لسه طازه

[ramy_fiat_2000]

عربيتى اتخبتط النهارده الصبح وانا رايح الشغل ومعايا مراتى وبنتى وبصراحه عملت حاجه لحد دلوقتى مش قادر افهم عملتها ازاى تفاصيل الحادثه
كنت ماشى فى امانه الله وبتكلم مع مراتى والشارع كان زحمه ومفيش فيه مكان يعدى منه خورم عجلة حتى لاقيت 3 شباب وياعينى على الشباب رمى عليا من ناحيه الشمال بدون سابق انذار راح خبطلى العربيه من الشمال ادام اتاريه بيجرى مع عربيه تانيه تهريج على الصبح بنتى دماغها اتخبطت فى الباب هيه و مراتى المهم لاقتهم جيريوا بالعربيه طلعت وارهم وهرملت ادامهم مره واحده ومعرف ايه اللى خلانى اعمل كده لانى بعد ما وقفت عربتهم خبطت تانى فيا من الخلف وفى كمان 4 او 5 عربيات خبطوا بس فيهم هما ومشيت

[د.محمود صلاح]

تصرف فطرى أكيد ,, ولا حول ولا قوة الا بالله ,, الشباب دول دماغهم فيها ايه بس ,, وليه الإستهبال ده

[kar!m]

قدر الله و ما شاء فعل

من فترة بسيطة واحد صاحبى بردة عربيتة اتخبطت وهو واقفو كمان عامل 4000 كيلو و عربيتة هوندا سيفيك vti فبقول له ربنا يعوض عليك و الكلام ده فقال لى يا عم ده أنا كنت مسافر اسكندرية بكرة أنا و زوجتى و بنتى فالحمد لله انها اتخبطت كدة مش حادثة جامدة و الحمد لله ان كلنا كويسين.

محدش يعرف الخير فين و الرضا بقضاء الله ده نعمة كبيرة

[abou-yahia]

حمدلله علي سلامتك بس انا شايف ان تصرف حضرتك موش صح خصوصا انه ترتب عليه اذا ناس تانيه وكان اولي انك تعمل با الايه الكريمه { فَمَنْ عَفَا وَأَصْلَحَ فَأَجْرُهُ عَلَى اللَّهِ } ,ورنا يسلمك سكتك ويحفظ لك اسرتك يارب

[batoot556]

قدر الله و ما شاء فعل متزعلش يا باشا اهم حاجة انت والاسرة

[romeo_6887]

1000 سلامه علي حضرتك و علي الاسره
و يا رب تكونوا بخير دايما و ربنا يهدي الجميع

[hesham22822]

الحمد لله على كدة بسيطة ان شاء الله وحمدا لله على سلامتك انت و الاسرة

[ابو فرح]

قدر الله و ما شاء فعل متزعلش يا باشا اهم حاجة انت والاسرة

[mshmshm3]

بص هاقولك نصيحة في المواقف اللي زى دي فكر الاول بس وفكر بهدوء ولما تلاقي واحد بيتنطط حاول تبعد عنه بقدر الامكان عشان هو مش مش فارقة معاه العربية لا ده مش فارق معاه عمره وبس حمدلله هلى سلامة حضرتك والاسرة

[sniperfox]

البلد دى مش عوزه المحترم واحسن عربيات ممكن تركبها وتريح دماغك من البشريه دى الجيب او الدبل كابينه الدودج سعتها هو الى حيبعد عنك

[Ahmed.TV]

اولا حمد لله على السلامة انت والاسرة
وقدر الله ماشاء فعل , وفعلا فى ناس على الطريق ولاد حرام , ومنهم لله بجد , شباب دمغهم تعبانة وفاضية , ربنا يسترها معاك دايما

[Diaby]

حمدلله علي سلامتك بس انا شايف ان تصرف حضرتك موش صح خصوصا انه ترتب عليه اذا ناس تانيه وكان اولي انك تعمل با الايه الكريمه { فَمَنْ عَفَا وَأَصْلَحَ فَأَجْرُهُ عَلَى اللَّهِ } ,ورنا يسلمك سكتك ويحفظ لك اسرتك يارب

انا مش مع حضرتك كان المفروض ما دام وقف كان ينزل يهزئهم

[ramy_fiat_2000]

الف شكر يا جماعه والحمد لله
على فكره الناس اللى زى الشباب دول يستاهلوا وبصراحه بعد ما هديت من الحادثة وفكرت فيها لاقيت انى مش ندمان على اللى حصل لان بنتى دماغها ورمت مكان ما اتخبطت .

[Ahmed Sharaf]

حمداً لله على سلامة حضرتك والأسرة.
حضرتك طالما جريت وراة كنت هديت واتصرفت معاة لان الناس التانية اللي اتخبطت ملهاش ذنب, انا طبعاً عارف ومقدر الموقف

[ramy_fiat_2000]

حمداً لله على سلامة حضرتك والأسرة.
حضرتك طالما جريت وراة كنت هديت واتصرفت معاة لان الناس التانية اللي اتخبطت ملهاش ذنب, انا طبعاً عارف ومقدر الموقف

معاك بس الناس اللى من النوع ده بيجرى فى المواقف اللى زى ديه جرى خوف يعنى مش بيعرف يتصرف يعنى لو كنت هديت وحاولت اثبته بهدوء كان هيلبس تانى او كان هيحصل حادثة تانيه