اخوكم طالب مساعده .....

[kaboot]

السلام عليكم يا شباب معاكم اخوكم المهندس محمد

انا والله سعيد بتواجدي هنا لاني بقالي فتره بقراء كلامكم وتفاعل الناس

وطرح المشكلات والحلول والمميزات وغيره ربنا يجيزكم خير

انا والله مقبل على شراء عربيه ان شاء الله انا ووالدي وطبعا مش هخبي عليكم

خايفين من الجديد لان تجربتي كلها كانت مع البيجو 504 ( وحش الطريق )

انا قعدت ادور كتير واسال وكده وبقول ان الالنترا 2010 كويسه

انا بس محتاجكم توضحولي كام نقطه جزاكم الله خير .......

1. المنيوال الفل اوبشن بكام ؟

2.اجبها منين ؟

3.انا كنت شوفت التسجيل زي تطش كده وبيدي لون ارزق
امبارح شوفت واحده 2010 بس مفهاش دي كلها بكر
هل دي الجديد ولا نوع ونوع؟

4.في ناس بتقول هاتها خليجي. انا مش فاهم يعني ايه خليجي
وهل هتفرق عن المصري كتير ؟في السعر ووالمواصفات؟

5.ايه هيه امكانيات العربيه الفول اوبشن منويل اللي هيه انا عايزها؟


بس حزاكم الله خير ولو فيها عيب حد يقولي لاني هدفع شقى عمري

وطبعا مبلغ مش بسيط فجزاكم الله خير تدولني على الخير والصواب

وجزاكم الله خير اخوكم محمد .....

[just_magdy1]

اولا اهلا بحضرتك
اعتقد ان اختيارك للالنترا اختيار موفق ان شاء الله وهاقول لحضرتك السبب ...انا مدمن تغيير عربيات وامتلكت او سقت عربيات كتيره جدا منها ابتداء من الفيورا و ال 128 والمازدا والكيا السيفيا والريو واللانوس والاوبترا واخيرا الالنترا دى العربيات اللى امتلكتها اما العربيات اللى سوقتها كتير برضه الاكسنت اللانسر السيراتو والكورولا وده رايى :
بداية صعب انك تلاقى كل اللى انت عايزة فى عربية واحدة بمعنى كل العربيات دايما ناقصها حاجة وخصوصا لما نتكلم لغاية حدود ال 100000 جم او يمكن اكتر
ثانيا رايى فى كل العربيات اللى ذكرتها ان اعلاهم التويوتا الكورولا وراييى كمان ان اقرب عربية فى الاداء فى كل العربيات اللى ذكرتها هى الالنترا
واعتقد ان اختيارك للخليجى هايكون افضل لانه هايديك اوبشنز اكتر وربما يكون كلام بعض الزملا صحيح وهو ان الدهان والتكييف بتاع الخليجى اقوى (حقيقى مش متاكد من النقطة دى)
اما عن الاوبشنز الزياده هايكون مثلا التحكم فى ارتفاع كرسى السائق .. نور الستوب الخلفى ..ايرباج للسائق .. مخدع امامى .
اما عن سعر المانيوال النهارده اعتقد هايكون فى حدود 89 او 90 الف ... وفقك الله

[romeo_6887]

1. المنيوال الفل اوبشن بكام ؟ ب 89900 جنيه و اللي بفتحه سقف ب 92900 جنيه

2.اجبها منين ؟ من التوكيل

3.انا كنت شوفت التسجيل زي تطش كده وبيدي لون ارزق
امبارح شوفت واحده 2010 بس مفهاش دي كلها بكر
هل دي الجديد ولا نوع ونوع؟ اسال في التوكيل

4.في ناس بتقول هاتها خليجي. انا مش فاهم يعني ايه خليجي
وهل هتفرق عن المصري كتير ؟في السعر ووالمواصفات؟
الخليجي ملهاش ضمان هنا في مصر و متفرقش عن الوكيل الا في الاوبشنز فقط
5.ايه هيه امكانيات العربيه الفول اوبشن منويل اللي هيه انا عايزها؟

و يا رب اكون قدرت اساعد حضرتك

[kaboot]

جزاكم الله خير يا شباب بجد

بس ليه سؤال برضه

بتاع زراير التكييف

وكمان لو جبت خليكي مش هقدر اروح الضمان

واعمل صيانه ولا ايه مش فاهم النقطه دي جزاكم الله خير

[romeo_6887]

الخليجي ملوش ضمان
يعني هتعمل الصيانه في مراكز الخدمه المعتمده
مش في التوكيل