اجييب فيرنا ولا لاااااا

[amrehab]

عايز رايكوا فى فيرنا 2010 يرات تقوللى رايكوا وعايز اعرف ايه عيوبها

[gmgm]

هات وتوكل على الله الهيونداى اكثر السيارات انتشارا والفيرنا فلة والفيفا فلتين

وكفاية انك مش هنحتاج تدور على قطع غيار ولعلمك كل العربيات فيها عيوب ومميزات مهما كانت الماركة انت مسمعتش عن الكورولا ؟؟

[atamim]

الفيفا ال 1500 سىسى اوكتنها 87 يعنى نص التانك 80 و النص التانى 92

اما الفرناال 1600 سى سى فاوكتينها 91 يعنى لازم تحت 92

كمان اللانوس اوكتنها بردة زى ال 87 يعنى ينفع تحط نص تانك 80 و نص 92 و لو ظبت الكهرباء ممكن تحط 80 فقط لا غير

[khaled_amer]

توكل على الله العربيه معايا من 2004 و عاملة 170000كم و الله كويسه بالنسبة لسعرها و قطع غيارها متوفرة و في منها الاصلي و في منها الكوري ,,, اهم حاجه تعمل الصيانات في ميعادها سواء في التوكيل او بره و بالتوفيق

[amrehab]

طيب بالنسبة لتقفيل العربية عامل ايه انا عرفت انو مصرى هل بقى عامل مشاكل ولا ايه يعنى فى مشاكل متكررة ظهرت مثلا ولا لا
ويرات برضو الناس اللى سافرت بيها العربية عاملة ايه ثابتة ولا شوية هوا بيطروها؟؟
ومتشكر اوى لكل اللى ردوا ومستنى بقيت الردود

[mshmshm3]

طيب بالنسبة لتقفيل العربية عامل ايه انا عرفت انو مصرى هل بقى عامل مشاكل ولا ايه يعنى فى مشاكل متكررة ظهرت مثلا ولا لا
ويرات برضو الناس اللى سافرت بيها العربية عاملة ايه ثابتة ولا شوية هوا بيطروها؟؟
ومتشكر اوى لكل اللى ردوا ومستنى بقيت الردود

الفيرنا جميلة جدا بس لو في حاجة تانية ومش تقفيل مصري هاتها افضل

[khaled_amer]

طيب بالنسبة لتقفيل العربية عامل ايه انا عرفت انو مصرى هل بقى عامل مشاكل ولا ايه يعنى فى مشاكل متكررة ظهرت مثلا ولا لا
ويرات برضو الناس اللى سافرت بيها العربية عاملة ايه ثابتة ولا شوية هوا بيطروها؟؟
ومتشكر اوى لكل اللى ردوا ومستنى بقيت الردود

و الله التقفيل اقدر اقول عليه جيد جدا مش ممتاز و مافيش مشاكل ظهرت (بس انا موديل 2004 تاني سنه في التصنيع و احياناالعربية كل ما بتقدم بيبقى التقفيل اسوء و الله اعلم)
بالنسبة للثبات هي بعد 140 عايزه حرص اوي

[Ahmed R08]

توكل على الله

عربيه ممتازة وتعتبر من احسن العربيات فى سعرها

التقفيل جيد هو مفيهوش مشاكل بتحصل بس مش ممتاز

الثبات معقول وبيتحسن كتير بعد الجنوط
انا مركب جنوط 15 وبسافر كتير جدا

[mameen]

الفيرنا جميلة جدا بس لو في حاجة تانية ومش تقفيل مصري هاتها افضل

اويدك بشدة
وانا شخصيا افضل اللانوس لو حتجيب تقفيل مصري

[shouk_1987]

العربية تمام و الحمد لله سهلة وبسيطة و قطع غيارها فى الأكشاك زى ما بيقولوا

التقفيل أديله 8 من 10 بس كله بتمنه العربية ب 70 ألف و مميزاتها حلوة بصراحها يمكن تلاقينى متحيز عشان أنا من ملاكها بس أنا كنت زيك على فكرة و كنت بكره الفيرنا جدا لعلمك

[SAMEHNOSHI]

هاتها يا باشا, الفرنا عربية كويسة فى الفئة السعرية دية و فيها ميزات كتير زى ماتور حديث و قوى و مش بيتاثر بالتكيف و التحميل - تكيف ممتاز - رخص قطع الغيار - توافرها فى كل مكان - سعر اعادة بيع كويس - سهولة الصيانة خارج التوكيل. بس هتها فول اوبشن و متغلطش زى و الف مبروك مقدما

[amrehab]

والله انا متشكر جدا لردودكوا الجميلة دى كلها بس دلوقتى الناس اللى بتقولى هات اللانوس يا جماعة اللانوس موتورها 1500 سىسى87 حصان يعنى صباح البطة مع التكيييف هل فى عربيات تانية فى نفس الرينجز ويرات بجد كل اللى قالو بلاش تقفيل مصر يقوللى العيوب اللى شفوها؟؟وكمان كنت عايز اسال عن عفشته ناشفة بتدب ولا معقولة الى حد ما؟ ومستنى بقييت الردود
شكرا

[tamershaweky]

عمري ما كونت اتوقع اني في يوم من الايام اركب فيرنا بعد الالماني انا بركب الماني من 10 سنين تقريبا وبعد كده الفيرنا عن تجربه شخصيه عربيه جميله جدا العيب الوحيد فيها هو الثبات بس

[frontera09]

هات الفيرنا وتوكل على الله الفيرنا افضل ماتور وعفشة من اللانوس

[M.Osman]

توكل على الله

عربية حمّالة اسية بجد .. كفاية انها شغالة تاكسي و بايعة اكتر من 50 ألف عربية