يا أصحاب الألنترا ......الحقونى

[smartman]

انا بعد عذاب و تفحيص و تمحيص بقالى 8 شهور خلاص كنت استقريت على الألنترا و مستنى المعرض قولت يمكن يكون فيه تخفيضات ....و بعدين طلع لى واحد من اشد اصدقائى و قالى ابعد عن الألنترا لآنها عربية خفيفة و عفشتها ناشفة زيها زى الكيا السيراتو الجديدة باردوا !!!! و نصحنى افكر فى الأوبترا و بيقولى مفيش حد مختلف عليها .....يا ريت حد من اصحاب الألنترا اللى مجربينها يرد عليا و يكون صريح و موضوعى بدون تحيز ...وشكرا

[Diaby]

انا بصراحة معنديش الالنترا ولا ركبتها ولا عندى الاوبترا ولا ركبتها بس عندى اصحابى عندهم اوبترا والنترا بيشكرولى جامد جدا فى الالنترا وواحد صاحبى بيحلفلى انو ركب الاوبترا وكانت بتعوم منو وهو معاه اسبرانزا 516 بيقولى ثبات الاسبرانزا برقبة الاوبترا فانا انصحك بالالنترا

[semsem8080]

بص ياباشا
انا معايا الالنترا بقلها 18 شهر
ماشاء الله عليها العربية ناعمة جداً وده اللي مخلي ثابتها علي السرعات العالية مش مطمئن وده ايضا لأن مصر مفيهاش طرق حد يجري عليها وانا بمشي بيها لحد 160 ثابتها حلو
والابوترا عربية برده كويسه بس في فرق جامد بينه وبين الالنترا في الكامليات والموتور والبور ألخ............

[semosoft]

يا باشا ده كلام مش مظبوط اطلاقاً انا معايا الالينترا من 2008

العربية عفشتها ناعمة جداً جداً و اسأل حتى اللي معاهم السيراتو و النيو سيراتو كلهم هيأكدولك مدى نعومية العافشة.

العربية ستابل جداً جداً و انا قفلت الطابلوه يجي 50 مرة و مفيش اي مشكلة و مطبات و طرق مكسرة نظراً للاماكن اللي برحها في الشغل

و كان معايا اوبترا بتاعت واحد صحبي و فضلت معايا 3 شهور

فرق شاااسع بين الليتنين في الاستابيليتي و العفشة و الكماليات و الموتور

الالينترا تكسب بكل المقايس و متسمعش المهاترات اللي بتتقال من ناس عمرها مركبت الالينترا انا معايا موديل 2008 و هسيبها لاهلي في البيت و حجزت موديل 2010 تفتكر لو كانت وحشة كان ممكن اجيبها تاني ؟؟؟ مع العلم ان الشكل هوا هوا

صدقني الالينترا احسن من الاوبترا بكل المقايس

و ربنا يوفقك للصالح و مبروك مقدماً .

[Abo.Mayyam]

الإلنترا الشكل الجديد فيها مشكلة لاحظتها إنها مع أبسط تحميل (إتنين قاعدين ورة وجسمهم معقول مش تخان) كانت بتحك فى المطبات

غير كده سحب كويس وتسارع كويس

متنساش تستخير ربنا قبل ما تنوى على اى حاجة وتيقن إن ربنا هيهديك للى فيه الخير إن شاء الله

[kliken]

استخير ربنا الاول طبعا
بس الالنترا ممتازه فعلا و عفشتها ناعمه جدا و تسارع ممتاز

[د.محمود صلاح]

مافيش كلام تانى بعد اللى اتقال

[dr_abooody]

اوبترا دة عربية مقرفة يا راجل كفاية انها تقفيل مصري

انما الالنترا ناعمة و الباور بتاعها ناعم و حلو اوي دة غير ان موتورها قوي و ناعم جدا
و العفسة ممتازة و مش بتحس بالمطبات
و كفاية ان الالنترا شكلها احلى من الاوترا 10000000 مرة

[حماده المصري]

يا جماعه انتوا متحاملين على الاوبترا جاامد

الاوبترا كوري مش مصري الافيو مصري

ممكن يكون الاوبترا الجديد مصري بس مسعتهاش خالص دي

مبدايا هنقارن بين العربيتين

الموتور الاتنين جرايين والنترا تكسب بس فرق مش شاسع

الصالون طبعا النترا شايفها اشيك بس الاوبترا اوسع والقعده ورا مريحه اكتر من الالنترا

الفرامل النترا افضل

نعوميه المساعدين الاوبترا انعم من الالنترا

على الطرق المستقيمه الاوبترا مشيها حلو جدا الغرز الاوبترا مش اد كده فيها

والعكس في الالنترا التحكم في الغرز حلو جدا بس القعده ورا بتحس بتضاريس الطريق اكتر من الاوبترا

عموما الاوبترا بتحصل فيها بعض المشاكل الطفيفه من طرمبه بنزين حاجات زي كده ودي كانت مع صاحبي

