عاوز اشتري عربيه وحاتجنن خلاص

[ahmed.badie]

اولا انا عاوز اشتري عربيه وكنت بقارن بكذا حاجه كده و في الاخر تقريبا كل مافتح الموضوع مع اي حد الاقيه قعد يشرحلي ويتكلم و بجد حسيت اني حاتجنن ده انا روحت معرض عربيات مش توكيل ولقيت السيلز مان كل واحد براي وفي نفس المعرض و جالي اكتئاب الواحد عاوز يشتري عربيه تقعد معاه شويتين حلوين من غير اعطال ولا و جع دماغ مع العلم اني قلللللللوق جدا جدا و قولت مافيش حل غير اني افتح الموضوع ده معاكم واكيد النقاش علي الملا هوه اللي بيجيب نتيجه ان شاء الله

و المقارنه رسيت علي النيو اكسنت بس سمعت ان فيها مشاكل
و قولت الصني بس تقفيل مصري و وجع دماغ وانا اصلا مش عاجبني شكلها
و قولت الالنترا المانيول
وقولت السيراتو المانيول

[caution]انا يعني ماكنتش عاوز اعدي ال 100 الف جنيه بس دلوئتي كبيري 90000 و كسور بسيطه [/caution]

لو سمحتوا اولا انا اسف علي ازعاجي وعاوز كل واحد معاه اي عربيه يقولي ريفيو بسيط كده علشان اجمع اراء ويارب بقي قريب كده تباركولي علي العربيه

وانا كنت برضه عاوز لو حد بيقسط ومرتاح في التقسيط ياريت يساعدني ويقولي اني اقل فايده مع العلم انا عاوز اقسط علي 3 سنين ان شاء الله و بجد الف الف الف شكر مقدما

[BassamHafez]

ده بيعتمد على حاجة برضو على نوع العربيه اللي حضرتك سايقها حاليا ولا دي اول عربيه تجيبها

[Diaby]

انا رائيى الالنترا او الماتريكس العربيتين جمال بصراحة

[kh_talaat]

بدام ان حاطط لنفسك رينج 90 ألف وكسور يبقى افضل عربيه بالسعر دة هي الألنترا الفول اوبشن مانيوال سعرها 93 ألف

عربيه حلوة وميزيتها
- صالون واسع و1600 cc وملهاش مشاكل تذكر وراجع تجارب الأعضاء في المنتدى

- قطع غيار متوفرة خارج التوكيل وبأسعار معقوله جدا

- سعر اعادة بيع زي الفل وعربيه بياعه

[ahmed.badie]

[frame="9 80"]
عندكم حق يا شباب الالنترا حلوه قوي بس انا بقول اريح نفسي واجيب نيو اكسنت اوتوماتيك ولا اخليني في الالنترا مع العلم اني سمعت الكوري دايما بيبقي فيه مشاكل كتير في الاتومتتيك وابعد عنه احسن انما المانيول مايخوفش ؟؟؟؟؟؟؟؟؟؟؟؟؟؟؟؟؟؟؟؟؟
[/frame]

[ahmed.badie]

ده بيعتمد على حاجة برضو على نوع العربيه اللي حضرتك سايقها حاليا ولا دي اول عربيه تجيبها

انا ياباشا حالاسايق دايو لانوس وان ومطلعه عيننننننننننننننننننننننننني

[mohamedhamam]

لو حضرتك مش عاجبك شكل الصنى فقط بمعنى أن موضوع تقفيل مصرى ده مش مشكلة علشان أنت بتشترى عربية يابانى سواء متجمعة فى مصر أو فى جنوب افريقيا أو حتى فى الصين فهى يابانى يبقى تشترى الانترا أفضل

[hassanhafez]

[frame="9 80"]
عندكم حق يا شباب الالنترا حلوه قوي بس انا بقول اريح نفسي واجيب نيو اكسنت اوتوماتيك ولا اخليني في الالنترا مع العلم اني سمعت الكوري دايما بيبقي فيه مشاكل كتير في الاتومتتيك وابعد عنه احسن انما المانيول مايخوفش ؟؟؟؟؟؟؟؟؟؟؟؟؟؟؟؟؟؟؟؟؟
[/frame]

السلام عليكم
أنا معايا أوبترا 2008 أوتوماتيك وكنت جايبها زيرو والحقيقه العربيه وثباتها علي الطريق والأوتوماتيك بتعاها زي الفل بالإضافه إلي إن صالونها واااااااسع جداً.وما شاء الله مفيش أي مشاكل علي الإطلاق والحمد لله .
وحالياً حاجزين سياره أخري في الأسره وهي نيو اكسنت 2010 كامله أوتوماتيك وعايز أقولك بقالي شهر بدور وبتفرج علي سيارات في التوكيلات وباسأل أصحابي في الشغل وكان في شبه إجماع علي كفاءه النيو أكسنت في الموتور وقوه العفشه بس هيه عربيه صالونها متوسط المساحه . وربنا يوفقك.
سبحان الله وبحمده عدد خلقه ورضا نفسه وزنة عرشه ومداد كلماته

