العربية الأكسنت بقت حاجة تانية بصراحة

[essam_shaaban]

السلام عليكم

انبارح كنت عند الميكانيكي بتاعي، راجل طيب ومحترم اوي، عربيتي كانت بتنتش شوية ، فرحت له قالي البوجيهات مسافرة كل سنة وانت طيب وفلتر الهوا كمان
رحت لبتاع قطع الغيار جبت الآتي و هقولكم ع النتيجة
1- طقم بوجيهات بيرو فرنساوي 35 جنيه
2- فلتر هواء كوري اصلي 20 جنيه
3- سير كاتينه كوري اصلي 45 جنيه
4- سبراي تنظيف كربراتير توب كار ألماني 20 جنيه

وبدأنا سمينا الله وركب السير و عاد علي التقسيمة كلها ، و بعدين ركب فلتر الهواء، وركب البوجيهات و أخيراً قام بفك الكربراتير و تنظيفه بالاسبراي خارج السيارة ثم قام بتركيبه وتنظيفه والعربية شغالة
النتيجة كانت غريبة بكل المقاييس ، الشكمان طلع بلاوي سودا لمسافة لا تقل عن متر بعيدا عن السيارة
الميكانيكي قالي كمان كام يوم هنعمل تنظيف بالاسبراي تاني وطبعا العربية عليت لان الرواسب و الكربون اللي كان علي البساتم نزل، فقالي بعد ما ننظف المرة الجاية هنوطيها بس خدها النهارده مشوار طويل وااقرص عليها و عبيها بنزين 92
وبالفعل عبيتها بنزين 92 و خدتها مشوار ع الدائري لحد اول طريق السويس وروحت علي حلوان
عاوز اقولكم علي حاجة ...

بسم الله مشاء الله العربية بقت ولا الفابريكه يا جماعة سحب ممتاز جدا و كيك داون رهيب ولا الزيرو انا حبيت بس انقل لكم خبرة اللي حصل معايا للآفادة.

التكلفة الاجمالية كانت:
قطع غيار 120 جنيه
مصنعية 40 جنيه

والسلام عليكم ورحمة الله وبركاته

[romeo_6887]

طب الحمد لله و عقبال كل عربياتنا ان شاء الله

[taha724]

ما تكمل جميلك وقولنا علي عنوان او رقم تليفون الميكانيكي ومنين قطع الغيار

[essam_shaaban]

ما تكمل جميلك وقولنا علي عنوان او رقم تليفون الميكانيكي ومنين قطع الغيار

ياخبر بس كده ده انت تؤمرني
بص يا سيدي الميكانيكي ده في المعادي اسمه اسطي بيومي 0125519583 في شارع حامد نافع من شارع احمد زكي عند مسجد الهدي ، راجل محترم وفاهم في شغله،
وبالنسبة لقطع الغيار فهي من عند اولاد نصار برضه في شارع احمد زكي جنب بنزينه الكوبري الأسود ،
ولو فيه اي استفسار انا جاهز وتحت الأمر ورقم تلفوني 0100499485

[taha724]

والله انت راجل محترم

[Diaby]

السلام عليكم

انبارح كنت عند الميكانيكي بتاعي، راجل طيب ومحترم اوي، عربيتي كانت بتنتش شوية ، فرحت له قالي البوجيهات مسافرة كل سنة وانت طيب وفلتر الهوا كمان
رحت لبتاع قطع الغيار جبت الآتي و هقولكم ع النتيجة
1- طقم بوجيهات بيرو فرنساوي 35 جنيه
2- فلتر هواء كوري اصلي 20 جنيه
3- سير كاتينه كوري اصلي 45 جنيه
4- سبراي تنظيف كربراتير توب كار ألماني 20 جنيه

وبدأنا سمينا الله وركب السير و عاد علي التقسيمة كلها ، و بعدين ركب فلتر الهواء، وركب البوجيهات و أخيراً قام بفك الكربراتير و تنظيفه بالاسبراي خارج السيارة ثم قام بتركيبه وتنظيفه والعربية شغالة
النتيجة كانت غريبة بكل المقاييس ، الشكمان طلع بلاوي سودا لمسافة لا تقل عن متر بعيدا عن السيارة
الميكانيكي قالي كمان كام يوم هنعمل تنظيف بالاسبراي تاني وطبعا العربية عليت لان الرواسب و الكربون اللي كان علي البساتم نزل، فقالي بعد ما ننظف المرة الجاية هنوطيها بس خدها النهارده مشوار طويل وااقرص عليها و عبيها بنزين 92
وبالفعل عبيتها بنزين 92 و خدتها مشوار ع الدائري لحد اول طريق السويس وروحت علي حلوان
عاوز اقولكم علي حاجة ...

بسم الله مشاء الله العربية بقت ولا الفابريكه يا جماعة سحب ممتاز جدا و كيك داون رهيب ولا الزيرو انا حبيت بس انقل لكم خبرة اللي حصل معايا للآفادة.

التكلفة الاجمالية كانت:
قطع غيار 120 جنيه
مصنعية 40 جنيه

والسلام عليكم ورحمة الله وبركاته

ربنا يبارك لك فيها

[د.محمود صلاح]

شكرا على نقل التجربة

[vayron]

الف مبروك ياباشا
وربنا يرزقك الخير يارب
وشكرا

[elsherif_2000]

نصيحة اخوية غير سير الكاتينة اللي انت ركبتة انا معايا اكسيل و ركبت فيها السير اللي ب 45 جنية و اتقطع مني بعد 20 الف كيلو و رحت لميكانيكي اول مرة اروحلة قالي اشتري سير كاتينو
فاملقيتش غير ابو 45 جنية بعد ما ركبة قاللي الصبابات اتعوجت و هاتتكلف 800 جنية وكلمت الميكانيكي بتاعي قاللي اقطر العربية وهاتهالي دة بعد ما ركبت السير الجديد
و بعد ماروحتلة وبدا يفك
المفاجاة ان السير الجديد بدا يفتل رغم انة راكب اديلة 3 ساعات والعربية مادارتش دي انا قاطرها اضريت اني اجيب الاصلي من التوكيل كان وقتها ب 80 جنية

الهدف من كلاميانك تجيب اي قطعة غيار من اي محل لكن سير الكاتينة هاتة من التوكيل اضمن