النتراوى جديد

[just_magdy1]

السلام عليكم
الحمد لله اولا واخرا .. النهارده اشتريت النترا اتوماتيك موديل 2010 خليجى ولى بعض الاستفسارات :
- هل العربية بتيجى من كوريا متلينة ولا بتتلين فى اول 1000 كم وايه الحاجات اللى المفروض اعملها فى بداية ال 1000 كم
- هل العربيه اداءها بيتحسن بعد ال 1000 كم الاولى
- انا عربيتى نازله بالكاسيت الصغير مش العريض للاسف رودستار بس انا على الرغم انى شايف انه مقلل جمال التابلوه الا ان امكانياته كويسة فى يو بى اس وفتحة اى يو اكس وبلوتوث للموبايل
السؤال هل فى مكان الاقى فيه الكاسيت العريض واديله الكاسيت اللى جاى فى العربيه وادفع الفرق
- دعواتكوا ليا

[Ahmed_Gadalah]

ألف مبروك وربنا يباركلك فيها

[Ahmed Sharaf]

السلام عليكم
الحمد لله اولا واخرا .. النهارده اشتريت النترا اتوماتيك موديل 2010 خليجى ولى بعض الاستفسارات :
- هل العربية بتيجى من كوريا متلينة ولا بتتلين فى اول 1000 كم وايه الحاجات اللى المفروض اعملها فى بداية ال 1000 كم
- هل العربيه اداءها بيتحسن بعد ال 1000 كم الاولى
- انا عربيتى نازله بالكاسيت الصغير مش العريض للاسف رودستار بس انا على الرغم انى شايف انه مقلل جمال التابلوه الا ان امكانياته كويسة فى يو بى اس وفتحة اى يو اكس وبلوتوث للموبايل
السؤال هل فى مكان الاقى فيه الكاسيت العريض واديله الكاسيت اللى جاى فى العربيه وادفع الفرق
- دعواتكوا ليا

أولا ألف مبروك العربية وربنا يديك خيرها إن شاء الله.
- العربية متلينة لكن يستحسن اول 1000 كم ماتذودش السرعة عن 100 وبلاش تمشى على سرعة واحدة مسافة كبيرة.
- بعد 1000 كم وعمل صيانة الالف هتبقى العربية كويسة بسبب تربيط العفشة لكن غير كدة معتقدش في فرق.
- الكاسيت الاصلي الكبير أعتقد موجود في غبور أبو رواش ممكن حضرتك تكلمهم وتسأل ازا ينفع تبدل .

[KSA2011]

أولا ألف مبروك العربية وربنا يديك خيرها إن شاء الله
قولى انت جبتها منين وبكام و فيها كماليات ايه ؟ ولونها ايه ؟
انت كده تالت واحد يجيب ال 2010 بعدى وبعد زميل لينا تانى فى هيونداى انا جبتها خليجى برضه
ونازل فيها الكاسيت الرودستار بس انا شايف انه شيك وجميل جداا و فيها امكانيات روعه زى البلوتوث وقرايه الارقام المتصله و الصادره و حركه السى دى جامده و usb aux mp3 wma
هو طبعا الاصلى اشيك بكتير بس مش موجود
وكمان الرودستار احسن من بتاع التوكيل الى بينزل فى الانترا المصرى
هو غالبا الرودستار نازل فى كل الخليجى او المستورد وهو الشناوى الى بيحطه فى الانترا الى بيجيبها
بالنسبه للعربيه انا حاسس الاداء و العفشه بقى احسن من الاول
التكييف اول مره اشغله النهارده ما استحملتوش وكنت مشغل على ال 1 بس
العربيه ماشاء الله جميله بس خد بالك من الباور لازم تركز معاه وخصوصا على الطريق
شغل قران طول الوقت و ربنا يحفظك ويحميك العربيه ماشاء الله جميله و مش هتسلم من عيون الناس و خصوصا الانتراويه الى لما بيشوفوها بيستغربوا شكل الشبكه الجديده الى عاطيه شكل تانى للعربيه هههه
مبروك

[Hosam_Optrawy]