[ahmed.badie]

السلام عليكم
أنا معايا أوبترا 2008 أوتوماتيك وكنت جايبها زيرو والحقيقه العربيه وثباتها علي الطريق والأوتوماتيك بتعاها زي الفل بالإضافه إلي إن صالونها واااااااسع جداً.وما شاء الله مفيش أي مشاكل علي الإطلاق والحمد لله .
وحالياً حاجزين سياره أخري في الأسره وهي نيو اكسنت 2010 كامله أوتوماتيك وعايز أقولك بقالي شهر بدور وبتفرج علي سيارات في التوكيلات وباسأل أصحابي في الشغل وكان في شبه إجماع علي كفاءه النيو أكسنت في الموتور وقوه العفشه بس هيه عربيه صالونها متوسط المساحه . وربنا يوفقك.
سبحان الله وبحمده عدد خلقه ورضا نفسه وزنة عرشه ومداد كلماته

تمام كده ياباشا والله ريحتني ان ناس كتير اجمعت علي الاكسنت كفايه الموتور والعفشه انا مش محتاج صالون كتير الكام سنه دول لحد ما جيب بيبي ان شاء الله كده ويكبر حبتين و ابدا افكر اغيرها ان شاء الله و الف شكر ياباشا علي تعبك معايا

و ان شاء الله انا عقدت العزم علي الاكسنت بس ادعولي ربنا يباركلي

:)

[KSA2011]

Elantra Manu

[midooo2002]

اولا انا عاوز اشتري عربيه وكنت بقارن بكذا حاجه كده و في الاخر تقريبا كل مافتح الموضوع مع اي حد الاقيه قعد يشرحلي ويتكلم و بجد حسيت اني حاتجنن ده انا روحت معرض عربيات مش توكيل ولقيت السيلز مان كل واحد براي وفي نفس المعرض و جالي اكتئاب الواحد عاوز يشتري عربيه تقعد معاه شويتين حلوين من غير اعطال ولا و جع دماغ مع العلم اني قلللللللوق جدا جدا و قولت مافيش حل غير اني افتح الموضوع ده معاكم واكيد النقاش علي الملا هوه اللي بيجيب نتيجه ان شاء الله

و المقارنه رسيت علي النيو اكسنت بس سمعت ان فيها مشاكل
و قولت الصني بس تقفيل مصري و وجع دماغ وانا اصلا مش عاجبني شكلها
و قولت الالنترا المانيول
وقولت السيراتو المانيول

[caution]انا يعني ماكنتش عاوز اعدي ال 100 الف جنيه بس دلوئتي كبيري 90000 و كسور بسيطه [/caution]

لو سمحتوا اولا انا اسف علي ازعاجي وعاوز كل واحد معاه اي عربيه يقولي ريفيو بسيط كده علشان اجمع اراء ويارب بقي قريب كده تباركولي علي العربيه

وانا كنت برضه عاوز لو حد بيقسط ومرتاح في التقسيط ياريت يساعدني ويقولي اني اقل فايده مع العلم انا عاوز اقسط علي 3 سنين ان شاء الله و بجد الف الف الف شكر مقدما

ليه مفكرتش في الجين 2, عربيه فيها كل اللي أنتا عوزو وبالسعر اللي أنت عوزو. أدخل على قسم بتاع بروتون و حتلاقي كل الرفيوهات اللي أنتا عيزها.

[m_s_h_a]

بص انت الوحيد اللى تقدر تحدد لان دى اراء وازواق وكل واحد ليه وجهة نظره يعنى هتلاقى حد حابب ومقتنع مثلا بعربيه هيقولك ان دى الانسب لكن ممكن متكونش الانسب ليك
خش قسم المقارنات وهتلاقى حاجات كتير بالسعر ده
وفى الاخلر استخير ربنا

[د.محمود صلاح]

النيو اكسنت الاوتوماتيك , مقبولة سعرا وشكلا وقوة

[BassamHafez]

انا ياباشا حالاسايق دايو لانوس وان ومطلعه عيننننننننننننننننننننننننني

يبقى هتحس بفرق جامد لو ركبت النيو اكسنت او الالنترا

وعلى فكرة الاوتوماتيك في النيو اكسنت الناس الناس بتشكر فيه قوي

بس انا مجربتوش

[hassanhafez]

السلام عليكم
ألف مبروك ياباشا ربنا يديك خيرها ويكفيك شرها إن شاء الله صالونها هيكون مناسب جداً لكم وللأطفال مستقبلاً ومبروك يا أستاذ احمد