وجها لوجه مع سوناتا 2011 الجديدة....بالصور

[ashraf229]

تسلم ايديك ياباشا

السعر بتاعها مع المميزات والشكل هيوقع الكامري والباسات والاكورد

أصلا الباسات بعيدة عن المقارنة لأنه هيونداي مش هتوصل لمنزلة الفولكس فاجن في أي شيء مهما زادت أوبشن لا في الجودة ولا الكفاءة و لا مجال للحديث عن ده دلوقت رغم تفوق كل الكوري في المبيعات تفوق يستحق الاحترام......
غير كده الأكورد و الكامري في الخليج لهم مكانة خاصة و زبائن معينين لا ستغنوا عنهم أبدا مهما المنافسين حاولوا لأنهم ببساطة من أكفأ السيارات للعمل في الخليج و السفر ليل نهار و قطع غيار و صيانة تمام و الأهم سعر اعادة بيع ممتاز......يعني عربية تشتريها و ما تشيلش هم حاجة خالص..........رغم ان الهيونداي و الكوري أثبت كفاءة و تقدر تشوف التاكسي السوناتا و الألنترا و الكيا أوبيتما في كل مكان في السعودية و شغاله في عز الحر و المسافات ما بتقولش لأ بس برضه عرش الكامري و الأكورد صعب المنال.........

[ashraf229]

تصميم العربية وهم

بس اعتقد السعر هيعدي جامد

بالظبط كده هوه السعر زاد عن الجيل السابق بس ده شيء مؤقت في رأيي لأن هنا زي بقية بلاد العالم (ما عدا مصر) العربية لما تنزل و الناس تتوهم بيها و تخطف عينيهم و على رأي أخوانا السودانين: الجديد شديد......و بعد كده ترخص لما تنزل موديلات أجدد أو الشركات المنافسة تنزل طرازات أحدث و يروح الانبهار خلاص أو تيجي عروض رمضان و العيد و الصيف و الذي منه...مش مصر اللي اللانسر البومة كل أسبوعين يزيد سعرها !!!!!!! في شرع مين ان العربية مع الوقت سعرها يزيد!!!!!

و بعدين سر نجاح السوناتا في السعودية و انتشارها الواسع جدا هيه انه سمعتها كويسة و واسعة و مريحة و قوية التحمل و في نفس الوقت سعرها منافس جدا جدا يعني تتقارن بالكورولا و المازدا 3 و كده يعني تركب صالون مرتاحة ستة سلندر ولا تحشر ولادك في كورولا مثلا!!! فلازم السعر هيتظبط ان شاء الله و بعدين مش كل الناس هتشتري البانوراما !!!!


شكرا لكل من ساهم او رد أو مر عالموضوع.........

تحياتي لكم جميعا.........

[mussolini]

أصلا الباسات بعيدة عن المقارنة لأنه هيونداي مش هتوصل لمنزلة الفولكس فاجن في أي شيء مهما زادت أوبشن لا في الجودة ولا الكفاءة و لا مجال للحديث عن ده دلوقت رغم تفوق كل الكوري في المبيعات تفوق يستحق الاحترام......
غير كده الأكورد و الكامري في الخليج لهم مكانة خاصة و زبائن معينين لا ستغنوا عنهم أبدا مهما المنافسين حاولوا لأنهم ببساطة من أكفأ السيارات للعمل في الخليج و السفر ليل نهار و قطع غيار و صيانة تمام و الأهم سعر اعادة بيع ممتاز......يعني عربية تشتريها و ما تشيلش هم حاجة خالص..........رغم ان الهيونداي و الكوري أثبت كفاءة و تقدر تشوف التاكسي السوناتا و الألنترا و الكيا أوبيتما في كل مكان في السعودية و شغاله في عز الحر و المسافات ما بتقولش لأ بس برضه عرش الكامري و الأكورد صعب المنال.........

السلام عليكم...

فى الجمارك هنا فى مصر الاول بيبص على سعة الموتور بال سى سى و بعدين يشوف الماركة,الباسات فى مصر 1600 سى سى فا بيبقى عليها 40%..
السوناتا 2000 سى سى فا هاتتعمل معاملة تانية خالص...
و اللى مخلى سعرها هنا ب 170 الف و هى من 2000 الى 2400 سى سى لسبب انها تقفيل مصرى...

[ashraf229]

طيب قارن سعر التقفيل المصري (يعني معليهاش جمارك اهه) بسعر المستوردة في الخليج اللي برضه معليهاش جمارك و هتلاقي المصري اغلى بييجي 50 ألف جنيه برضه!!!!!!!!!

الاسعار عندنا لا تقارن بأي بلد !!!!!!

[mussolini]

السلام عليكم..

اصل انت ما تعرفش؟؟بيقولك التقفيل المصرى دا بركة!

[ashraf229]

ايوة و بيكون فيه جوايز كمان زي اللي لقى سندوتش الفول جوة باب الفيرنا كده............

على فكرة انا ابتديت أشوفها في الشارع خلاص فية واحدة بانوراما شفتها امبارح ماشية........شكلها في الشارع احلى من المعرض بكتير........

شكرا عالمشاركة.........

[hazemhassan]

الفئة البانوراما سمعت شباب بيقولوا لبعض انها بحوالي 79 ألف ريال تقريبا و كان واحد بيقنع التاني انها غالية جدا لأنها لسه نازلة و بينصحة انه ما يتسرع بالشراء بهذا السعر الفلكي!!!

يجو عندنا يشوفو الاسعار الفلكية بجد يعنى دى عندنا مش اقل من 200000جنية
وتقرير جميل ياباشا

[ashraf229]

شكرا والله و كلك ذوق........

على فكرة مش متأكد من الأسعار دي خالص بس هأحاول أجيبلكم الأسعار النهائية........