صيانة الألف - ان شاء الله - للانترا ( الملاك فقط )

[KSA2011]

ازيكم يا جماعه عاملين ايه يارب الكل تمام
انا عايز استفسر منكم ان شاء الله فى صيانة الالف انا اعمل ايه ؟
يعنى نوع الزيت ايه والفلتر و ايه الى يبتعمل تانى فى العربيه
بعد الصيانه ايه الى بيحصل للعربيه بتتحسن ولا صوت الموتور بيعلى وده على حسب نوع الزيت ولا ايه ؟
وكمان دلوقتى انا الحمد لله بلين ومش بزود سرعتى عن 80 ساعات بمشى 100 بس لحظات
هل ده كويس ولا التليين بيبقى ازاى ؟
معلش طولت عليكم بس انا قلوق اوى وكل سنه وانتم طيبين

[semsem8080]

سلام عليكم
بص ياباشا
الزيت زي ماتحب هيغرولك انا بستخدم موبيل 1 وهيغرلك فلتر الزيت وهيربطلك علي العفشة والمفروض يعمل تشك علي الزوايا والتكييف
ده اللي انا فكرة

[dr_abooody]

حط زيت موبيل 10000 ممكن تجيبة معاك اوعشان في ابو غالي ما لقيتش غير توتال و كنت مخنوق و عايز موبيل و اضطريت احطة

الفيلتر من عندهم
مع تربيط عفشة و تزويد في مياه الردياتير و المساحات و هي دة صيانة ال 1000

يبقى روح بدري ممكن الساعة 8 الصبح حتى عشان تنجز و تخلص على 11او 10 و ما تتعطلش لحد الساعة 5 المغرب زي ما حصل معايا اداني ميعاد و جيت عليه و طلع انة مفيش دور
و خليك حنين عليه لحد ال 4000 كيلو عشان تكون اتلينت بالكامل

[KSA2011]

سلام عليكم
بص ياباشا
الزيت زي ماتحب هيغرولك انا بستخدم موبيل 1 وهيغرلك فلتر الزيت وهيربطلك علي العفشة والمفروض يعمل تشك علي الزوايا والتكييف
ده اللي انا فكرة

شكرا جزيلا يا سمسم باشا

[KSA2011]

حط زيت موبيل 10000 ممكن تجيبة معاك اوعشان في ابو غالي ما لقيتش غير توتال و كنت مخنوق و عايز موبيل و اضطريت احطة

الفيلتر من عندهم
مع تربيط عفشة و تزويد في مياه الردياتير و المساحات و هي دة صيانة ال 1000

يبقى روح بدري ممكن الساعة 8 الصبح حتى عشان تنجز و تخلص على 11او 10 و ما تتعطلش لحد الساعة 5 المغرب زي ما حصل معايا اداني ميعاد و جيت عليه و طلع انة مفيش دور
و خليك حنين عليه لحد ال 4000 كيلو عشان تكون اتلينت بالكامل

شكرا جزيلا يا دكتور
بس انا عايز اسالكم ايه رايكم فى الشيل هيلكيس الرمادى انا شفته ولقيته ب 235 ومستورد حد يعرف عنه حاجه ؟
وكمان التليين يعنى امشى على كام وما ازودش عن سرعه كام لانى اتخنقت من سرعه 60 و 80

[semsem8080]

باشا العربية اساساً مليينه يعني امشي برحتك بس متشدش علي الغيار لحد ماتعدي 5000 واعمل اللي انته عايزه

[KSA2011]

يعنى ايه متلينه يا سمسم باشا ؟

[semsem8080]

يعني العربية جاية علي الشغل علي طول غير زمان
بس يفضل عد الشد بالعربية في الفترة الاولي بس انا كنت بامشي بيها 100 -120 بس مبشدش علي الغيارات في الاول بس بعد كده بقيت باعمل اللي انا عيزة والعربية ماشاء الله عليها وربنا يباركلك فيها ويكيفيك شرها

[KSA2011]

ربنا يخليك يا سمسم باشا انا النهارده شديت شويه العربيه مغريه جداا
ربنا يخليك ويبارك لحضرتك انت كمان
هستنى حد يقولى اذا جرب الشيل الرمادى ال 10.000 ولا لا ؟ وايه رايكم فيه ؟

[semosoft]

يبص يا باشا يستحسن انك تخليك تحت ال 3000 rpm

عشان عملت كدة و سمعت كلام التوكيل في العربية الجيتز و لعبت بالعربية جابت سبيكة كرنك و مكملتش 8000 كيلو

