استفسارات عن النيو أكسنت

[daliakamal]

السلام عليكم
الحمد الله استلمت النيو أكسنت و رخصتها النهاردة
وهي فيراني أتوماتيك
وجزا الله خيرا أعضاء المنتدي علي جهدهم وخصوصا ezzatfox اللي كان ليه الفضل في قرار الشراء.
أنا بس عندي كذا استفسار:
1. إرشادات عامه للأتوماتيك, لاني تقريبا معنديش معلومات عنه, و ياريت لو في حد عنده موضوع عنه .

2. محل شيك علشان فرش العربية و الدواسات ,وياريت يكون في مدينة نصر أو المعادي, وإيه أفضل أنواع الفرش و كده؟, وهل في أكسسورات تانية يبقي كويس لو الواحد أشتراها ذي السينسور بارك.

3.أنا ظبط العجل علي 30 , هل المفروض في حاجة تانية أعملها؟.

4.أنا كمان كنت عايزة أشتري مكنسة للعربية ,تنطيف التبلوه و تلميعه و خصوصا أنه فاتح قوي. طبعا أنا هغسلها أسبوعيا في االبنزينه.

5. أه صحيح أنا أخد بالي أن العربية من قدام فيها فتحة صغيرة و متركب فيها عصايا صغبرة للجر, فهل دي مفروض تشال و لا إيه؟
وشكرا كثيرا

[د.محمود صلاح]

الف مبروك وربنا يديكى خيرها ويكفيكى شرها , ضبط العجل حسب التعليمات الموجودة على قايم الباب ممكن مرة كل اسبوع , عصاية السحب دى لو بتتفك فكيها أفضل لأنها ممكن تتسرق

[weta]

http://www.nilemotors.net/Nile/36901-a.html

http://www.nilemotors.net/Nile/73601-a.html

[mohabelnegm]

أنا ركبت فرش عربيتى النيو أكسنت عند على رضا اللى فى عبد الرسول هتلاقى أشكال كتير للفرش هناك و حاجات كويسة جدا.

[osama0512]

هو فى الكتالوج ضبط العجل على 32 بالنسبه للتابلوه مش عارف اعمل معاه ايه ... انا نضفته بفوطة مبلوله على خفيف يا ريت لو حد جرب محاجه معينه افضل يبقى كويس

بالنسبه للفرش ممكن فى شارع دمشق فى كذا واحد او سبير كار اللى فى امتداد رمسيس

بالنسبه للغسيل فى البنزينه للعربيه من تحت مرة كل شهر كويس

العربيه ما شاء الله جميله و ربنا يدينل خيرها جميعا و يكفينا شرها

[hassanhafez]

السلام عليكم
أنا إستلمت نيو أكسنت أوتوماتيك نبيتي يوم 6/1/2010 ورخصتها وركبت الفرش في نفس اليوم بفضل الله
بالنسبه للفرش إشتريت فرش جلد بيج من عند سبير كار في مدينه نصر وكمان عملت فرش جلد للشنطه
والدواسات إشتريتها من عند سبينيس مدينه نصر وبلاش تجيبي دواسات موكيت علي جلد علشان بتلم تراب
الهوك الموجود في الإكصدام الأمامي لازم تنزعيه فوراً حتي لا يتسرق وكمان تركبي القطعه الدائريه البلاستيك المكمله لشكل الإكصدام
وأي إستفسار hassanhafez@hotmail.com

[ezzatfox]

الف مبروك و ربنا يباركلك فيها
بالنسبة للعجل اظبطية على 30 و ممكن تعملى check علية كل 10 ايام تقريبا
بالنسبة للفرش فى شارع دمشق فى مصر الجديدة فية حاجات كتير او التوفيقية المكانين فيهم تنوع كبير و اسعارهم كويسة بس سواء دمشق او التوفيقية متروحيش لوحدك .
المكنسة و الحاجات التانية دى هتلاقيها هناك بردة .
القطرة لفيها ( مش انتى طبعا ) عكس عقارب الساعة هتطلع معاكى و شليها مع العدة فى الشنطة
و الف مبروك

[buzzy]

1000 مبروك .. ربنا يديكي خيرها

انا جبتها من 4 شهور تقريباً بس مانيوال و هي عربية جميلة ما شاء الله

بالنسبة للفرش : ش دمشق فيه اكبر تشكيلة .. بس متروحيش لوحدك

بالنسبة للتابلوه : في مناديل لتلميع التابلوه حلوه أوي و في كمان فوط ناعمة أوي عشان تنضيف التابلوه بتلم التراب كله .. ممكن تلاقيها فأي بنزينة أو سبينيس - سيتي ستارز..

و برضه المكنسة اشترتها من سبينس ب 45 جنية و خفيفة وعملية جداً و بتشتغل على مخرج الكهرباء الى في العربية ..

[osama0512]

1000 مبروك .. ربنا يديكي خيرها

انا جبتها من 4 شهور تقريباً بس مانيوال و هي عربية جميلة ما شاء الله

بالنسبة للفرش : ش دمشق فيه اكبر تشكيلة .. بس متروحيش لوحدك

بالنسبة للتابلوه : في مناديل لتلميع التابلوه حلوه أوي و في كمان فوط ناعمة أوي عشان تنضيف التابلوه بتلم التراب كله .. ممكن تلاقيها فأي بنزينة أو سبينيس - سيتي ستارز..

و برضه المكنسة اشترتها من سبينس ب 45 جنية و خفيفة وعملية جداً و بتشتغل على مخرج الكهرباء الى في العربية ..

انا شفت كذا نوع من مكانس السيارات عند سبينس فعلا بس مش عارف حاسس انها صغيره

هل جربتى تنظفى بيها الارضيه كمان و لا الفرش بس ؟

[buzzy]

انا شفت كذا نوع من مكانس السيارات عند سبينس فعلا بس مش عارف حاسس انها صغيره

هل جربتى تنظفى بيها الارضيه كمان و لا الفرش بس ؟

انا استعملتها مرة واحدة لحد دلوقتي و كانت للارضية ..

وبتشيل بلاوي بصراحة..ال انا جايباها جي معاها راسين (2 راس)

واحدة فرشة و التانية رفيعة و طويلة للاماكن الضيقة و الباب و تحت الكراسي ..

[chicobon]

الف مبروك للعربية