محتاج اعرف تاثير بنزين 80 على سيارة نيو اكسنت 2010

[ahmedadel88]

انا بستهلك داخل البلد فى 100 كيلو حوالى 13 لتر

[bishoy02010]

انا بستهلك داخل البلد فى 100 كيلو حوالى 13 لتر

كتير قوى قوى قوى ليه !!! يعنى ال 20 لتر يمشوك 153 كيلو بس !!!!

إحنا كدة محتاجين حد معاه الأكسنت يقول إذا كان الإستهلاك ده طبيعى ولا لأ لأن كده كتير قوى

أخر سؤال هوة جوة البلد يعنى اول تانى ولا جوة البلد ديه المقصود بيها إيه وحضرتك من القاهرة ولا ؟؟؟

[msds_eg]

يعم انا شايف ان الناس ردت عليك رد كويس وبصراحه انت مصر عاللي في دماغك
يا تحطلها بنزين 92 يا تمشي على رجليك اوفرلك لو مش عايز تدفع

[gendi_52]

ياعم البنزين ال 80 حلو بتمنه كويس والله توفر وتبقى تغير انجكشن بعد 4 سنين شوف هتوفر كام

[ahmedadel88]

هو الانجيكشن ثمنة كام

[body_vip]

بص يا اكس لانس حرام عليك تحط 80اصل امشى على تعليمات العربيه علشان كده الموتور هيتعب اوى بسب الروسوب بتاع ال80

[zomzom11]

الموضوع باختصار حسبه بسيطه تركب طياره ولا باخره ولو ركبت تركب درجه اولى ولا تانيه ولا تالته ولا تتشعبط فى اخر القطر وانت معاك تذكره بس مش عارف توصل لدرجه اولى؟؟؟؟
بص يا سيدى تجربه شخصيه عن صديقى وهو حى يرزق ولا ارجحها هو معاه سيراتو 2006 وماشى ببنزين 80 لانه مفلس مفلس وبيقول ان الفرق فى الفلوس التموين مش فارق معاه ان كفاءة الساره لو قلت شويه معاه وانا لا ارجح هذا التصرف
انت صارف 80 الف جنيه ليه عشان تجيب عربيه تريحك وتحسب البنزين الهيونداى كله استهلاكه حلو فى البنزين
التوفير الى انت طالبه ده حاجه بسيطه جدا وتحققه سهل اوى
اولا لازم تكشف على عربيتك لان ممكن يكون فى مشكله فى الرشاشات او شوف سبب لااستهلاك ايه وده لازم يكون فى التوكيل
بعد الكشف ةالتاكد من الاستهلاك التوفير ممكن له طرق كتيره اوى سواء فى القياده او تغيير الفلاتر والعنايه بالسياره والاشياء دى مذكوره بالتفصيل هنا زملائنا هنا قتلو الموضوع ده بحثا وتقدر تستفاد منهم
نصيحه حرام تبعت تجيب 5 كيلو جمبرى جامبو من مطعم 5 ستارز وتروح تقليهم بزيت عربيات اسمع الكلام والا هاتبقى فعلا دفعت كتيير وضيعت الى دفعته عشان حاجه هايفه
ربنا يوفقنا ويوفق الجميع معاك

[Elsayed]

يا جماعه هو فعلا لو استخدم بنزين 80 هايوفر النصف تقريبا.
مصنعى السيارات بتوصى بالبنزين المستخدم لكى يعطى الموتور اكبر كفاءه واكبر قدره يعنى الهورس باور المكتوب مش هايتحقق من غير اتباع التعليمات.
انا اعلم انه لو مش فارق معاه الشد او السحب للعربيه مع انه مش هايفرق جامد ممكن 80 بس هو هايأثر على الرشاشات ممكن تتسد ويضطر الى فكها وتنظيفها او استبدالها وده طبعا على المدى البعيد.
اما الغاز فهو حامى على العربيه اى انه بيحرق الموتور بسرعه وبعد فتره مش كبيره ممكن تركب طقم شنبر للموتور مع العلم ان الزيت المستخدم للغاز هو زيت مخصوص وغالى.
هذا والله اعلم

