بعد يومين باذن الله ساستلم النترا جي ال

[katz]

اعرائي الالنتراوية

اهلا بكم

معلش انا عارف الموضوع مكرر بس انا هأقول معلوماتي و لو فيه حاجة ناقصة نبهوني:

المفروض استلم التالي مع السيارة:

عدد 2 مفتاح و واحد انذار

شنطة عدة و الكوريك

الكتالوج

و ان شاء الله اشيك علي الصاج و الخدوش و البارومة (حصلت)

و الاضواء كلها و الكاسيت و المساحات

فيه حاجة مهمة ناقصة اخد بالي منها

[romeo_6887]

احب ان اكون اول واحد يهني حضرتك
و 100000000 مبروووووووووووووووووك
و ان شاء الله تكون قدم السعد عليك

[dr_abooody]

السلام عليكم
الف مبروك مقدما
انت هيكون معاك عدد 2 نسخة مفتاح و 2 ريموت مش واحد
و ما تنساش وصلة الكاسيت سيلك usb و الولاعة
و خد منهم كتاب الضمان و الكاتالوج و العدة هتلاقيها في مكانها في الشنطة

و شوف بردة الصاج و البوية عشان انا كان عليهم شمع و للاسف ما شوفتش عشان كان بالليل
ولسة موجود لحد دلوقتي بس معايا محضر بكدا

الافضل انك تستلم بالنهار

و الف مبروك مرة تانية

[mohamedhamam]

ألف مبروك ربنا يتمم على خير و ربنا يديك خيرها و يكفيك شرها

[mado85]

معلش استاذنك يا dr_abooody , انا كمان عربيتي كان عليها شمع و مش عايز يطلع يعني اية معايا محضر بكدة .... ارجو الافادة

[katz]

شكرا يا جماعة على مشاعركم الجميلة

بس يعنى هو الشمع مش ممكن يتغسل فى المشحمة ؟ و لا حتى بالصابون السائل

[dr_abooody]

معلش استاذنك يا dr_abooody , انا كمان عربيتي كان عليها شمع و مش عايز يطلع يعني اية معايا محضر بكدة .... ارجو الافادة

السلام عليكم

انا بعد ما استلمت العربية لقيت الصبح انة عليها حاجات كدا زي ما يكون مدلوق عليها حاجة و مش بتتطلع خالص مخلية البوية مجيرة و مسيلة كدا بالطول على الاجزاء اللي ما كنش عليها كيس

انا قولت دة حاجة كدا عيب صناعة روحت رجعتلهم راح عملي محضر استلام كتب فية الكلام دة

و روحتلهم هناك في التوكيل كنت بعمل صيانة بعدماخلصت طلعت على المركز بتاع الدوكو كل دة في ابوغالي المهم قابلني واحد ابن حلال قالي انت تجيلي في يوم فاضي اعملهالك و دة بسيطة شوية كومباوند و بولش و تنر و نلمعها

بس انا الصراحة مش فاضي خالص و قولت ان الصمغ مش باين و ماروحتش بس ان شاء الله هروح في اقرب فرصة

على فكرة دة ممكن تتعمل في بنزينة

[KSA2011]

معلش استاذنك يا dr_abooody , انا كمان عربيتي كان عليها شمع و مش عايز يطلع يعني اية معايا محضر بكدة .... ارجو الافادة

انا يا باشا العربيه كلها كان عليها شمع ومالوش حل غير الكومباوند و تلميع العربيه وده تكلفته 500 جنيه بس المهندس كان قدره ب 150 وزعقت معاهم ودفعت 250
شيك على موضوع الشمع ده واوعى تستلم العربيه لو فيها اى شمع اوعى تعمل زيى
شيك على التكييف
وحياة اغلى حاجه عندك برضه ما تستلمش الا لما تشيك على رقم الشاسيه والموتور عشان لو فيه غلطه هتلف حوالين نفسك
حصلت معايا رقم منقول فى الجمارك غلط رقم الموتور 4 اتنقلت 9
شيك على النور واسمع الموتور بتاع العربيه برضه
وربنا يكرمك و يباركلك ومبروك مقدما

[KSA2011]

السلام عليكم

انا بعد ما استلمت العربية لقيت الصبح انة عليها حاجات كدا زي ما يكون مدلوق عليها حاجة و مش بتتطلع خالص مخلية البوية مجيرة و مسيلة كدا بالطول على الاجزاء اللي ما كنش عليها كيس

انا قولت دة حاجة كدا عيب صناعة روحت رجعتلهم راح عملي محضر استلام كتب فية الكلام دة

و روحتلهم هناك في التوكيل كنت بعمل صيانة بعدماخلصت طلعت على المركز بتاع الدوكو كل دة في ابوغالي المهم قابلني واحد ابن حلال قالي انت تجيلي في يوم فاضي اعملهالك و دة بسيطة شوية كومباوند و بولش و تنر و نلمعها

بس انا الصراحة مش فاضي خالص و قولت ان الصمغ مش باين و ماروحتش بس ان شاء الله هروح في اقرب فرصة

على فكرة دة ممكن تتعمل في بنزينة

لا يا دكتور
انا يا باشا اتضحك عليا برضه وقالولى فى بنزينه هتتعمل وبعد كده بعد ما استلمت صاحب المعرض قالى كومباوند وبوليش
وللعلم لله انه الشمع ده فيه سر بس ايه مش عارف
يا دكتور المشكله انك لو عملت حته بكوماباوند وبوليش هتبان لازم تعمل العربيه كلها

[د.محمود صلاح]

كويس انك حطيت الموضوع ده عشان تعرف ايه اللي تعمله وانت بتستلم والف مبروك على العربية