هو انا ممكن اخليهم يغيرولي الكاسيت ب سي دي قبل ما يسلموني العربيه ؟

[Nile_Storm]

باركوللللللللللللللللللللللللللللللللللللللللللللل لي
الحمد لله دفعت مقدم حجز لفيرنا 16000 هاف اوبشن امبارح

انتو عارفين ان فيها كاسيت رود ستار و زي ما عرفت من المنتدي الفظيع كده انه زباله و مالوش لازمه
فهل من الممكن ان التوكيل يبدلهولي بكاسيت سي دي و ادفع الفرق قبل ماستلم العربيه و يتحسب عليا كاسيت ولا ايه

[bassam nagy]

الف الف مبروك ....انا شوفت فى التوكيل موديل 2008 كانت راكب فيها كاسيت سى دى

[Hesham A.Megid]

بيغيروه عادي و تدفع الفرق

[mohaismail]

اه ممكن عادى

[Nile_Storm]

متعرفوش الفرق كام ؟

[الريس]

ممكن تتصل بعشم نوار و تسأل

[Ahmed Anwer]

أنا عندي كاسيت سي دي نازل فيها ،، بس هوا رودستار برده ،،،

بس مش زبالة و لا حاجة ،،، هوا بس عشان مصري ،،

[Nile_Storm]

عربيتك فول ابشن ولا هاف

[Ahmed Anwer]

فول أوبشنز أتوماتيك ،،

ده من الحاجات القليلة اللي عجبتني في العربية الكاسيت ،،

ههههههه

[Nile_Storm]

ربنا يباركلك فيها و دعواتك استلم بأه بسررررررررررعه
القعده من غير عربيه صعبه جدا مع انها كانت 127 بس و الله كانت اصيله

خلاص هتوكل علي الله و اخليهم يغيرولي الكاسيت
محدش فيكو يعرف ايه الاجرائات اللي بتحصل بعد ما بتيجي موافقه البنك لغبور
لاني انا دفعت المقدم الالف جنيه و لسه مستني الموافقه يعني عاوز اعرف ايه الخطوات الجايه

[Ahmed Anwer]

مفيش خطوات و لا حاجة ،،

هياخدوا الجواب و تكمل بقية المقدم ،،

بدولك العربية ،، تستلمها كويس بالضمان و ضمان الكاسيت و البطارية و الولاعة و كيس العدة و الكريك و الإستبن ،،

و يدولك جواب المرور تروح ترخص سنة واحدة ،، بس و عشان العربية عليها حظر بيع ،،،

مبروك مقدما ،،

[Nile_Storm]

معلش تاعبك اانا هقسط علي 3 سنين مينفعش ارخصها 3 سنين
يعني لازم حوار ارخصها كل سنه ؟

و معلش سؤال تاني ايه رايك في العربيه و الاهم عيوبها
و اخيرا في اي حاجه تنصحني بيها عند الاستلام اخد بالي منها
و خدمه ايليت ليها لازمه ولا لأ معلش زهقتك مني اصلهم بيقولو عليها تخفيض 25%

[3mr Farrag]

لأ هو بصراحه كاسيت زباله:)
ده 25 وات يا عم............عمرك شوفت كاسيت عليه نص قيمه حته بالوات ده
و رأيي هتلك كاسيت من بره اللي انت عايزه و فكك من التوكيل
لأن الرودستار ده معفن اوي لدرجه ان شكله مايجبش 300 جنيه علي بعضهم

[Ahmed Anwer]

معلش تاعبك اانا هقسط علي 3 سنين مينفعش ارخصها 3 سنين
يعني لازم حوار ارخصها كل سنه ؟

و معلش سؤال تاني ايه رايك في العربيه و الاهم عيوبها
و اخيرا في اي حاجه تنصحني بيها عند الاستلام اخد بالي منها
و خدمه ايليت ليها لازمه ولا لأ معلش زهقتك مني اصلهم بيقولو عليها تخفيض 25%

حوار البنك ده ،، بالنسبة للبنك بتاعي ،، البنك العربي الأفريقي الدولي ،،

مش عارف أيه الأخبار في البنوك التانية ،، بس هما بيعملوا كده عشان يتأكدوا من إنك هتدفع و يدوك جواب اخر كل سنة ،،

بخصوص رأيي في العربية فالفيرنا قتلت بحثا في المنتدي ،، بصراحة يعني اتقال فيها ما قال مالك في الخمر ،،

كفاية بس اقولك علي المميزات من وجهة نظري ،، سحب و لا أروع من كده ، موتور قوي ، عفشة ناعمة ، شنطة كبيرة فعلآ ،، كماليات كويسة

لما تستلم تراجع علي العربية كويس ، مفهاش أي خدوش ، أي حاجة تلفت نظرك ، تراجع علي الزراير و الأنوار و الإشارات ،، تستلم الأوراق كاملة ،، و الحاجات التانية اللي قلتلك عليها ،،

عشان أنا مثلآ نسيت كيس العدة ،، و دلوقتي لو عجلة نامت مش عارف اغيرها إزاي ،،

معرفش حاجة عن خدمة إيليت بس بتهيألي مالهاش لازمة ،، إنشاءالله المفروض العربية زيرو و الصيانة الدورية مش مكلفة ،، و أي حاجة جامدة بتغيرها مجانا تبع الضمان ،، بتهيألي كفاية التأمين عشان الحوادث

[Nile_Storm]

بالنسبه لموضوع زوايا العربيه لازم بجد اغير الجنوط ولا مش لازم
و ثبات العربيه علي السرعات العاليه عامل معاك ايه سمعت انه بيبقي فيه رجرجه و كلام من ده