خدمة بسيطة لفيرناووى قريبا

[Mamado2000]

ازيكم يا جماعة انا ان شاء الله هشترى عربية فيرنا قريب جدا ان شاء الله وده طبعا بعد حيرة واختيارات كتيير

كنت عايز استفسر عن موضوع الثبات وازاى يمكن حل الموضوع ده ؟؟ علما بانى شاب والعربية ممكن اسافر بيها مرة او تلاتة فى السنة مثلا ... وكماان فيه ناس مخوفانى من انى اشترى معرض عشان بيكونوا مستعملين العربيات قبل كدا ونصحونى بانى اشترى من التوكيل مباشرة ؟ عايز اعرف الكلام ده صح ولا لأ

علما بانى هشترى قسط باذن الله وهادفع 20 الف مقدم ان شاء الله
معلش بقى هطول عليكوا بس بجد اكيد مشاركتكوا هتفيدنى كتير
انا بامكانى ادفع 750 جنيه شهريا ؟؟ هل المبلغ ده يكفى طلباتهم بالنسبة للقسط ولا هيرفضوا ؟ ولو هيكفى هيكون لمده كام شهر ؟؟
معلش بقى طولت عليكم ومكونش عملتلكوا صداع

[romeo_6887]

بالنسبه لموضوع الثبات
بالجنط و الكاوتش الفبريكه اخرك 100
اما بجنط 14 او 15 بالكتير علي كاوتش عريض
بس هيبقي اخرك علي 140 بس كده العربيه هتعوم
و الكلام ده عن تجربه

بالنسبه لمكان الشراء
اشتري من التوكيل افضل
او من معرض محترم
زي اوتو سمير ريان
او جابر عبد الشهيد

بالنسبه لموضوع القسط
عشان اعرف احكم
قولي هل انت
شغال شغل حكومي
و لا معاك وديعه في البنك
و لا ليك سجل تجاري
و لا هتقسط بالبطاقه ؟

[Mamado2000]

اولا انا متشكر جدا لاهتمام حضرتك
ثانيا : الشغل حكوومى وانا كنت كلمت مدير معرض اسمه ستوب الفرع بتاع مدينة نصر

وقاللى ان التقسيط لازم يكون 30 % طالما شغل حكوومى

والقسط بتاعه هيسحبه من المرتب
( لانه بينزل على حساب البنك علطول )

ده كان كل اللى قالوا .. طبعا عايز اعرف رأى واقتراح حضرتك

وانا متأسف بجد بس مفيش حد اثق فى رأيه غير حضارتكوا صراحة يعنى