النترا الجديده 2010 ودي معلومه حصلت عليها من مركز معتمد

الباور تمت تعديلات كتيره عليه في 2010 عشان تلافي العيوب القديمه من ناس اشتكت من علبه الدركسيون وناس اشتكت من انه خفيف

[حماده المصري]

بالنسبه للسيراتو ف الي بجنط بتبقى ناشفه

اما الي طاسات ودي انا جربتها وسوقتها ف عفشتها معقوله لاهي ناعمه ولا هي ناشفه بس هي كويسه جدا

بس عموما السيراتو متنفعش في الغرز نهائي شنطتها بتلعب والنترا افضل من السيراتو الجديده بمراحل

[KING_LEDO]

النترا الف مليون مرة انا معى النترا من 2007 و بالصدفة سوقت ليوم كامل عربية اوبترا (فرق كبير جدا فى كل حاجة لدرجة ان المدام قالتلى شوف الكوتش باين عليه نايم ) عفشة زي الزفت بور زي الزفت كل حاجة زي الزفت زي احساسى لما بسوق عربية اخوي لادا او لانوس لاني اظبط على امكانيات النترا الناعمة المريحة و بجري لحد 200 مفيش مشاكل
وانا كنت كتبت عن احساسى ده قبل كده فى مواضيع ثانية

[Diaby]

انصحك خوش على قسم شيفورليه حتلاقى ناس ياما ندمانة على شرائها وكلم الاخ aif كانت معاه وباعها اسألوه عليها

[petro]

شوف يا استاذ smartman انا كان معايا النترا 2007 واضطريت ابيعها لظروف السفر لكن العربية محترمة جدا واول مرة جبت بيها 170 مكنتش حاسس غير لما بصيت على العداد
وصدقني جبت بيها 200 وباجد غرزة وفجأة لقيت الأسفلت تحتي مقطوع فالعربية لفت بيه لكن محستش انها هتقلب خالص والفرامل وقفتنى في مسافة قياسية
ده غير الشياكة وقوة السحب (كان عندى مانيول) لكن سوقت نفس الغربية اوتوماتيك فى كندا ومعجبنيش سحبها قوى
وسوقت الاوبترا فى مصر ومعجبتنيش خالص
خلاصة الكلام الالنترا طبعا بشرط ان موديل 2010 يكون نفس جودة 2007 لأن انا عارف ان فى مصر لما حاجة بتثبت نفسها يبتدى التجار يجيبوها بجودة اقل (تقفيل تاني مثلا) ويبيعوا عالسمعة

[hhendmos]

صباح الفل يا باشا
انا معايا النترا 2010 من شهرين تقريبا
وكنت مختار بين الاوبترا والالنترا
وقبل ما اشتري جربت الاتنين
الوبترا صالونها احلى يعني كرسي السواق اريح لان اتجاه الحركه بتاعته كتيره
الاوبترا بتاكل بنزين جامد عن الانترا
قطع الغيار اغلى من الالنترا

الشكل انت وذوقك انا عن نفسي اخترت اللي يفرق معايا

[Hosam_Optrawy]

الالنترا عربيه ممتازه ومعمول عليها تخفيض حاليا 3000 ودا عرض ممتاز اتوكل على الله

اوبترا دة عربية مقرفة يا راجل كفاية انها تقفيل مصري

انما الالنترا ناعمة و الباور بتاعها ناعم و حلو اوي دة غير ان موتورها قوي و ناعم جدا
و العفسة ممتازة و مش بتحس بالمطبات
و كفاية ان الالنترا شكلها احلى من الاوترا 10000000 مرة

ياريت بعد اذنك ماتتكلمش على حاجه ماتعرفش عنها اى معلومات لان دا واضح جدا من كلامك

النترا الف مليون مرة انا معى النترا من 2007 و بالصدفة سوقت ليوم كامل عربية اوبترا (فرق كبير جدا فى كل حاجة لدرجة ان المدام قالتلى شوف الكوتش باين عليه نايم ) عفشة زي الزفت بور زي الزفت كل حاجة زي الزفت زي احساسى لما بسوق عربية اخوي لادا او لانوس لاني اظبط على امكانيات النترا الناعمة المريحة و بجري لحد 200 مفيش مشاكل
وانا كنت كتبت عن احساسى ده قبل كده فى مواضيع ثانية

لادا ولانوس ؟

انصحك خوش على قسم شيفورليه حتلاقى ناس ياما ندمانة على شرائها وكلم الاخ aif كانت معاه وباعها اسألوه عليها

الكلام دا مش مظبوط والاستاذ احمد ابراهيم على حد معلوماتى ماباعش عربيته

ــــــــــــــــــــــــــــــــــــــــ

وعلى فكره الالنترا لا تتفوق الا فى حاجتين اتنين

الموتور - الشكل الداخلى والخارجى ( ودى اذواق )

باقى الحاجات كلها يا اما متساويين يا اما الاوبترا تتفوق

واللى شايف حاجات فى الالنترا غير الحاجتين دول يتفضل يقول يمكن انا مش واخد بالى