صوت فى صالون سوناتا 2008

[lanos_power]

السلام عليكم
انا معايا سوناتا 2008 2000 سى سى اوتوماتيك العربية لسة مكملتش 10000 و المشكلة ان ظهر فيها صوت طقة من ناحية قايم السواق الغريب انها مش بتتحرك كتير بالعكس ممكن تتركن بالشهرين غير انى سواقتى ليها هادية يعنى الاى كات باخدها واحدة واحدة

[Diaby]

حاجة غريبة متابع باهتمام

[حماده المصري]

ممكن تشرحلنا الصوت بيطلع امت وازاي

وبرضو يفضل التوكيل وقتي ومتمشيش لحد ما يتصلح وتروح لمدير الصيانه لو حبكت

[lanos_power]

الصوت بيظهر فى حالة الحركة من الثبات خصوصا لو العربية فيها 4 افراد و تبان لو فى حاجة خفيفة فى الطريق دوست عليها

انا اهتجنن فعلا من الصوت دا

[SeiffoZ]

عليك و على التوكيل علطول ...
دى سوناتا مش فيرنا!

[lanos_power]

دا ان شاء اللة هيحصل خصوصا انى خلاص هعمل صيانة ال10000

[lanos_power]

بس هل فعلا فى حد صادفة الموضوع دة فى سوناتا

[som3aa]

بس هل فعلا فى حد صادفة الموضوع دة فى سوناتا

لأ بس اى صوت من داخل العربية معناها ان فى قطعة مش متركبة كويس فتعمل صوت و دا عيب مراقبة الجودة فى المصنع لان العربية مكملتش 10000 كيلو و دا منطقى انك تلاقى عيب تقفيل فى الصالون الداخلى فى اول 10000 كيلو لان عيب التقفيل من جوه معناها حاجة متركبتش كويس من الاول اما لو العربية فيها عيب مش هيبان فى 10000 كيلو و لا حتى 100000 كيلو و الا تبقى عربية سيئة او صينى مثلا.
فمتقلقش نفسك خالص و انت فى ابو رواش ويها يركبوا الحاجة اللى بتعمل صوت كويس.

[lanos_power]

و اللة يا باشا مش عارف اقولك اية انت طمنتنى اوى لحسن انا كنت متضايق جدا من الصوت دا حسيت ان طريقتى كانت ملهاش اى فايدة

[som3aa]

و اللة يا باشا مش عارف اقولك اية انت طمنتنى اوى لحسن انا كنت متضايق جدا من الصوت دا حسيت ان طريقتى كانت ملهاش اى فايدة

لا اطمن خالص , انا العربية معايا من 2007 و عامل بيها 63 الف كيلو و مفيهاش اى مشاكل خالص و مبسوط منها جدا و فى الاول خالص لما استلمتها كان فى حاجات بسيطة فى الصالون مش متركبة كويس (الكنبة نفسها كانت مش متركبة كويس) كانت بتزيق سنة بسيطة و قالولى دى اول دفعة بس اللى كدا و فعلا مفيش لا اصوات و لا اى حاجة غير فى الاول علشان بيبقى فشل من مراقبة الجودة فى المصنع بس بيهتموا اوى لو قولتلهم فى صوت و مش هيخلوك تمشى غير و القطعة اللى مش متركبة كويس فى الصالون يظبطوها