نصائح استلام سيارة

[barakat_1986]

انا ان شاء اللة حستلم الفيرنا 2010 ذهبى الاسبوع القادم من غبور فى ابورواش فياريت لو الاعضاء يفيدونى بنصائح عند الاستلام واى معلومة مهمة

[mshmshm3]

لو ينفع تاخد معاك حد ليه في العربيات يفتح الكبوت يتأكد من رقم الموتور والشاسيه واستلم الضمان وشوف الكاسيت و الولاعة وفول ابشن ولا هاف والحاجات دي

[barakat_1986]

الف شكر على الرد ........ انا عندى دراية بالسيارات وعندى سيارة بس مستعملة بس كنت عاوز اعرف اية الحاجات اللى اخد بالى منها؟؟؟؟؟؟؟؟

[N.a.j.d]

حضرتك افحص اعربيه ع الكمبيوتر للتاكد من كل حاجه سليمه
كاتولج العربيه شوفه موجود ف الشطنه ولا لا
خدوش من تحت العربيه تأكد منها ممكن تكون مخدزشه وهيا ف المينا يعني الحاجات دي وزي ما قالت الشباب

[barakat_1986]

مفيش حاجات تانية؟؟؟؟؟؟؟؟؟؟؟؟؟؟

[N.a.j.d]

حد يزود
هل في حاجه ناقصه مفولنهاش

[ahmad--ezzat]

جرب الاشارات والانوار والكاسيت والسنتر

[El Prince]

أولاً : ألف مبروك على العربيه و يديلك خيرها و يكفيك شرها ..
ثانياً : جرب التكييف كمان ثوانى - و أتأكد من وجود العده و الكوريك
- وشيك كمان على أكر الببان الاربعه ( علشان أنا أكتشفت واحده مكسوره بعد ما رجعت البيت , و طبعاً كل سنه و انت طيب )

[atamim]

اتاكد من مفيش حته درجة لونها غير التانية علشان ما تكونش اتخبطت و صلحوها

لالالالالالالالالالالالازم تعمل فايز للبطارية علشان الحامض ينزل على الشارع مش على فخدة العربية

[barakat_1986]

الف شكر لكل الاخوة على المساعدة

[barakat_1986]

انا ان شاء اللة حستلم من ابو رواش وانا من اسكندرية يعنى حمشى حوالى 200 كيلو اية النصائح لى فى الطريق والسواقة؟؟؟؟؟؟؟؟؟؟

[mshmshm3]

انا ان شاء اللة حستلم من ابو رواش وانا من اسكندرية يعنى حمشى حوالى 200 كيلو اية النصائح لى فى الطريق والسواقة؟؟؟؟؟؟؟؟؟؟

اولا هاتملاها بنزين من امارات وتمسك الطريق لو انت جديد في السواقة ما تجريش و خليك في ال 90 لو قديم ما تزودش عن ال 90 بردو عشان العربية بتلين في اول 2000 كم ومش يفضل الحرق بيها و التحميل الزائد و ماتخليش الار بي ام يوصل 3 او 3 و نص افضل للموتور خليك 2 و نص حلو في العادي عشان الموتور يكون بحالة افضل انا معايا فيرنا 2008 مكتوب في الكتالوج مش تعدي بيها سرعة 88 عشان التليين في اول 2000 كم بس وخلى بالك من الطريق ومعاك ربنا ومبروووووووووووووك يا فندم على العربية اه ومتنساش بعد ال 100 كم اقف شوية كدة وبطلها

[barakat_1986]

الف شكر على سرعة الرد وهل ممكن اشغل التكيف؟؟؟ ولو عاوز اجربة فى التوكيل اعمل اية؟؟؟؟؟؟؟؟

[mshmshm3]

الف شكر على سرعة الرد وهل ممكن اشغل التكيف؟؟؟ ولو عاوز اجربة فى التوكيل اعمل اية؟؟؟؟؟؟؟؟

جرب طبعا اللى انت عايزه اه شغل التكييف اعتقد مفيش مشاكل لما تشغل التكييف

[barakat_1986]

بس فية مشكلة انا معنديش اربى ام ازارى اعرف انة على 2ونص هل بالصوت ولا بالسرعة على الرغم من انى مش حعرف من الصوت لانة هيكون واطى؟؟؟؟؟؟؟؟؟؟؟؟؟