هل فعلا سعر الإلنترا من غير جمارك 30 الف جم فقط !!

[fellacd]

فى ملحق السيارات لجريدة الأهرام يوم 8يناير2010 قال مسئول الجمارك أن إجمالى الجمارك والضرائب على السيارة الإلنترا هو 55ألف جنيه
ولو طرحنا ده من سعر العربية 90000-55000=35000ج
ولو قولنا إن مكسب الوكيل حوالى 5000ج على الأقل يبقى سعر العربية الحقيقى 30 ألف جنيه
يا ترى الحسبة دى مظبوطة ولا إيييييييييييه؟؟؟؟
يا جماعة حد يفهمنى .. أرجووووكم

[حماده المصري]

صعبه متهيالي

عشان التجار بيشتروا العربيه بخصم على الجمارك غير الطبيعي لما شخص عادي يجي ينزلها

وبالعقل كده الخليجي بتتباع في رنجع 100 الف

وهي اساسا بتتباع في الخليج فوق ال 40 الف يعني ممكن من 40 ل 45 الف ريال
بالمصري يبقوا 60 مثلا والضرايب متهيالي التجار بياخدوا خصم 10% يعني بدل 40% 30%

يعني كده كده هتعدي سعرها 90 الف جنيه بدون مكسب

[أحمد كمال]

يمكن قصدهم عالهاي لاين

[ahmedsamir79]

لا طبعا مش ممكن

[fellacd]

شكرا على تعديل العنوان ..
كده أفضل فعلا ... شكرا جزيلا لمشرفى المنتدى

[fellacd]

بس ياريت حد يكون متخصص أو فاهم كويس موضوع الجمارك يوضح لنا أو يفهمنا بشكل جاد
على فكرة الموضوع أنا طرحته قبل كده فى موضوع الجمارك لكن برضه محدش جاوب إجابة مقنعة
لأن نفس التصريح ده تكرر فى ملحق الأهرام بنفس الرقم على نفس العربية كذا مرة

[ashraf229]

أكيد طبعا الوكلاء و التجار و اصحاب السجلات التجارية و بطاقات الاستيراد ليهم حسبة تانية خالص في الجمارك غير الدكتور او المهندس اللي هيجيب عربية واحدة طول عمره من برة......

هنا في السعودية مثلا الألنترا سعرها فوق الأربعين ألف ريال فعلا حسب الفئة و المانيوال والأوتوماتيك و الأوبشن يعني فوق الستين ألف جنيه....

اكيد الحسبة دي للأفراد العاديين و ليس المستوردين...........

اضف لذلك انك لم تذكر فئة العربية و جيرها و مواصفاتها........

[fellacd]

1600 سى سى
ودى الحاجة اللى على أساسها بتتحدد قيمة الجمارك فى مصر
يعنى الجمارك 40% وضريبة المبيعات 15% ومش عارف إيه تانى
المهم بتوصل الجمارك والضرائب وغيره إلى 61% لهذه الفئة من السيارات
وده سبب استغرابى
لأن الحسبة كده معناها إن الجمارك والضرائب حوالى 150%
لأن الالنترا سعرها معروف فى حدود الـ 91ألف جنيه مصرى وكمان سعرها نزل فى التخفيض الأخير بتاع الوكيل
ولو حتى كان سعرها 100ألف تبقى برضو الحسبة مش مظبوطة
لأن هايبقى سعرها 40ألف جنيه من غير ضرائب ولا جمارك ولا مكسب الوكيل
يا ريت يا جماعة حد يوضحلنا بجد
حد من خبراء نايل موتورز
وشكرا

[A7MED_PHARMA]

بأي حال
الناس دي بتعمل فلوووووووووووس بالعبيط

.
.
.

[د.محمود صلاح]

عندى فى عمان الهاي لاين فتحة وتاتش و فرامل وايرباجين وجنط بحوالى 80 الف

[tigernet]

جمرك 1600 سىسى 40%
لو افترضنا ان الانترا 100000 و الجمرك 40% + 15 %

[esam_comm]

العربيه الالنترا كامله في قطر 41 الف ريال قطري يعني 61 ونص بالمصري

[fellacd]

برضه محدش جاوب على السؤال وفهمنا الحسبة صح
لو الجمارك والضرائب على الإلنترا تساوى 55ألف جنيه + 5آلاف أو أكتر مكسب أو ربح
تبقى الإلنترا سعرها الحقيقى 30ألف جنيه أو أقل ؟؟؟؟
بقى ده معقووول؟؟؟

[holiel]

دة لغز وهرشلى دماغى بصراحة ودة يفسر لية الواحد لونزل بالعربية بيلاقى تكلفتها اعلى من المستوردة ولكن حله كالاتى اولا سعر العربية اللى بتزل مصر عن طريق الوكيل اقل سعر فى المصنع ودة ودة عن طريق قصقصة الكماليات وشوية خامات ارخص سنة فى الاساسيات( مثل تغير نوع الكاست اوخامة الفرش اوماركة الكاوتش او مقاسة اونوع الدهان والهدف كله اقل سعر )واكيد السوق المصرى ليس له مواصفات حاصة وطبعا موتور وعفشة صعبه القصقصة وليست مستحيلة

[Hosam_Optrawy]

مكتوب فى ملحق السيارات ان تم الافراج عن 580 سياره النترا

بقيمة 27 مليون و 240 الف و 634 جنيه

يعنى متوسط سعر العربيه حوالى ( 27.240.634 / 580 ) = 46 الف و 966 جنيه نقول 47 الف

يعنى سعر العربيه من 45 الى 50 الف جنيه تقريبا حسب الفئه مانيوال او اوتوماتيك او Gls

والجمارك 12 مليون و 513 الف و 607 جنيه

يعنى جمرك العربيه الواحده حوالى ( 12.513.607 / 580 ) = 21 الف و 575 جنيه

يعنى متوسط سعر العربيه بجمركها 46966 + 21575 = 68 الف و 541 جنيه

ولو قولنا ان متوسط سعر بيع العربيه فى مصر حوالى 100 الف

يبقى الفرق حوالى 31.5 الف جنيه فى العربيه الواحده

مكسب ومصاريف شحن ومرتبات والذى منه