عيب فى الألنترا

[samihanwar]

أزيكم يا رجاله!؟
انا معايا ألنترا 2007 الزجاج الخلفى يمين مش عايز لا يترفع ولا ينزل يعنى مش شغال خالص
والمشكله انو نازل ومش عايز يشتغل خالص مش عارف أعمل ايه
أرجو الأفاده وجزاكم الله كل خير

[Diaby]

حضرتك مكبر الموضوع انا لقيت الموضوع عيب فى الالنترا قلت فى حاجة حضرتك اى كهربائى قاعد على الرصيف حيعملهولك

[NoRmAl]

حضرتك مكبر الموضوع انا لقيت الموضوع عيب فى الالنترا قلت فى حاجة حضرتك اى كهربائى قاعد على الرصيف حيعملهولك

هو يقصد أن عنده عيب فى الالنترا
مشكله يعنى عنده :)
أنت الى أتخضيت :)))

[Diaby]

هو يقصد أن عنده عيب فى الالنترا
مشكله يعنى عنده :)
أنت الى أتخضيت :)))

فى فرق بين عيب ومشكلة عيب يعنى حاجة عامة فى كل الالنترا وحاجة كبيرة لكن مشكلة حاجة بسيطة وتتحل

[alivara]

انا برضه اتخضيت اوي و قولت عيب ايه يا جدعان
ياريت حضرتك بعد كده تقول مشكلة هههههه

[dr_abooody]

عادي جداا انت تروح التوكيل و هما يقوموا بالواجب طالما في الضمان

[AMRGTI]

عادي جداا انت تروح التوكيل و هما يقوموا بالواجب طالما في الضمان

مع احترامى لكلامك بس الموضوع مش محتاج توكيل ولا حاجه انتا ممكن تجيب علبه اسبرى w d من اى محل كماليات وتفك مفتاح الزجاج اللى مش شغال وترش منه شويه وتسيبه 5 دقايق وبعد كده ركبه تانى والموضوع ده عن تجربه

[Diaby]

دكتورabooody انا اول مرة اخد بالى من توقبعك الدريكسيون عندك من اليمين وملاحظ ان الصورة فى مصر ازاى حضرتك جيبها من بره

[د.محمود صلاح]

مشكلة فى مكنة االزجاج تحتاج كهربائي

[Ahmed Sharaf]

فى فرق بين عيب ومشكلة عيب يعنى حاجة عامة فى كل الالنترا وحاجة كبيرة لكن مشكلة حاجة بسيطة وتتحل

متفق مع حضرتك تماماً , عنوان الموضوع لا يدل على محتواة.
صاحب الموضوع :
لو عربية حضرتك في الضمان روح التوكيل أو زى ما الاستاذ amrgti قال ممكن تجرب اسبراي التنظيف.

[super3_11]

يا استاذ med انا بردو لاحظت موضوع التوقيع بس لو حضرتك خد بالك من النمرة او العربيات الى حوليها حتلاقى الصورة نفسها مقلوبة

[Diaby]

يا استاذ med انا بردو لاحظت موضوع التوقيع بس لو حضرتك خد بالك من النمرة او العربيات الى حوليها حتلاقى الصورة نفسها مقلوبة

فعلا حضرتك عندك حق النمرة مقلوبة

[seanmichaels]

أنا برضو إتخضيت

[Ahmed Sharaf]

أزيكم يا رجاله!؟
انا معايا ألنترا 2007 الزجاج الخلفى يمين مش عايز لا يترفع ولا ينزل يعنى مش شغال خالص
والمشكله انو نازل ومش عايز يشتغل خالص مش عارف أعمل ايه
أرجو الأفاده وجزاكم الله كل خير

للإفادة الجماعية , يا ريت حضرتك تقول عملت اية ولقيت العيب فين؟

[samihanwar]

Thaxxx

معلش يارجاله النعبير خانى
على العموم ولا اسبراى ولا حاجه
طلع الفيوز ضارب