استهلاك البنزين

[victornabil]

انا معايا النترا اوتوماتيك 2008 و حسبت استهلاك البنزين انى فولت العربيه على الاخر تماما يعنى البنزين حسيته بصباعى من على اول زور التانك و بعد كده مشيت بالعربيه 197 كيلو ثم فولت تانى بنفس الطريقه السابقه لقيت انى حطيت 20 لتر هل دا معناه ان ال20 لتر عملو معايا 197 كيلو و هل هذه طريقه صحيحه لحساب الاستهلاك و هل دا معدل طبيعى للاستهلاك فى وسط البلد و بالمعدل ده يبقى الاسنهلاك فى الطوالى كام

[hema1975]

طريقة الحساب صح

المعدل مش حلو اوى حتى لو فى الزحمة يعنى نقول المفروض تكون فى حدود 230-250كم فى الصفيحة و مقدرش اقولك تعمل كام على الطريق السريع لانها بتعتمد على طريقة سواقتك ممكن انا اسوقها و اعمل 350 كم فى الصفيحة و حضرتك تعمل 250 كم لان سرعتك و طريقة سواقتك اللى هتحدد

حاجه اخيره احب اوضحها لسيادتك لانك هتسمعها كتيييييير هنا و ليس لها اساس من الصحه... معدل الاستهلاك مش هيتحسن معاك بعد 1000 كم او 5,000 كم او اللى بيقولوه الناس.. مع تعودك على العربية هتعرف انت امتى بتقرص على المكنة و امتى تبقى هادى و الاسهتلاك يبقى افضل و ده السبب انك مكن تلاقى واحد بيعمل بعربية النترا نفس الموديل 300 كم و حضرتك 200 لان طبيعىة السواقة و استخدام دواسة البنزين بتفرق جامد جدا

[victornabil]

اشكرك على ردك السريع و معنى كلامك ان اللتر فى الزحمه المفروض يعمل 12.5 كيلو اعتقد دا صعب اوى خصوصا ان العربيه اتوماتيك وانا طبيعة سواقتى هاديه الrpm عندى عمره مازاد عن 3 فبرجاء من الاخوه المشاركه كل واحد بتجربيه فى استهلاك سيارته للبنزين و افادتنا بالاستهلاك المثالى هل فعلا هو 12.5 كيلو لكل لتر فى الزحمه لانى سمعت ان المعدل الطبيعى هو 10.5 كيلو لكل لتر فى الالنترا الاوتوماتيك و المانيوال 11 كيلو لكل لتر

[semsem8080]

سلام عليكوا
انا معايا النترا مانيول 2008
معدل استهلاكها في داخل البلد من 11.5 الي 12 للتر
وعلي الطريق الطويل زي مشوار من اسماععيلية الي الاسكندرية متوسط سرعة من 100 الي 140 حسب الوقت اللي بسافر فية عاملت معاية 15 ك للتر وده مجربها مرتين

[victornabil]

اعتقد دا معدل معقول جدا بالنسبه للمانيوال بس الاوتوماتيك هيكون اقل من كدا

[KSA2011]

والله فعلا على حسب طريقه السواقه يعنى الصفيحه مره عملت معايا 170 ومره تانيه رحت القاهره ورجعت بصفيحه مشيت 288 كيلو
على حسب الظروف

[victornabil]

طب ممكن حد يقولنا على المعدلات المثاليه فى الزحمه و فى الطريق السريع فى حالة السواقه الهاديه يعنى الrpm من 2.5 ل 3 للالنترا الاوتوملتيك و المانيوال

[hema1975]

مانيوال فى الزحمة تعمل 250 كم فى الصفيحة و اكتر بالنسبة للطريق السريع تعمل من 300-350 كم فى الصفيحة

