خدمة Elet .. الانقاذ السريع

[bassemf]

السلام عليكم وكل عام وانتم بخير،

حد هنا مشترك في هذة الخدمة ويقولنا اذا فعلا كويسة وايضا اية هيا عيوبها خاصة انى قرأت صباحا عن خصم 25% من ال 1000ج ..فهل تستاهل.

مع الشكر.

باسم

[bassemf]

اية ياجماعة، مافيش اى ردود لموضوع مهم زى كدة .. وفرصة علشان غبور عارض خصم 25% حتى

آخر ديسمبر فنلحق نتناقش على الخدمة اذا تستاهل تم لا.

اخوكم باسم

[Ahmed Anwer]

أنا رايح أعمل صيانة العشرتلاف يوم الأحد الجاي ،، إنشاءالله

هبقي أسأل بالتفصيل عليها ،،

و ناقشها مع بعض و اعرف هيا عبارة عن ايه و تكلفتها كام مقابل ايه ،،

معنديش أي فكرة عنها حاليا

[ammahah_ahmed]

ممكن تتصل بغبور تسالهم هيه ايه مميزاتها , بس اظن انك لازم تسال الناس عن الواقع لأن غبور بتاع كلام كبير

[Ah.Farid]

الاخوة الاعزاء
حد عرف مميزات خمة ايليت ولا لسة

[liquidator]

اللي أعرفه انك بتدفع مبلغ 1000 مدي الحياه و بيديك كارت عضويه بيتم تجديده سنويا بملغ رمزي علي حد تعبيرهم .... و يجيلك يعملك الصيانه عند البيت بنفس التكلفه ( كانت مره و نص الأول ) بتبقي عباره عن سياره ماتريكس فيها قطع الغيار و العده و بيجي معاها مهندس و فني لكن طبعا تنسي ضبط الزوايا و الترصيص و الكلام ده ...
و لو قررت تروح التوكيل بيعملك خصم 15 % علي المصنعيات و 5 % علي قطع الغيار ...
و لو حصل عطل مفاجيء ليك في نطاق القاهره الكبري تتصل بيهم يجولك يصلحولك العطل في الحال بالماتريكس اياها برده و طبعا كله بحسابه ...
في رأيي الشخصي أنا بحب أروح التوكيل لأني كل صيانه برصص و أضبط زوايا و أتكلم مع المهندسين و أسأل علي أسعار قطع الغيار و كده يعني و بعدين أنا مأمن تبع غبور و باخد خصم 20 % علي المصنعيات و 5% علي قطع الغيار ...

[Nile_Storm]

شكرا ياباشا
بس عندي ملاحظه
حاسس ان العربيه الماتركس مزعلاك شويه :)
طب حتي كويس اوي خلي الفيرنا تتألط لما تلاقي عربيه ماتركس جيالها بنفسها عشان تصلحها
تحس بمقامها شويه ههههههههههه

[liquidator]

يا سيدي و ماله لما الفرنا تتألط ... مبأش اللا هي كمان .. أصل الماتريكس بصراحه عامله زي النص النقل و تستاهل كل اللي يجرالها ... بس بيني و بينك ماعتقدش ان في حد في الدنيا دي بيحب عربيته زي ما أنا بأعشق عربيتي الماتريكس !!