مقايسة اصلاح فيرنا

[elsherif_2000]

عملت حادثة بالفيرنا
واحد بعربية نص نقل دخل في الباب الامامي شمال و الرفرف و كسر الاكصدام والفانوس و

دي الاسعار
باب امامي شمال 1600
رفرف امامي شمال 500
مفصلة باب امامي شمال علوية 76
مفصلة باب امامي شمال سفلية 76
رفرف امامي يمين 565
اكصدام امامي 753
باكتة باب امامي شمال 90
كشاف امامي يمين 547
طاسة عجل 50
كرتيرة رفرف امامي شمال 120
شبكة امامية 300
مراية جنب شمال 400
مساعد امامي شمال 511

خامات و دهان 349
دهان 1000
سمكرة وفك وتركيب 1425
و 10% ضريبة مبيعات

[أبو صلاح]

ايه الرعب ده
ياباشا انا لي رأي انك تعملها بره أفضل

وممكن تشوف العميد اللي ليه اعلان في اول الصفحة فوق
العقيد خالد نحسبه على خير ولا نزكي على الله احدا

[romeo_6887]

سيبك من التوكيل الا اذا كنت مأمن عليها
و روح لسمكري كويس و ان شاء الله هتتظبط

[ruicosta]

ايه يا سيدى دا كله ايه الاسعار دى والكلام الكبير دا انا اتخضيت والله لاء انزل هات الحاجات دى من بره وركب عند سمكرى نضيف بربع الفلوس دى وربنا يوفقك

[zooz123]

مشربتش من نيلها جربت تغنيلها

[elsherif_2000]

على فكرة في حاجات كتيرة تاني رفيعة مرتضش اكتبها

مسامير
باكتة صغيرة
بلف
الخ.....

[pedooooo]

لالالالالا يا باشا الاسعار دى غايه اوى اوى اوى
انا كنت عملت حادثه بسطه قبل كده و صلحتها بره
و الاسعار كانت كاالاتى
الرفرف 200 جنيه و نفس لون العربيه
الفانوس 400 عشان جبته اصلى و كنت جايب الفانوسين
المرايه ب 150 جنيه و كهربنا
و الشبكه 160 جنيه كل ده اصلى
الباب تقريبا كان ب 1100 مش فاكر سعره اوى
طقم البكتات كامل ب 100 تقريبا برضه
الاربه طاسات جبتهم لابن خالى ب 50 جنيه
كرتيرة الرفرف ب 45 جنيه
الاكصدام مش بيعدى ال 300 جنيه
معلش طولت عليك
بس حبيت اوضحلك اسعار الحاجات دى بره التوكيل

[AMIRELGOHARY]

ربتا يسلم. شوف احسن تجيب المساعد والفانوس اصلى وباقى اللوازم شوف الاسعار بره لو الفرق زى الاسعار اللى الاخ pedooooo قالها يبقى هات الارخص طبعا. والسمكرية النضاف كتير (1000 - 1300 على الاكثر بالبوية الفرن) بس اهم حاجة تجيب خامات كويسة للدوكو.