[ahmedadel88]

عايز كل واحد يقول تجاربة مع بنزين 80 فى سيارة حديثة

[nonaal2000]

باشا انت ممكن تحولها غاز بالقسط واقفسطها بسيطه والله الموفق

[gbeshay]

يا جماعه فيه ناس اتكلمت صح جداً و عن تجربه شخصيه انا بسافر بنيسويف كل اسبوعين تقريباً من القاهره من طريق الكريمات لو عرفينه الي عمله الجيش الطريق فعلا حرير و فاضي خالص السرعه فيه 120 انا لما بمشي فيه علي 150-160 ك/س بعمل صفيخه في المشور الي هو 130 كيلو
اخر مره كان معايا واحد قريبي معاه فيات 128 و هو بيحب يمشي هادي قلت اجرب وامشي وراه ومشيت علي 90-100 ك/س بجد فرق معايه نص الاستهلاك بالظبط انا كنت بقول ان فيه حاجه في العربيه لما كانت بتسحب صفيحه كامله في المشور بس اتاكدت لما مشيت هادي ان الموضوع مختلف لو هتمشي ساريع الاستهلاك بيزيد الضعف بالظبط وده عن تجربه بجد
بس موضوع بنزين 80 ده حرام بجد تبهدل العرابيه و نفسك وممكن تقف بيك علشان الانجكشن باظ بجد حرام
النيو اكسنت استهلاكها حلو جداً مع السرعات القليله ممكن تنسي انت مونت امتي اصلاً
لاكن مع السرعات العاليه عايزلك بنزينه معاك في الشنطه بجد .

[MNBahr]

يا جماعه فيه ناس اتكلمت صح جداً و عن تجربه شخصيه انا بسافر بنيسويف كل اسبوعين تقريباً من القاهره من طريق الكريمات لو عرفينه الي عمله الجيش الطريق فعلا حرير و فاضي خالص السرعه فيه 120 انا لما بمشي فيه علي 150-160 ك/س بعمل صفيخه في المشور الي هو 130 كيلو
اخر مره كان معايا واحد قريبي معاه فيات 128 و هو بيحب يمشي هادي قلت اجرب وامشي وراه ومشيت علي 90-100 ك/س بجد فرق معايه نص الاستهلاك بالظبط انا كنت بقول ان فيه حاجه في العربيه لما كانت بتسحب صفيحه كامله في المشور بس اتاكدت لما مشيت هادي ان الموضوع مختلف لو هتمشي ساريع الاستهلاك بيزيد الضعف بالظبط وده عن تجربه بجد
بس موضوع بنزين 80 ده حرام بجد تبهدل العرابيه و نفسك وممكن تقف بيك علشان الانجكشن باظ بجد حرام
النيو اكسنت استهلاكها حلو جداً مع السرعات القليله ممكن تنسي انت مونت امتي اصلاً :oc_sun1[1]:
لاكن مع السرعات العاليه عايزلك بنزينه معاك في الشنطه بجد .

أنا بالي فترة مثبت عالحوار 90~100 ده عملة معايا من ساعة مفولت 491 كيلو..مع العلم إنها تحت النص بشرطة وال تنك 45 لتر

[human]

طب لو عملت خليط من بنزين 80 وبنزين 92 يكون كويس
او يكون احسن لو حولت السيارة لغاز

بيع العربيه و اشترى لانوس و حطلها بنزين 80

[Diaby]

والله انا شايف العيب ولا منك ولا من العربية العيب من الحكومة اللى غلت البنزين منهم لله بتحاول تستغلنا لاقصى درجة معقولة البنزين يغلى من 110 الى 175 حرام عليهم والله من قلة البترول فى البلد يعنى ولا ايه المفروض نعمل وقفة لان لما غلوه محدش اكلم ده اذا كان ايام السادات لما غلى السكر كام قرش الناس عملت مظاهرات وبوظت وحرقت راح مرجعه تانى فعلا عمار يا مصر

[maka]

هو الموتور اللى فى الاكسنت نفس موتور الماتريكس