بفكر أركب جنوط للماتريكس

[alybaba]

السلام عليكم...
أنا معايا ماتريكس 2008 أوتوماتيك
بفكر أركبلها جنوط ... أرجو الافادة فيما يلى:

1. هل الفكرة كويسة يا ريت لو حد جرب فى نفس الموديل يقوللى
2. ايه المقاس و النوع المناسب لو الفكرة تمام
3. للى فى الاسكندرية مين أحسن واحد أركب من عنده جنوط للماتريكس

و شكرا مقدما

[ahmedyehia515]

انا متهيألى انك قصدك جنوط سبور.

لو ده فعلاً قصدك، أنا شايف ان الجنوط هى اكتر حاجة بترسم العربية بس تكون مختار شكل يلائم العربية. بخصوص المقاس، أضمن حاجة انك تركب نفس مقاس الكاوتش الفابريقة بتاع الماتركس. بس طبعاً دكاترة الهيونداى حيقدروا يفيدوك اكتر. بس لازم ترفع الصور اول ما تركبهم على خير ان شاء الله

[alybaba]

شكرا على الرد يا أحمد بيه
فعلا أنا قصدى جنوط سبور
و نفسى أعرف هل حتأثر على اتزان السياره و لا حتبقى أحسن

[ahmedyehia515]

بوجه عام كل الناس بتقول ان الجنوط السبور بتحسن الاتزان و انا فى الفابيا حسيت فعلاً ان التزان زاد حاجة بسيطة بعد السبور ، بس فى ناس كتيرة كانت بتقول ركب جنوط أكبر عشان الاتزان يزيد بس بصراحة انا مش مقتنع بالموضوع ده خالص ، فى حوار الجنوط و الكاوتشات ، صانع العربية اكيد عارف اكتر منى فبمشى وراه.

اتكل على الله بس دور على حاجة نضيفة و فى حاجة انا لسه واخد بالى منها من كام يوم، فى حاجة بتركب بين الجنوط و الطنبورة اسمها الرينجات ( مجرد حلقات من المعدن ) لو الرنجات ده مش موجودة حتلاقى الدركسيون بيترعش على السرعات الكبيرة من 120 و انت طالع بس رعشة بسيطة اوى و دلوقتى انا الرنجات بتاعتى اتسرقوا و بدور على جداد فإنت من الاول خلى بالك منهم.

بس بوجه عام، انك تنقل من جنوط عادية لجنوط سبور بيحسن اداء الفرامل عشان التهوية بتكون أحسن ، بيزود ثبات العربية و بيدى العربية شكل أحسن و من الحاجات اللى بترفع سعر العربية لو نويت تبيعها.

[alybaba]

جزاك الله خيرا
مستنى بس حد اسكندرانى يقوللى عن مكان واحد مميز أجيب منه