رجه في العربيه و هي دايره

[shooda2020]

فيرنا 2009
يا جماعه العربيه عامله 2000 كيلو
ليه حاسس اني لما اجي ادور العربيه او لما اقف في اشاره و العربيه دايره بحس انها بتترج جامد
هل ده لسبب التقفيل الجميل بتاع غبور هباب ولا علشان الكهربا مش مظبوطه
الرجه فيها احس اني راكب غساله وياريتها غساله اوتوماتيك
دي غساله حقيره
شكرااااااااااااااااااااااااااااا

[حماده المصري]

مش عارف اقولك ايه

هوه الفيرنا عزلها مش قوي ف ممكن يكون صوت الموتور مخليك قلقان

بس لو هي فعلا رجه باينه جدا متسكتش روح التوكيل واعمل الصح معاهم وياريت تجرب فيرنا تانيه

[el931]

انت تحتاج الى ضبط موتور ودة موضوع بيتعمل فالصيانة الدورية طبيعى والمهم امتى بيحصل يعنى والتكييف شغال او بالليل وانت مشغل الاضاءة والمفروض ان حضرتك عملت صيانة الآلف كيلو او معملتهاش
تروح التوكيل وهمة هيضبطوا صوت الموتور بس سجل موضوع عدم انتظام صوت الموتور فى امر الشغل وصر علية حتى لو المهندس قلك " احنا هنظبهولك " ولما تجرب العربية قبل ما تستلمها تشغل التكيف وتنور كل الانوار وتحمل كمان عالفرامل وتلف الدريكسيون طالما العربية باور ودة كلة المفروض ان العربية هتكون ثابتة والتغير لا تكاد تشعر بة وعلى فكرة سيارات الهيوانداى مهم لها جداً عمل صيانى الالف الاولى لان العربية تقفيل مصرى ولازم تشيك عليها وتربط عفشتها وكمان ترصرص الكاوتش وتضبط الزوايا ان لزم الامر

[shooda2020]

شكرا بجد يا جماعه علي الاهتمام الزايد ده
انتو فعلا ناس محترمين بجد
بس الموضوع بتاع الرجه مش اووي يعني بس فيه الصراحه
ناس قالتلي دي الكهربه مش مظبوطه و انا فعلا عملت صيانه الالف
و كنت عندهم امبارح
هو توكيل في اسيوط تبع نيسان و مش حاسس ان فيهم حد بيفهم الصراحه
المهم هيا الرجه مش اوووي
يعني القاعد جنبي مش بيحس بيها
هو فيه حاجه انا لاحظتها اني ساعه صيانه الالف و كان الكبوت مفتوح و لما جه بتاع الصيانه دور العربيه لقيت الموتور اترج كده بس ثبت علي طووول زاي ماتقول هزه التحريك الاولي
مش عارف ده عادي و لا المفروض الموتور يكون ثابت عن كده
و لو فعلا الموتور مش ثابت يبقي ايه الحل
انا صلا موسوس جدا في الحاجات دي و يا ريت حد يفيدني بجد يا جماعه
شكرا ليكم جدا علي حسن الاهتمام

[el931]

شكرا بجد يا جماعه علي الاهتمام الزايد ده
انتو فعلا ناس محترمين بجد
بس الموضوع بتاع الرجه مش اووي يعني بس فيه الصراحه
ناس قالتلي دي الكهربه مش مظبوطه و انا فعلا عملت صيانه الالف
و كنت عندهم امبارح
هو توكيل في اسيوط تبع نيسان و مش حاسس ان فيهم حد بيفهم الصراحه
المهم هيا الرجه مش اوووي
يعني القاعد جنبي مش بيحس بيها
هو فيه حاجه انا لاحظتها اني ساعه صيانه الالف و كان الكبوت مفتوح و لما جه بتاع الصيانه دور العربيه لقيت الموتور اترج كده بس ثبت علي طووول زاي ماتقول هزه التحريك الاولي
مش عارف ده عادي و لا المفروض الموتور يكون ثابت عن كده
و لو فعلا الموتور مش ثابت يبقي ايه الحل
انا صلا موسوس جدا في الحاجات دي و يا ريت حد يفيدني بجد يا جماعه
شكرا ليكم جدا علي حسن الاهتمام

اخى الفاضل انا سبق لى الذهاب بسيارتى الفيرنا 2008 وكانت فالضمان لنفس التوكيل عند منقباد وكان العيب وجود صوت بالكاوتش الامامى تقريبا ً ( تركت لة تحديد مكانة بدقة ) وكذلك وجود جزء ناقص من كاوتش ( جيوان ) البابين الامامين فى حدود 10 سم
وفعلا ً خرج معى مهندس ( مدير التوكيل شخصيا ً ) وهو رجل مهذب ويجيد التحدث
وقام بتجربة العربية لكن اى من المشكلتين لم يتم حلهما ( الموضوع طويل ) وكانت النتيجة الذهاب للتوكيل الرئيسى بابو رواش بالقاهرة وتم حل الموضوعين بتغير المقص الامامى وتغير كاوتشات البابين الامامين
الخلاصة انت فى فترة الضمان وانت شارى عربية بضمان ودة لة ثمنة يبقى لازم العربية تكون
مضبوطة تماما حتى لو كان صوت الرجرجة خفيف او لا يذكر او حتى وسوسة كما ذكرت ( فأنا اكثر منك وسوسة وان كنت دفعت تمنها لدرجة انى عضو مؤسس فى ثروة غبور )

