إعـــــــلان

Collapse

.

,
See more
See less

رابطة مالكى الجميلة اكسنت من1998 الى 2006

Collapse
X
 
  • Filter
  • الوقت
  • Show
Clear All
new posts

  • أنا معايا مشاء الله حوالى 37 - 40 الف جنية:
    ونفسى اشترى عربية نضيفة وتكون حالتها كويسة وموفرة للبنزين عشان السفر .....
    بصراحة فكرت فى الاكسنت 1500 ..... ياترى المبلغ دة
    يجيب اكسنت موديل كام ؟
    واية هى عيوب ومميزات الاكسنت ؟
    ( من حيث الثبات / العفشة / نوع البنزين / استهلاكها قد اية فى البنزين / قطع الغيار متوفرة ولا لاء - وفين ؟ )
    واية هو احسن موديل نزل فى الاكسنت من 2000 لحد 2006 ؟

    ياريت تجاوبونى على كل الاسئلة دى

    وشكرا لكل اعضاء المنتدى المحترمين

    Comment


    • معايا سيارة اكسنت 99 اتوماتيك الأر بي أم مش بتعدي ال 2000 لفة و السحب ضعيف جدا ممكن حد تفيديني في معرفة السبب

      Comment


      • معايا سيارة اكسنت 99 اتوماتيك الأر بي أم مش بتعدي ال 2000 لفة و السحب ضعيف جدا ممكن حد يفيدني

        Comment


        • أرجو أن استفيد من خبرتك في موضوع العفشة لأني عاوز أعير مساعدين ورا وقدام في القريب العاجل. سيارتي أكسنت 98خليجي وعاملة 140 ألف.

          Comment


          • انا لسه جايب عربيه اكسنت مو 2000 - 1500 سى سى انجكشن - بس بسمع صوت تسقيف فى العربيه لما بكبس بنزيد على اى غيار حد يعرف ايه المشكله

            Comment


            • المشاركة الأصلية كتبت بواسطة hussien_fahmy مشاهدة المشاركة
              انا لسه جايب عربيه اكسنت مو 2000 - 1500 سى سى انجكشن - بس بسمع صوت تسقيف فى العربيه لما بكبس بنزيد على اى غيار حد يعرف ايه المشكله
              صوت التسقيف على حسب نوع البنزين اللى حضرتك مونت بيه العربيه فلو بنزين 80 هتأخر الكهربا ولو 90 او 92 او95 يبقى كهربة العربيه عايزه تظبيط ودى اى ميكانيكى بيعملها عادى.
              ممكن اعرف حضرتك اشترتها بكام وايه مواصفاتها للعلم بالشئ بس.
              engonear سابقا

              [CENTER]
              [SIZE=4][COLOR=Teal]
              [/COLOR][/SIZE] [/CENTER]

              Comment


              • سلام عليكم بجد موضوع هايل و فيه مجهود رهيب
                انا عندى كذا مشكله كل شويه اعملها و ترجع اولها الكابلن عايز اعرف الانواع الكويسه اللى تعيش بكام و منين
                و العربيه كلها بتتهز بعد ال 120 و رصصت و ظيطت زوايا و مفيش برضه ؟؟
                الاستهلاك بناع البنزين 200 كيلو فى الصفيحه بالعافيه
                ولما بكبس و انا واقف بيطلع دخان ابيض خفيف ؟؟ كده الموتور خف؟؟
                و ايه احسن حد قؤيب من مدينه نصر يشتغل بضمير و صنايعى ؟
                معلش انا طولت بس اخر سؤال موضوع التابلوه مفيش اى تابلوه تانى ممكن يركب؟؟؟ غير بتاعها عشان لو جيبتوا هيكسر برضه و هل المساعدين ليها دخل ؟؟
                الف شكر معلش طولت عليك

                Comment


                • المشاركة الأصلية كتبت بواسطة emn3em مشاهدة المشاركة
                  سلام عليكم بجد موضوع هايل و فيه مجهود رهيب
                  وعليكم السلام ورحمة الله
                  المشاركة الأصلية كتبت بواسطة emn3em مشاهدة المشاركة
                  انا عندى كذا مشكله كل شويه اعملها و ترجع اولها الكابلن عايز اعرف الانواع الكويسه اللى تعيش بكام و منين
                  ابعد نهائى عن الكبالن الجديده وخصوصا التايوانى والصينى واشترى الاستيراد الكوبلن كامل داخلى وخارجى بالدراع 120ج للجنب الواحد سواء يمين او شمال ويشترط تكون حالته نضيفه والجلد سليمه.
                  المشاركة الأصلية كتبت بواسطة emn3em مشاهدة المشاركة
                  و العربيه كلها بتتهز بعد ال 120 و رصصت و ظيطت زوايا و مفيش برضه ؟؟
                  لازم تشوف حالة الكاوتش ولو متاكل من الجوانب او قديم وتاريخ صلاحيته انتهى بيعمل مشاكل على السرعات والعفشه اكشف عليها وربطها كويس ولو عايزه جلب مقصات غيرها.
                  المشاركة الأصلية كتبت بواسطة emn3em مشاهدة المشاركة
                  الاستهلاك بناع البنزين 200 كيلو فى الصفيحه بالعافيه
                  دا بيعتمد على تظبيط الكربراتير (هوا+بنزين)ونوع البوجيهات هات دينسو يابانى واستهلاك البنزين كويس لحد ما.
                  المشاركة الأصلية كتبت بواسطة emn3em مشاهدة المشاركة
                  ولما بكبس و انا واقف بيطلع دخان ابيض خفيف ؟؟ كده الموتور خف؟؟
                  الدخان الابيض علشان الموتور عندك بيبخر زيت وما بيحرقش بنزين كويس خلى ميكانيكى يشوفلك العيب فين بالظبط يمكن فيه صبابات بايظه او عايزه طقم شنبر.
                  المشاركة الأصلية كتبت بواسطة emn3em مشاهدة المشاركة
                  معلش انا طولت بس اخر سؤال موضوع التابلوه مفيش اى تابلوه تانى ممكن يركب؟؟؟ غير بتاعها عشان لو جيبتوا هيكسر برضه و هل المساعدين ليها دخل ؟؟
                  هتلاقى التابلوه الاصلى الكورى عند بتوع الاستيراد ودا بيستحمل وعمره ما يتكسر علشان اللى راكب فى العربيه غبور مصرى ونوعه وحش.
                  engonear سابقا