اتوماتيك تعمل فى الزحمة 200-250 فى الزحمة الشديدة على الطريق السريع تعمل من 300-350 فى الصفيحة عادى بس طبعا على سرعة من 90-100 فوق ال 100 توقع استهلاك اقل من 300 كم فى الصفيحة سواء مانيوال او اوتو

كل اللى فات ده بالسواقة الهادئه انما مع الحرق و الكيك داون انسى انك تشوف رقمك منهم

[mimimomojojo]

النترا اوتوماتيك 2009 250 ك /20لتر ... حسبتها كذا مرة

[victornabil]

شكرا لكل من رد

[victornabil]

يا جماعه انا حسبتها اكتر من مره و استهلاك البنزين عندى فى الاوتوماتيك 200 كيلو فى الصفيحه فى الزحمة وواضح ان ده معدل مش حلو يا ريت جد يقوللى دا عيب ايه بالظبط يعنى بوجيهات و الا حساسات و الا ايه عربيتى عامله 29000 كيلو اصل العربيه من الزيرو متعملهاش اى صيانه انا راييى ان المسمار اللى راكب فيها لو اتفك مش هيركبو زيو فى التوكيل الحاجه اللى نازله فى العربيه متتعوضش حتى لو جوا التوكيل

[hema1975]

يا جماعه انا حسبتها اكتر من مره و استهلاك البنزين عندى فى الاوتوماتيك 200 كيلو فى الصفيحه فى الزحمة وواضح ان ده معدل مش حلو يا ريت جد يقوللى دا عيب ايه بالظبط يعنى بوجيهات و الا حساسات و الا ايه عربيتى عامله 29000 كيلو اصل العربيه من الزيرو متعملهاش اى صيانه انا راييى ان المسمار اللى راكب فيها لو اتفك مش هيركبو زيو فى التوكيل الحاجه اللى نازله فى العربيه متتعوضش حتى لو جوا التوكيل

المفروض تغير بوجيهات و فلتر هواء و فلتر بنزين عند 20,000 كم حسب جدول الصيانه

بس ممكن الحاجات دى تعمر معاك لحد 50,000 كم او اكتر بس على الاقل تكون بتنضف فلتر الهواء علشان بيجمع تراب مع الوقت و بيتسد

و الانسداد ده بيأثر على الاستهلاك لانه بيعوق سحب الهواء بسهوله بالتالى لازم تنضف الفلتر او تغيره هو مش غالى فى حدود 40 او 48 جنيه

البوجيهات ب 40 جنيه لو محتاجين يتغيروا

فلتر البنزين اعتقد 120 جنيه او 80 جنيه (بس فلتر البنزين اطولهم عمرا يعنى ممكن تسيبه لحد 40,000 او 60,000 و الكلام ده عن تجربة) لو مش بتحب تتعامل مع التوكيل اشتريهم و ركبهم بره او بنفسك

الاسعار دى من التوكيل و حاجات هيونداى الاصليه كلها و سعرها بقى معقول

و خد فى بالك بوجيه النترا 2007 و 2008 غير 2009 و 2010 و انت بتشترى

[alivara]

انا معدل الاستهلاك عندي مش كويس : بعمل 10 كم في اللتر بالعافية و ممكن اقل بس سواقتي كلها جوه المدينة يعني سرعتي دايما بين 40 و 80 معرفش ده طبيعي و لا لأ

[victornabil]

اشكرك يا استاذ هيما و انا ناويت اروح التوكيل اعمل صيانة ال 30000 بس يا ريت تقوللى ايه اللى المفروض يتعمل فى صيانة ال 30000 و ايه المهم ثم الاهم عشان انا عارف اول مهروح هيعملو شغل عليا و يبقو عايزين يغيرو كل حاجة وانا مش حابب اغير الحاجات الاصليه اللى العربيه نازله بيها

[Ahmed Sharaf]

النترا اوتوماتيك 2009 250 ك /20لتر ... حسبتها كذا مرة

2008 a/t تقريباً نفس معدل حضرتك