والحل انك تروح التوكيل ومعاك فاتورة صيانة الالف ( وياريت تكون مسجل الموضوع بتاع الرجرجة فى امر الشغل ) وتقوم برضو وتصر ان يسجل مش الرجرجة فقط بل اى شىء مهما كان صغير بامر الشغل وتحتفظ بصورتة وان شاء الله بسيطة دة مجرد ظبط ماتور
ملحوظة :- الفيرنا بصفة عامة تشعر باهتزاز ورجرجة على المطبات وممكن تطفى (لو مانيوال )
بسبب البنزين لو اقل من 92 ودة عادى وطبيعى

[mshmshm3]

في حاجات كتير ممكن تخلي العربية تترج ممكن بوجيهات ممكن بطارية ممكن البنزين اللي انت بتحطه وممكن حاجة غير كل ده على حد علمي بس روح التوكيل هما ربنا هيكرمهم ويعرفوا ان شاء الله فيها ايه ربنا ينفخ في صورتهم او روح اي مركز خدمة معتمد

[shooda2020]

بجد مش عارف اقول ايه علي سرعه الرد و الاهتمام
بس بامانه تاني هما ناس كويسين ال في منقباد بس حاسسهم مش فاهمين حاجه و انت حضرتك قصدك علي المهندس شنوده هو صغير في السن بس كويس
كنت فمره هاشد معاه علشان الحزام العلق معايا فمره بس عملوه بعد الزن علي الدماغ
طب هيا حكايه ظبط الموتور دي سهله و لا صعبه و عايزه ناس تفهم
و الاخ المحترم البيقول ممكن تكون بوجيهات
هيا البوجيهات بتتغير علي ما سمع كل 40 الف كيلو حاجه زاي كده و لو كلامي غلط حد يصلحه
طب مش ممكن تكون يا جماعه الكهربه بتاعه العربيه مش مظبوطه
يا ريت حد يفيدني
انا لسه بدري علي صيانه ال 5 الاف

[el931]

بجد مش عارف اقول ايه علي سرعه الرد و الاهتمام
بس بامانه تاني هما ناس كويسين ال في منقباد بس حاسسهم مش فاهمين حاجه و انت حضرتك قصدك علي المهندس شنوده هو صغير في السن بس كويس
كنت فمره هاشد معاه علشان الحزام العلق معايا فمره بس عملوه بعد الزن علي الدماغ
طب هيا حكايه ظبط الموتور دي سهله و لا صعبه و عايزه ناس تفهم
و الاخ المحترم البيقول ممكن تكون بوجيهات
هيا البوجيهات بتتغير علي ما سمع كل 40 الف كيلو حاجه زاي كده و لو كلامي غلط حد يصلحه
طب مش ممكن تكون يا جماعه الكهربه بتاعه العربيه مش مظبوطه
يا ريت حد يفيدني
انا لسه بدري علي صيانه ال 5 الاف

اخى الفاضل
بالنسبة لمركز صيانة منقباد فحتى لا اكون قاسى فالحكم عليهم لانى قبل زيارتهم كنت اذهب لمركز الصيانة بابو رواش لمدة تذيد عن 7 سنوان بسيارة اكسنت والفارق طبعا ً رهيب من حيث توفر قطع الغيار ووجود ( فنين فاهمين ) ولكنى بعد زيارتهم اخذت قرارى بعدم الصيانة لديهم مرة اخرى ودة يمكن علشان همة كانوا فالبداية بالنسبة لصيانة هيونداى وكنت كل ما اسأل على حاجة ( تخص الضمان ) يقولى هنخاطب المركز الرئيسى ...... وياريت بالتليفون دول كانوا بيقولوا هنخاطبهم بجواب رسمى وننتظر الرد يعنى حاجة زى ( هنشد تلغراف )
اما موضوع عربيتك فانت عامل 2000 كم فقط وموديل 2009 يعنى العربية لسة زيرو وطالما انت حسيت بإن فية اى حاجة غريبة فالسيارة يبقى لازم تطمن
وبالمناسبة بوجوهات التوكيل يتم تغيرها على 30 الف وفلتر الزيت على 5 الاف وفلتر البنزين على 10 الاف وفلتر الهواء على 15 الف على ما اتذكر وجدول الصيانة موجود معك فية المواعيد بدقة ولابد من الالتزام بالتغير فالمواعيد
وموضوع ضبط الموتور دة بيتم طبيعى بعد كل صيانة دورية وانا فاكر لما عملتة اخر مرة كان ب 20 جنية يعنى موضوع بسيط وسهل وهمة يقدروا يعرفوا المشكلة

[shooda2020]