الف الف مبروك يا استاذ مجدى

ربنا يباركلك فيها ويديك خيرها ويبعد عنك شرها وشر الطريق

[Diaby]

الف مبروك يا باشا

[د.محمود صلاح]

الف مبروك وربنا يحفظهالك من العين , وننتظر التقييم والأداء

[wmostafa]

ألف مبروك ...
سؤال : انت ليه جبت الخليجي ؟ مش كده تبقى بره الضمان ؟؟؟

[hazemhassan]

مبروووووك يا مان
وربنا يدك خيرها ويكفيك شرهاااااا

[chicobon]

الف مبروك علي العربية

[abou_sama]

ممكن صوره للكاسيت
ومبروك عليك وربنا يديك خيرها ويكفيك شرها

[just_magdy1]

شكرا لكل الزملا اللى باركوا .. انا جبت العربية اللون الباذنجانى .. دفعت لتاجر مبلغ 16000 جم فوق عربيتى الاوبترا اللى كانت اتوماتيك موديل 2009 وكانت لسه جديدة .. بالنسبة للاوبشنز اللى فى العربية هى مافيهاش جنوط ولا فتحة سقف ولا فوجات بس فيها ستوب خلفى وايرباج واحدة ومخدع امامى وبتهيالى المخدع ده ماكنش موجود فى موديل 2009 بالنسبة لشكل الشبكة حقيقى انا ماعرفش هل فى فرق بين موديل 2009 و 2010 ولا لا .

[just_magdy1]

الف الف مبروك يا استاذ مجدى

ربنا يباركلك فيها ويديك خيرها ويبعد عنك شرها وشر الطريق

الله يبارك لك يا استاذ حسلم وانا برضه عمرى ماهنسى الاوبترا لانها فعلا عربية ممتازة بس كلمة فى ودنك اداء الالنترا افضل فى الثبات والنعومة والتسارع وقوة الفرامل .. بس علشان اكون عادل انا لسه مصمم ان الاوبترا عربية محترمة وبالمناسبة فى بعض التفاصيل الصغيرة لصالح الاوبترا زى مثلا الالنترا مافيهاش مفتاح لتسخين الزجاج والمرايات .. مافيش طفاية سجاير خلفية ..نور التابلوة مش بينور الا لما تكون مشغل النور الصغير
ربنا يبارك لينا جميعا فى عربياتنا

[Samah AbdAllah]

الف مبروك على حضرتك الالنترا
وبارك الله لك

[just_magdy1]

أولا ألف مبروك العربية وربنا يديك خيرها إن شاء الله
قولى انت جبتها منين وبكام و فيها كماليات ايه ؟ ولونها ايه ؟
انت كده تالت واحد يجيب ال 2010 بعدى وبعد زميل لينا تانى فى هيونداى انا جبتها خليجى برضه
ونازل فيها الكاسيت الرودستار بس انا شايف انه شيك وجميل جداا و فيها امكانيات روعه زى البلوتوث وقرايه الارقام المتصله و الصادره و حركه السى دى جامده و usb aux mp3 wma
هو طبعا الاصلى اشيك بكتير بس مش موجود
وكمان الرودستار احسن من بتاع التوكيل الى بينزل فى الانترا المصرى
هو غالبا الرودستار نازل فى كل الخليجى او المستورد وهو الشناوى الى بيحطه فى الانترا الى بيجيبها
بالنسبه للعربيه انا حاسس الاداء و العفشه بقى احسن من الاول
التكييف اول مره اشغله النهارده ما استحملتوش وكنت مشغل على ال 1 بس
العربيه ماشاء الله جميله بس خد بالك من الباور لازم تركز معاه وخصوصا على الطريق
شغل قران طول الوقت و ربنا يحفظك ويحميك العربيه ماشاء الله جميله و مش هتسلم من عيون الناس و خصوصا الانتراويه الى لما بيشوفوها بيستغربوا شكل الشبكه الجديده الى عاطيه شكل تانى للعربيه هههه
مبروك

ممكن اعرف من حضرتك الفرق بين الشبكة الجديدة والقديمة ؟