الكاسيت وضبط الكاوتش للاكسنت 2010

[mody07775000]

كنت عايز اسال عن موضوع ضبط الكاوتش الي انا سمعو هنا في المنتدى انا الي سمعتو بيتقال اظبط على 30 باين انا مش فاهم الموضوع ده اوي يعني ايه لزمته اغير ضبط الهوا في الكاوتش انا جبت الاكسنت بتاعتي 2010 ومش عارف موضوع الكاوتش ده بيتظبط ازاي وفين وفايدته ايه وكنت عايز اسال عن حاجه كمان معلش
كنت عايز اعرف احسن ظبط للصوت في الكاسيت لاني في السيتنج في حاجات كتير مش فاهمها وايه السرعه الي معدهاش في اول الف كيلو معلش في ناس بتقول 60 وناس بتقول 100 مين الصح عشان مياثرش على المدى البعيد ارجو الافاده وشكرا:10D5C8~1107:

[mody07775000]

ايه يا جماااعه 7 شافو الموضوع محدش رد ليييييييييييييه ده اسئله مش صعبه متهيالي يا ريييييييييييت الرد عليا !!!!!!!!!!!!!!!

[Hosam_Optrawy]

الهوا بتاع الكاوتش لازم يتظبط زى ما مكتوب على القايم سواء ( 28 - 30 - 32 ) المكتوب

يفضل فى التليين ماتقرصش على الموتور وماتعديش سرعة 100

[hdabawy]

اضبط هواء الكاوتش على 30 عند بتاع الكاوتش
وماتعديش الـ 100 ومادوسشى على العربية يعنى الار بى ام مايعديش الـ 3000 لأنها لسة بتلين
وسجل ملاحظاتك كلها عشان فى صيانة الـ 1000 تقولهم لو فيه حاجة
حاجة كمان جرب التكييف ويفضل بعد الـ 500 عشان لو فيه حاجة تتعمل برده فى صيانة الـ 1000
الكاسيت بقى اضغط على مفتاح الصوت ظغطة واحدة هيجيب الـ Bass ظغطة كمان هيجيب الـ Treble ظبطهم زى مأنت عايز بعد كدة توزيع السماعات ويفضل تسيبها زى ماهى
ارجو انى اكون افادتك
نسيت اقولك مبرووووك
وربنا يباركلك فيها ويكفيك شرها

[mody07775000]

طب ايه لزمة ضبط الكاوتش يعني لو مظبطوش في مشكله انا ماشي بيها ومش شايف فيها حاجه
وانا عربيتي اتوماتيك امشي بيها عل الكام في اول 1000
وشكرا عل الردود

[Ahmed Sharaf]

زى ما الاعضاء قالولك اضبط الكاوتش زى المقاس المكتوب على قايم الباب جنبك.
ودة لان اوقات كتير العربيات الجديدة بيبقة الكاوتش مش مضبوط , انا عربيتى كان الكاوتش ما بين 40 و 45 .
وبردو ماتذودش عن 100 كم وياريت ما تقرصش على العربية
مبروك

[mody07775000]

طب انا اعرف منين الكاوتش بتاعي مظبوط على كام وشكرا للردود مره اخرى

[Hosam_Optrawy]

طب انا اعرف منين الكاوتش بتاعي مظبوط على كام وشكرا للردود مره اخرى

هاتعرف الكاوتش مظبوط على كام وهاتظبطه عند اى واحد بتاع كاوتش او اى بنزينه فيها خدمة اطارات