقرر

[chicobon]

و قبل ما يخترعو السنسور الناس مكنتش بتعرف تركن يعني ؟؟؟

[د.محمود صلاح]

و قبل ما يخترعو السنسور الناس مكنتش بتعرف تركن يعني ؟؟؟

حضرتك لو إتعودت عليه هتنسى انك تبص لورا أثناء الركن

[Ahmed.Fahmy]

da e5tera3 hayel we ma beyasarsh 3ala 7aga we beyerkab 3ala noor elmarsheder.
kaman be 200 pounds shamel eltarkeeb we kollo made in china we sha3'al zay el foll aham 7aga meyet5ebetsh walaw enno et5abat ma3aya kaza marra wel7amd lellah saleem

[khattab_1989]

انا عايز اركبة في الأوبترا لأنه بيريحني جدا في الباسات لما بركن
بس سألت عند سبير كار وقالي 270 من غير تركيب و ده بيبقى بشاشة على التابلوه
كنت مقلق من حكاية التخريم في الأكصدام لحد ما ابن عمي ركبه في عربيته و كان زي الفل (بس للأسف في إسكندرية)

[Ahmed.Fahmy]

توكل على الله وركبه هتستريح جدا بس خد بالك فى منه 2 قطعه أو 4 أو 6 (6 = 4 ورا + 2 أمامى لكنبيتوصل على كهربة الموتور) خليك فى ال4 خلفى بس أحسن وهيخرم فى الاكصدام بس انا حددت له الاماكن بنفسى عشان اكبر تغطيه للمحيط الخلفى وبيكون ليها شاشة تزمر وتكتب المسافة بينك و بين اللى وراك والحد الاقصى بيزمر جامد عند 30 سم.
أخره بالتركيب 180 - 200 جنيه وانت و شطارتك بس هاته من دمشق.

[osama0512]

انا نزلت شارع دمشق و كل الموجود بشاشه و تمنه 275 جنيه

كنت عاوز اللى هو بصوت بس .. للاسف مش موجود

[shouk_1987]

ايييه يا جماعة انتو مكبرين القصة و فاكرينه هيدمر الدنيا
بصراحة اختراع راائع لأى عربية سيدان أو استيشن والموضوع سهل جدا و فى منه ألوان كتيرة

تشوف بتاع كماليات شاطر وبيقيس الأبعاد مضبوط عشان يحط الأربعة سنسورز على استقامه واحدة و يفك العتب للبابين (السواق واللى وراه) ويمشى سلك من الكنترول بتاع السنسورز للشاشة الصغيرة بتاعت السنسورز اللى انت بتختار مكانها وأفضل مكان ليها على التابلوه فوق العدادات شمال عشان و أنت بترجع ترمى عينيك بس من غير ما تحرك راسك أساسا

مع احترامى للأعضاء الأفاضل :

اللى بيقول هتأثر على المارشيدير و بلاش على الأتوماتيك ده غلط عشان بكل بساطة انت بتاخد power السنسورز من اللمبة لما تنور مش أكتر والسنسورز 12 فولت زيها زى اللمبة بالضبط

اللى بيقول الناس كانت بتركن ازاى قبليه طب اييه الى يخليك تركب عربية بإزاز و مرايات كهرباء أو حته تركب أوتوماتيك ما ال128 بتوصل والمرسيدس بتوصل

أرجو انى أكون أفدتكم و أنا لا أقصد اى إساءة و لكنى كنت أوضح وجهة نظرى وشكرا