صيانة ال 5000 للنيو اكسنت بتاعتي

[R A N A]

ياجماعة انا دلوقتي عديت 5000 كيلو بالعربية والمفروض اروح اعمل الصيانة
ممكن اعرف الصيانة دي بتتعمل فيها ايه ؟
وبتتكلف كام ؟
وهل افضل اعملها في قليوب ولا ابو رواش؟
انا المرة اللي فاتت جربتها في قليوب وكانوا معقولين بس جهاز ظبط الزوايا كان بايظ كالعادة فالعربية عندي فيها حدفة بسيطة المفروض اروح اظبط زوايا بره وامري لله.

مستنية ردودكم وميرسي مقدما للي يقدر يساعدني بأي معلومة.

[sss2000]

اظبط زوايا برة مش لازم التوكيل وبعدين قليوب زحمة اقل ومش محتاج تاخد ميعاد بس روح بدري

[dr_walid]

الف مبروك
اول 5000 كيلو
عقبال ال 100000 ان شاء اللة
ياريت تقولنا تقيمك للسيارة بعد ال 5000 هل فى مشاكل ولا لآ
وصوت الموتور عالى بردة و لا مع الاستخدام قل شوية
و بالنسبة للصيانة ابو رواش او قليوب الاثنين كويسين شوفى الاقرب اية و رحيلة
و الف ممبروك مرة اخرة:10D5C8~1107:
والسلام عليكم

[MNBahr]

متابع .....

[R A N A]

اظبط زوايا برة مش لازم التوكيل وبعدين قليوب زحمة اقل ومش محتاج تاخد ميعاد بس روح بدري

مانا فعلا هاظبط زوايا بره احتمال اروح بريدجيستون يظبطوها.

الف مبروك
اول 5000 كيلو
عقبال ال 100000 ان شاء اللة
ياريت تقولنا تقيمك للسيارة بعد ال 5000 هل فى مشاكل ولا لآ
وصوت الموتور عالى بردة و لا مع الاستخدام قل شوية
و بالنسبة للصيانة ابو رواش او قليوب الاثنين كويسين شوفى الاقرب اية و رحيلة
و الف ممبروك مرة اخرة:10d5c8~1107:
والسلام عليكم

الله يبارك فيك ميرسي يافندم
بالنسبة للعربية هي كويسة صوت الموتور عموما عالي بعد 3.5 rpm بس انا اخدتها كدة جربتها في سفرية فالموتور فتح شوية وادائها اتحسن ومبقاش صوتها عالي زي الاول.
انا هاشوف بقي جربت قليوب المرة اللي فاتت يمكن المرة دي اجرب ابو رواش وخلاص
ميرسي لحضرتك مرة تانية

متابع .....

انا كمان متابعة
يمكن حد يفيدني في ايه اللي هايتعمل في الصيانة دي وبكام؟

[د.محمود صلاح]

حضرتك بسرعة كدة عملتي 5000 آلاف ؟

التكلفة حسب كتالوج الصيانة واللى هيتغير فيها ووجود تغيير للزيت وخلافة ,,

[ramyar]

السلام عليكم اخوكم دخيل عليكم من قسم بروتون بس حبيت اساعد صيانه ال 5000 بيتم فيها الاتي

فلتر/زيت/ضبط محرك
مراجعة مستويات الفرامل
مراجعة أنوار
تربيط عفشة
تنظيف فلتر هواء بي النسبه للاسعار في حدود 300 جنيه لاكن مش متاكد كمان لو في حاجه بتشتكي منها بتقوليلهم عليها ارجو اني اكون قدرت افيد

[R A N A]

حضرتك بسرعة كدة عملتي 5000 آلاف ؟

التكلفة حسب كتالوج الصيانة واللى هيتغير فيها ووجود تغيير للزيت وخلافة ,,

اه اصلي سافرتلي سفرية كدة عملت فيها ييجي 600 كيلو لوحدها
وكمان مشوار الشغل كل يوم نقول 25 كيلو (رايح جاي) مثلا *5 ايام في الاسبوع ده غير المشاوير والخروج يعني اعتقد ان ده معدل طبيعي ده في ناس بتقول عني اني مبمشيش بالعربية عشان المعدل ده قليل بالنسبة ليهم

السلام عليكم اخوكم دخيل عليكم من قسم بروتون بس حبيت اساعد صيانه ال 5000 بيتم فيها الاتي

فلتر/زيت/ضبط محرك
مراجعة مستويات الفرامل
مراجعة أنوار
تربيط عفشة
تنظيف فلتر هواء بي النسبه للاسعار في حدود 300 جنيه لاكن مش متاكد كمان لو في حاجه بتشتكي منها بتقوليلهم عليها ارجو اني اكون قدرت افيد

اولا ميرسي جدا لاهتمام حضرتك بالرد علي موضوعي واهلا بحضرتك وبقسم بروتون كلهم منورين قسم هيونداي يافندم
بس انا غيرت زيت وفلتر في صيانة الألف وحطيت زيت 10 الاف يعني مش هاحتاج اغير زيت المرة دي.
عموما هاروح اشوف كدة واقولكوا
بس لو حد عملها قريب برده يقولي حصل ايه ودفع كام برده

[ramyar]

يبقي الصيانه هتكون مش اكتر من اتشك ولو في حاجه بتشتكي منها قوليلهم واخيرا ربنا يكفيكي شر العين

[osama0512]

ممكن تحجزى فى ابو رواش قبلها باسبوع و تروحى الصبح بدرى قبل 9 كده .. انا لسه عامل صيانه الالف هناك .. و الموضوع خد ساعتين

و بالتوفيق ان شاء الله

[hazemfigo]

لو حضرتك قريبهمن الزمالك فى مركز معتمد من غبور اسمه حورس خلف بنزينة مصر للبترول اللى فى شارع 26 يوليو وان عملت به صيانة ال5 الاف للنيو اكسنت بتاعتى علشان صيانة ال 5 بسيطه ومش محتاجه تروحى ابورواش وتضيعى اليوم كله وخصوصا انتى مش تغيرى زيت زى حالاتى وتكلفة الصيانة بالضريبة كان 143 جنيه وهما فاتحين من 11 حتى 11 مساء

[hossamelsaqqa]

تماااااااااااااااااااااااااااااااااااام