                  [CENTER]
                  [SIZE=4][COLOR=Teal]
                  [/COLOR][/SIZE] [/CENTER]

                  Comment


                  • انا معايا اكسنت مو 2000 وعاوز موتور مساحات لأن الترس بتاع الموتور بتاعى مفوت ومش عارف اشتريه منين وهل ممكن انى اغير الترس بس ولا لازم الموتور كله يتغير

                    Comment


                    • وكمان فيه مشكله تانية ان العربيه بتصقف لما بكبس بنزين ده ممكن يكون من ايه

                      Comment


                      • المشاركة الأصلية كتبت بواسطة engonear مشاهدة المشاركة
                        صوت التسقيف على حسب نوع البنزين اللى حضرتك مونت بيه العربيه فلو بنزين 80 هتأخر الكهربا ولو 90 او 92 او95 يبقى كهربة العربيه عايزه تظبيط ودى اى ميكانيكى بيعملها عادى.
                        ممكن اعرف حضرتك اشترتها بكام وايه مواصفاتها للعلم بالشئ بس.
                        انا عربيتى اكسنت 2000 خليجى 1500 سى سى انجكشن جبتها 40000 ج انا حطيت بنزين 92 وبرضه فى تسقيف :b4_388:

                        Comment


                        • يا اجمل شباب فى المنتدى انا زى ماقولت انا لسه جايب عربيه اكسنت مو 2000 - 1500 سى سى - خليجى ومش عارف اى حاجه لسه فيها وعاوز اغيرلها زيت ومش عارف احسن حاجه ليها ايه وكمان فلتر الزيت ايه النوع الكويس وشكرا للجميع

                          Comment


                          • شكلاا يا باشا على الرد السريع بس العفشه ملهاش دعوه بتشريخ التابلوه صح؟

                            Comment


                            • سم الله الرحمن الرحيم
                              السلام عليكم
                              انا عندى مشكلة فى العربية ومش لاقيلها حل وتعبت مع الصنايعية ....
                              المشكلة بدأت من عام مضى كنت ماشى على سرعة 60 كم والكاوتش اليمين امامى ضرب فجاة والجنط نزل على الارض مرة واحد فحصل التواء بالجنط وقمت بشراء جنط جديد وبعد ذلك شعرت اثناء الدوران لليمين ان العربية (بتسف) منى يعنى لما اكسر يمين العربية بتلف بس بطريقة غربية وتحس ان الكاوتش بياكل فى الارض ولفة الدركسيون ناحية اليمين اوسع من الشمال فرحت لبتاع الزوايا والترصيص وطلب منى تغيير جنب كامل ( يشمل الياى بالمساعد والشمعدان )وبالفعل وقمت بتغيير جنب شمال كامل ولكن المشكلة زى ما هى وقمت بتركيب جنب يمين كامل ايضا والمشكله زى ما هى وطبعا عملت ضبط زوايا واتزان عجل والترصيص يمكن اربع خمس مرات وبردوا المشكلة ما زالت قائمة انا من الاخر صرقت مبلغ وقدرة على هذا الامر ده غير الوقت اللى ضاع منى عند الصنايعى انا احترت واحتار دليلى وليس لى ملجأ الا الى الله ثم اليكم يا ريت الاقى عندكم الجواب الكافى الشافى لهذه المشكلة
                              تقبلوا تحياتى والسلام عليكم ورحمة الله وبركاته
                              [FONT=Tahoma][SIZE=3]رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ وَلَا تَزِدِ الظَّالِمِينَ إِلَّا تَبَارًا [/SIZE][/FONT]

                              Comment


                              • حط استفسارك هنا
                                သင်၏ သူငယ်ချင်း၊ မိသားစု၊ သင်သိသောသူများနှင့် စတင်၍ ချိတ်ဆက်ပြီး မျှဝေရန် Facebook သို့ လော့ဂ်အင်ဝင်ပါ။

                                وهتلاقي 1000 واحد يرد عليك
                                :)
                                [img3]http://img38.imageshack.us/img38/1976/dsc0166hn.jpg[/img3]

                                Comment

                                Working...
                                X