ما مدى تأثير البنزين الـ 80 على الهيونداى ـ اكسل ؟

[aam113]

منذ عدة اشهر وانا اضع بنزين 80 طبعا فى صوت تسقيف شوية والسحب قل شوية بس الفرق فى ده عادى بالنسبة لى ، السؤال هنا ما هو التسقيف وما مدى تأثيره على المدى الطويل ؟ ، وهل فى حاجة اعملها او اجيبها مع البنزين الـ 80 للتخفيف من اثاره ؟
خصوصا اننى حسبت الموضوع من ناحية اخرى وهو اننى استهلك فى المتوسط 150 لتر شهريا وبالتالى فإن الوفر السنوى حوالى 1800 جنيه ، كما ان الموتور خفيف شوية وكدة كدة الواحد مضطر بعد فترة انه يعمل عمرة ، وكمان انا عايز اسأل هى العمرة المفروض بتتعمل كل اد ايه فى الظروف العادية مع المحافظة المستمرة على السيارة من بنزين وزيت جيدين و خلافه ؟

[romeo_6887]

تاثير التسقيف
التسقيف بيبوظ عمود الكامه علي ما اعتقد
او عمود الكرنك انا مش فاكر

موضوع العمره
طول ما المكنه كويسه يبقي ملوش لازمه عمل عمره
العمره بتتعمل لما بتحصل مشكله كبيره في المحرك

[helo1]

انا معايا اكسنت 2006 وبعمل النظام ده فى البنزين اولا ملأ تنك البنزين على الاخر بنزين 90 ثم كل ما العداد بينزل حواى 10 أو 15 لتر اكمل بنزين 80 ثم بعد فترة اكرر نفس العملية والحمد لله العربية كويسة يعنى مفيش مشاكل ان شاء الله وعلى فكرة ممكن كل كام مرة تزود 92 .. بكده بيكون التوفير معقول فى ايامنا الا ما يعلمها الا ربنا .. جرب وشوف :b4_388::b4_388:

[aymankader]

الاول كنت بحط 80 بس لقيت تسقيف
الان انا بستنى 3/4 التانك يبقى فاضى: بحط ب 15 جنية 92 يعنى حوالى 8 لتر و باكمل التفويلة ب 80 بيعمل بتاع 15 جنية برضة يعنى حوالى 15 لتر
كدة النسبة 2:1
كدة مابالاقيش تسقيف و العربية تمام
1. الميكانيكى يقولى الخلط دة وحش لازم تثبت على 90 مثلا
2. واحد قالى هجص خلط زى ما انت عايز ودة كلا م دكتور فى كلية الهندسة و الله أعلم

و الوفر بتاعك يعمل قيمة موتور فى السنة يعنى لو غيرت الموتور كل سنتين انت الكسبان برضة

و المهندسين هنا ممكن يقولوا لنا الكلام دة صح ولا غلط

[ppeto]

يا جماعة انا معايا اكسيل 98 1500 مانيول
المهم انا بحط بنزين 80 من 12/11/2008
والعربية معايا زى الفل ومحصلش فيها الهوا
هيا بتسقف شوية اة وتحس ان العربية تقيلة شوية بس مش مشكة
مافيش بس من شهر كدة غيرت فلتر النزين وشكرآ من سعتها
المهم كونت عايز اجيب فتيس اتوماتيك محدش عندة خلفية عنة؟