اكسيل اتوماتيك

[analyzer]

السلام عليكم
عايز اعرف رئى الساده الافاضل اصحاب الخبرة فى العربيه الاكسيل الاتوماتيك
هل صادف احد مشاكل فى الفتيس الاتوماتيك بتاع العربيه دى
هل ا حد سمع عنه حاجه
كويس ولا ليه ماكل ولا ايه الاخبار
لانى بصدد شراء اكسيل 97 كامله 1500 فابريكه بالكامل
وياترى سعرها المناسب يكون كام

[elrasy]

السلام عليكم
عايز اعرف رئى الساده الافاضل اصحاب الخبرة فى العربيه الاكسيل الاتوماتيك
هل صادف احد مشاكل فى الفتيس الاتوماتيك بتاع العربيه دى
هل ا حد سمع عنه حاجه
كويس ولا ليه ماكل ولا ايه الاخبار
لانى بصدد شراء اكسيل 97 كامله 1500 فابريكه بالكامل
وياترى سعرها المناسب يكون كام

نصيحة من اخ بلاش اكسيل اتوماتيك,,,, اسأل مجرب

[analyzer]

طيب ممكن توضحلى ليه بعد اذنك

[elrasy]

طيب ممكن توضحلى ليه بعد اذنك

معلش لو كنت اتاخرت فى الرد لكن انت عارف ظروف العيد,,,
الاتوماتيك لازم يكون متصنع صح وعلشان يكون متصنع صح لازم يكون تمنة غالى,ولو بصيت للعربيات الكورى الاتوماتيك هتلاقيها مش غالية بالتالى هيكون الفتيس الاتوماتيك مش متكلف بالتالى مش معمر,,
وغير كدة انت هتجيب مستعمل فلازم تعرف حالة الفتيس وللاسف معندناش حد بيفهم كويس فى الفتيس الاتوماتيك,,,
فأنا شايف انك هتجيب حاجة ممكن اوى تتعبك , زى ما حصل معايا:(,, فعلشان كدة قلت بلاش..

وانا تحت امرك فى اى سؤال تانى

[analyzer]

شكرا جدا على اهتمامك يا ا/ احمد
بس ممكن تنصحنى بايه هى اهم الاحتياطات الواجب اتخاذها واهم حاجات اراعيها فى العربيه دى
اصل فى الحقيقه انا اشتريت العربيه امس وكل الى شافها شكر جدا فيها

[elrasy]

شكرا جدا على اهتمامك يا ا/ احمد
بس ممكن تنصحنى بايه هى اهم الاحتياطات الواجب اتخاذها واهم حاجات اراعيها فى العربيه دى
اصل فى الحقيقه انا اشتريت العربيه امس وكل الى شافها شكر جدا فيها

ادام اشترتها يبقى مبروك عليك وربنا يباركلك فيها,,
-اهم حاجة للمحافظة عليها انك دايما تخلى بالك من زيت الفتيس,, وحاول تسأل صاحبها غيرة امتى لو معرفتش توصل للمعلومة دى, غير الزيت على طول,, والاحسن تحط زيت خاص بالفتيس الاتوماتيك وبلاش تحط زيت الباور.
-اوعى تجيب مارشدير (ٌR) الا لما العربية تقف خالص.
-لما تركن شد فرامل اليد ومتعتمدش على ال (P) بس.

دة اللى انا فاكرة دلوقتى ,,, واى حاجة تانية انا فى الخدمة

[analyzer]

شكرا جدا على المعلومات الجميله دى

[elrasy]

فى حاجة مهمة لما تقيس زيت الفتيس لازم تكون العربية دايرة,, عكس زيت الماتور بتكون العربية مبطلة.