هل النيو اكسنت 2008 تجميع هندي؟

[د.محمود صلاح]

اتفرجت أمس عند المحمل موتورز وعند كم توكيل لغبور على النيو أكسنت ومعى واحد صاحبى
ولقيت ان ال2008 تختلف عن ال 2007 فى لون جريد الأبواب - غير مدهون بلون السيارة - وكرسي السائق غير متحرك لأعلى وأسفل والشنطة لا تفتح من الداخل ولا يوجد بها بطانة داخلية - على الصاح -
فسمعنا من أحد الزباين أن ال 2008 مصدرة اساسا للهند ومعاد تصديرها لمصر بسبب عدم نجاحها فى الهند ..والدليل هذه الاختلافات
فهل هذه المعلومات صحيحة لأنى صاحبى ناوى يشترى فعلا ؟

[IAbdou]

لا أظن, كلام الزبون دة غير صحيح يعنى علشان الجريدة سودة والكرسى مش بطلع لفوق والشنطة تبقى عربية مش ناجحة
أكيد دة مش حينجح عربية أو يفشلها (كان زمان الصينى أكتسح أكتر بكل الكمليات ألى حطنها فيها)

أظن أن دة الموديل ال 1400 وهو أرخص حوالى 2000 جنية عن 1600

[bassam nagy]

فسمعنا من أحد الزباين أن ال 2008 مصدرة اساسا للهند ومعاد تصديرها لمصر بسبب عدم نجاحها فى الهند ..والدليل هذه الاختلافات

مصنع هيونداى الية فى الهند بيصنع نيو اكسنت وجيتز وسوناتا وفيرنا فيفا واتوسان والانترا الشكل القديم واتوس بريم وi10
النيو اكسنت الية فى مصر جاية من كوريا

[zezo13178]

كوري ياباشا العربيه دي ممكن تكون ال 1400 مش 1600 عموما مفيش هيونداي هندي في مصر غير الفيفا

[goodwave]

مع إحترامي للجميع........ مع عمو غبور كل شئ جايز!

ليا واحد صاحبي إشتغل في غبور من شهرين في قسم بيع قطع الغيار ولما راح يعمل المقابلة في مصر عدا على المصنع وزار الفرع الرئيسي....... هو بيحلفلي إنه شافهم بيقفلوا إانترا :? :? :? :?

طبعا انا مصدقتهوش وهو شاب زينا وله في العربيات وبيعرف يفرق بين فرنا او سوناتا او إلنترا! واكدلي إنها إلنترا بس مع غبور انا قلت كل شئ جايز!

[ahmedfd]

كل العربيات الإلنترا بتيجي مصر مستوردة بالكامل من كوريا و عليها ستيكر بلد المنشأ من كوريا و سيبك من دة كله.كفاية معاها ورق الإفراج الجمركي علشان مستوردة....

[ahmedfd]

الإلنترا GL بيركبلها JVC CD Player و إنذار بس في مصر ... يمكن صديقك شاف العملية دي فظن إنهم بيقفلوا العربية... و الله أعلم.

[mido777]

الإلنترا GL بيركبلها JVC CD Player و إنذار بس في مصر ... يمكن صديقك شاف العملية دي فظن إنهم بيقفلوا العربية... و الله أعلم.

+ 1000
اكيد ده اللى شافه لأنهم بيركبو الكاسيت والأنذار

[mina_ramsis]

او يمكن يكون حصلها حاجة و بيصلحها

[MOHAMED ABD EL SHAFY]

الالنترا بتيجى من برة

[hazem_khidr]

غبور لما بيجيب العربيه من اي مكان بيقول
الماتريكس لما جات من تركيا قال
و الفيفا لما جات من الهند قال
و دا لانه ما يقدرش يخبي
ورق الافراج الجمركي اللي بيبقي ملزوق علي العربيه و الاوراق اللي بتوديها المرور بيبقي مكتوب فيها بلد المنِشأ
و مستحيل يغير فيها

[limo]

انا شوفت الورقه الملزوقه على الزجاج من قدام كانت كوريا