لو حجزت النترا هاستلم بعد اد ايه؟

[Hacker5]

اذيكوا يا جماعة كل سنة و انتم طيبين
انا كنت بفكر احجز النترا من عند غبور خصوصا انها غليت بقت بـ 98000 اللى هيا المانيوال
بس معرفش سعر المعارض بكام
ياترى هاستلم بعد اد ايه؟ و ايه رايكوا فى العربية انا شايفها من اجمل تحف هيونداى و تعتبر الاحدث و الاشيك فى فئتها
اسف على الاطالة

كل سنة و انتم طيبين

[Nile_Storm]

عند غبور علي حسب معلوماتي التسليم بحد اقصي اسبوعين

[Nile_Storm]

و مبروك مقدما و علي فكره هي عربيه روووعه

[Hacker5]

شكرا يا ستورم على المعلومات بس اعتقد الفترة اكبر من كدة :d
و كل سنة و انتا طيب

[Nile_Storm]

و انت طيب ياباشا
و ان شاء الله تكون زي ما قلت ولا انت مش عاوز تستلم بسرعه ههههههههههههههه

[faresbelagwad]

اسبوع او اسبوعان على الاكثر و بالتوفيق

[Nile_Storm]

ليه سؤال
الاسبوع ده بيتحسب من امتي
من ساعه تقديم طلب الحجز ابو 1000 جنيه
ولا من ساعه عمل العقد ده بالنسبه للشراء عن طريق القسط

[Hesham A.Megid]

ليه سؤال
الاسبوع ده بيتحسب من امتي
من ساعه تقديم طلب الحجز ابو 1000 جنيه
ولا من ساعه عمل العقد ده بالنسبه للشراء عن طريق القسط

من ساعة ما بتخلص كل الاجرائات مع البنك.

[Nile_Storm]

:(








لسه هستني

[Hacker5]

طب لو هاخودها كاش من عند غبور يرضو هاستنى اسبوعين ولا ايه؟

[Hacker5]

انا كلمت غبور النهاردة و سالتهم على فترة التسليم قالى مانيوال ولا اتوماتيك قولتله مانيوال قالى فى عربيات يافندم و مدة التسليم فى خلال 15يوم و سالته على الالوان قالى معظم الالوان متوفرة
قولتله شكرا قالى العفو و روحت قافل السكة ههههههه

ربنا يسهل وكل عام و انتم بخير

[Nile_Storm]

كويس جدا

انا بأه مش عارف اخر الاجرائات بتاعت البنك العربي الافريقي عشان التقسيط لو حد يعرف ياريت يقوللي و يبلغني ايه الخطوات و الموضوع بياخد اد ايه

[Ahmed Anwer]

البنك العربي الإفريقي اجراءاته بتاخد رسمي عشرة ايام من بعد تقديم الورق ،،

ده الرسمي ، بس هوا من البنوك المشهورة بتأخير الإجراءات ، عشان كده مش معارض كتير بتحب تتعامل معاه

بس طبعا الميزة في بساطة الورق المطلوب ( صورة بطاقة و ووصل نور )، لو هتدفع نص الثمن ، و الفائدة القليلة

[Nile_Storm]

بص انا قدمت من قبل اجازه العيد بيومين

و كلموني امبارح و اكدو علي التليفونات و طريقه القسط
و النهارده اتصلو عشان يتاكدو من تليفون الصيدليه بتاعتنا اللي خدو صوره بطاقه ضريببه بتاعتها
علي فكره انا فعلا هدفع النص

ايه اللي فاضل و لا هما خلاص كده خلصو
و بعدين ليه التوكيلات بتحب تتعامل معاهم
و معني كلامك اني لسه هستني اسبوعين كملن لاستلام العربيه بعد العقد
ولا همل عاملين كده عشان يكسبو وقت لتحضير العربيه و استلامها بعد العقد النهائي بقليل علي اساس طلب الحجز اللي عملته ؟
و لا هو ايه لازمتها الاف جنيه دي

[Ahmed Anwer]

بالراحة كده ،،

كل اللي اعرفه ، بتدي جواب الموافقة بتاع البنك للمعرض او التوكيل و بتكمل المقدم للمعرض او التوكيل

بتستلم السيارة فورا بجواب المرور

يعني لو الموافقة جت ، و بقية المقدم موجود ،، تستلم عالطول لو العربية موجودة ،،