لحد متخلص الاف كيلو و بعدين غير زيت العربية بزيت شيل ال 10000 ممتاز مع الالينترا و غير فلتر الزيت

و بعد كدة ابتدي اجري بالعربية شوية بشوية لحد متقفل الطابلوة لو انت بتمشي بسرعات عالية عشان تعود البساتم و الشميز و الكرنك و يطبع

ده اسمه تفتيح للموتور و ينصح بية و اوعى تعمل الكلام ده على اي زيت غير ال 10000 اقل من كدة دي زيوت معدنية و مينصحش بالقرص على الموتور.

و ربنا يستر طريقك يا رب

[KSA2011]

يبص يا باشا يستحسن انك تخليك تحت ال 3000 rpm

عشان عملت كدة و سمعت كلام التوكيل في العربية الجيتز و لعبت بالعربية جابت سبيكة كرنك و مكملتش 8000 كيلو

لحد متخلص الاف كيلو و بعدين غير زيت العربية بزيت شيل ال 10000 ممتاز مع الالينترا و غير فلتر الزيت

و بعد كدة ابتدي اجري بالعربية شوية بشوية لحد متقفل الطابلوة لو انت بتمشي بسرعات عالية عشان تعود البساتم و الشميز و الكرنك و يطبع

ده اسمه تفتيح للموتور و ينصح بية و اوعى تعمل الكلام ده على اي زيت غير ال 10000 اقل من كدة دي زيوت معدنية و مينصحش بالقرص على الموتور.

و ربنا يستر طريقك يا رب

انا والله يا باشمهندس اخرى 120 او 140 مش هقدر ازود عن كده لانه ما عنديش طريق اعرف اجرى فيه بعد 140
انا الحمد لله محافظ على سرعتى عند 80 وساعات 100 مش بزود عن 100
وا rpm مش بيعدى 3 الحمد لله
بس هل لازم تقفيل العداد بعد التليين ان شاء الله !!
الزيت ان شاء الله نويت على الشيل الرمادى ال 10.000 و هغير الفلتر ان شاء الله
هل موضوع ضبط الزوايا و تربيط العفشه مهم لانى مش عايز اروح توكيلات !!

[semosoft]

اه لازم تربط على العفشة عشان هتلاقيها سايبة وده طبيعي

و موضوع تقفيل العداد بس عشان تطبع الموتور على السرعات العالية قوي دي غير كدة عادي

[KSA2011]

شكرا يا باشمهندس حسام ربنا يخليك
خد بالك غبور النهارده نزل عرض خصم 3 الاف جنيه على الانترا عشان لو بتجيب من عنده تاخد بالك من الخصم
انا كان عندى استفسار هو مين ال حكم او قال تغير الزيت لازم بعد 1000 كيلو ؟ هو الزيت الى بينزل مع العربيه بيقعد 1000 كيلو بس ولا ايه ؟

[KSA2011]

يعنى موبيل وان ولا شيل هيلكيس ال ال 10 يا جماعه ؟
الافضل ايه ؟ و الى بيخلى صوت الموتور اهدى ؟

[dr_abooody]

يعنى موبيل وان ولا شيل هيلكيس ال ال 10 يا جماعه ؟
الافضل ايه ؟ و الى بيخلى صوت الموتور اهدى ؟

بص يا باشا كله زيوت معدنية كويسة مش بيفرقوا من بعض

بس الافضل و الموصى به للعربية شيل هيلكس الرمادي
ان شاء الله لما اجيب 10000كيلو هغيرة بالشيل
انا حاليا حاطط توتال و الموتور صوتة واطى و حلو و مفيهوش اي مشاكل
اهم حاجة ما تقرصش على العربية في اول 1000 كيلو
بعد ال 1000 تبدأ تعلى ال rpm لحد 4 اخرك مثلا
انا عموما بمشي دايما على الخامس و العربية بتبقى مستريحة جداا و ال rpm مش بيعدي ال 2 و دة بيوفر جامد في البنزين
45 ليتر بنزين 92= 600 كيلو
مشي في الزحمة مش طريق طوالي
لو طوالي ممكن تعمل 700
ما شاء الله العربية اقتصادية في البنزين مع انها 1600 سي سي
و احذرك من انك تحط بنزين 90 بيخلى العربية تشخلل و تاكل بنزين جامد