شكرا جزيلا يا باشا
بجد مش عارف اقول ايه علي الاهتمام الزايد ده
يعني حضرتك حاسس ان توكيل منقباد مش فارق كتير علي ابو رواش و لا ماروحش هناك غير لما تكون حاجه كبيره

[el931]

شكرا جزيلا يا باشا
بجد مش عارف اقول ايه علي الاهتمام الزايد ده
يعني حضرتك حاسس ان توكيل منقباد مش فارق كتير علي ابو رواش و لا ماروحش هناك غير لما تكون حاجه كبيره

العفو انت تأمر
كنت امتلك اكسنت منذ 2001 وبعتها منتصف 2009 وطوال تلك الفترة كنت اعمل صيانة دورية بابو رواش بالقاهرة بإنتظام وبعت السيارة وكان العداد 175 الف كيلو متر
وزرت التوكيل قرابة 30 مرة او قد يذيد بالرغم من بعد المسافة بينى وبين التوكيل ( 750 كم تقريبا ً ) وقد اكون بالغت فى كثرة الذهاب للتوكيل وكان المفروض ان التزم بجدول الصيانة وتكون الزيارات على اوقات متفرقة وللعلم عندما بعت السيارة كانت حالتها والماتور تحديدا ً ممتاز حتى ان معدل استهلاك البنزين ( قبل البيع مباشرة ) يتجاوز احيانا ً 350 كم كل 20 لتر بنزين فى ظرف التشغيل القياسية يعنى اثناء السفر وسرعة لا تتجاوز 100 كم / س قد يكون لهذا عدة اسباب لكنى اعتقد ان الانتظام بجدول الصيانة مهم ولة دور فالحفاظ عالسيارة
وكذلك امتلك فيرنا 1600 سى سى موديل 2008 وبرضو اقوم بعمل الزيارات للتوكيل ولكن على اوقات متفرقة اكثر واذهب الى ابو رواش بالرغم من كون منقباد اقرب لى كثيرا ً من حيث المسافة الا انى اذهب الى القاهرة لكون الفارق بينهما كبير ( قد اكون مبالغ لكنى موسوس جدا ً )
والان معى لانسر 2010 بضمان منذ ثلاث شهور تقريبا ً وعملت 9 الاف كيلو متر وان شاء الله سأقوم بالصيانة ( كل 10 الاف ) بالتوكيل ايضا ً

[shooda2020]

ربنا يا باشا يملهالك بركه و اكيد احسن من الفيرنا الف مره
ربنا معاك دايما

[m7mda7md]

فرع منقباد ده تعبان جدا
انا عملت فيه صيانه الالف و ال 5000 و بس
اقولهم التنك بيينقط بنزين يقولي لأ مفيش حاجه
و اهلا بأهل بلدي

[m7mda7md]

موضوع الرجه ده كان عندي و كان سببه زلطه محشوره بين الموتور و الحوض

[kmhbravo]

إهتزاز الموتور ليه اسباب كتيره أهمها البوجيهات فى الغالب ممكن يكون فيه بوجيه مش متربط كويس وممكن تكون بوبينة ignition coil بايظة ولو العربية قديمه شويه (انا عارف ان عربيتك جديدة) ممكن تكون قواعد الموتور وأعتقد ما يكونش من البنزين لأن العربية مفروض فيها حساس تصقيف Knock Sensor

[hema1975]

شكرا بجد يا جماعه علي الاهتمام الزايد ده
انتو فعلا ناس محترمين بجد
بس الموضوع بتاع الرجه مش اووي يعني بس فيه الصراحه
ناس قالتلي دي الكهربه مش مظبوطه و انا فعلا عملت صيانه الالف
و كنت عندهم امبارح
هو توكيل في اسيوط تبع نيسان و مش حاسس ان فيهم حد بيفهم الصراحه
المهم هيا الرجه مش اوووي
يعني القاعد جنبي مش بيحس بيها
هو فيه حاجه انا لاحظتها اني ساعه صيانه الالف و كان الكبوت مفتوح و لما جه بتاع الصيانه دور العربيه لقيت الموتور اترج كده بس ثبت علي طووول زاي ماتقول هزه التحريك الاولي
مش عارف ده عادي و لا المفروض الموتور يكون ثابت عن كده
و لو فعلا الموتور مش ثابت يبقي ايه الحل
انا صلا موسوس جدا في الحاجات دي و يا ريت حد يفيدني بجد يا جماعه
شكرا ليكم جدا علي حسن الاهتمام

عادى جدا الهزة اللى شفتها دى لازم تحصل و بتحصل فى كل العربيات الماتريكس الجيتز الفولكس فاجن و ميتسوبيشى لانسر شارك...............

دى شىء طبيعى جدا انك و انت بتدور المكنة تتحرك لانك لو مثبتها فى مكانها تثبيت كامل لما تيجى تدور كل شويه هتلاقى المكنة طلعت بالقواعد او تعجل من تلف القواعد لان رد الفعل كله هيبقى من اماكن التثبيت... لكن لما تعمل تثبيت مرن يسمح للمكنة انها تستقبل الصدمة بتاعة بدء التدوير عادى بدون احداث تلف للقواعد