استلمت النترا 2010 و عاوز اعرف كام حاجة كده ؟؟

[mcml_13]

العربية استلمتها بس للاسف مافيهاش وحدة رفع ؟؟ هل 2010 فعلا مافيهاش وحدة رفع و لا انا اللى عربيتى ناقصة
طبعا العربية فى تغييرات بسيطة عن اللى قبل كده فى النواكل اللى زادت عليها و عداد الحرارة ماعدش موجود و بقى لمبة بس المهم ان كلها حاجات بسيطة قوى
و لو حد يعرف ايه اللى المفروض استلمه مع العربية عشان انا ماخدتش معاها غير الكتالوج و الضمان و مفتاحين و وصلة ال usb بتاعة الكاسيت طبعا غير الاستبن و الكوريك و المفتاح
و على فكرة العربية وكيل و هى اول حاجة فى الاوتوماتيك (كان نفسى فى اللى بفتحة سقف بس مالقتش منها غير الكحلى و البتنجانى و انا مش بحب اللونين دول )

[victornabil]

مبروك على العربيه و بالنسبه لوحدة الرفع هى 2010 نازله من غير وحدة رفع عشان نزلوا تمنها فشالوا وحدة الرفع منها و باقى الحاجات انت كده استلمت كل حاجه مفيش حاجه ناقصه بس المفتاحين لازم يكون معاهم ريموتين للانزار و ربنا يباركلك فيها

[mcml_13]

مبروك على العربيه و بالنسبه لوحدة الرفع هى 2010 نازله من غير وحدة رفع عشان نزلوا تمنها فشالوا وحدة الرفع منها و باقى الحاجات انت كده استلمت كل حاجه مفيش حاجه ناقصه بس المفتاحين لازم يكون معاهم ريموتين للانزار و ربنا يباركلك فيها

الف شكر ليك على التوضيح و الريموتين موجود و انت كده طمنتنى ان كل حاجة تمام

[just_magdy1]

الف شكر ليك على التوضيح و الريموتين موجود و انت كده طمنتنى ان كل حاجة تمام

الف مبروك ربنا يبارك فيك وفيها .. انا كمان اشتريت 2010 بس الخليجى اللون البتنجانى اول فئة اتوماتيك بس ياريت تقول لنا جبتها من اى معرض وسعر الوكيل اول فئة كام
وبالنسبة لوحدات الرفع انا ركبتهم وانا بعمل الفرش الجلد

[victornabil]

قولنا جبتها بكام و منين و لونها ايه و موكيت الارضيه لونه ايه و ياريت بقى تروح شارع دمشق تركبلها ارضيه و فرش جلد و طقم دواسات محترم

[hazemhassan]

مبروك ياباشا
وعايز اعرف منك الفانوس الخلفى ليدهات ولا عادى لان انا شوفت اللنترا 2010 ليدهات فا مش عارف دى وكيل ولا خليجى

[د.محمود صلاح]

الف مبروك ,, ممكن توضح ايه الفئات الأخرى في التوكيل ؟ وهل أعلى فئة فيها الكاسيت الأصلي ؟

[mcml_13]

العربية جبتها من المصرية اللون فيرانى على 96500
و بالنسبة للارضية هى قطيفة و لونها مدى على كحلى شوية ( و دى حاجة مضايقانى عشان بتلم وتراب بطريقة بشعة ) بس ان شاء الله هاعمل ارضية و انا بفرش العربية
و الفئات اللى كانت موجودة كانت المانيوال 90000 و الاوتوماتيك 97000 و اوتوماتيك + فوجات + تكييف تاتش 107000 و الهاى لاين كان فيها abs و جنط و فتحة سقف و كل حاجة بس مش عارف الكاسيت اللى فيها ايه بصراحة كانت ب 119
غير كده لو هاتزود فتحة سقف هاتدفع 3000 زيادة على كل فئة و لو هاتجيب السبور (زايدة جنط و عتب و كساحات و سبويلر و شبكة سبور ) تدفع 4000 و دى اسعار الوكيل
كان نفسى ايبها بفتحة سقف بس مالقتش الا البتنجانى و الكحلى عشان كده قلت اوفر ال 3000 جنيه احسن
ياريت تدعولى ربنا يباركلى فيها

[mcml_13]

بس على فكرة الاسعار دى كانت لحد الاسبوع اللى فات اللى كان اخر شهر 2
بعد كده غليت الف جنيه على ما اعتقد

[chicobon]

الف الف مبروك للعربية ربنا يباركلك فيها

[mcml_13]

الف الف مبروك للعربية ربنا يباركلك فيها

الله يبارك فيك

[mohamedhamam]

ألف مبروك ربنا يديك خيرها و يكفيك شرها

[Samah AbdAllah]

10000000000 مبروك
ربنا يبارك لحضرتك

[Tayer]

مبروك
مفكرتش تجبها خايجى ؟

[mcml_13]

مبروك
مفكرتش تجبها خايجى ؟

فكرت طبعا و كانت ب 102 بفتحة سقف و جنط و سينسور باركنج بس مارضتش عشان عرفت ان الجنط و الباركينج سنسور مش اوريجينال و بيتركبوا فى مصر ..... ده غير ان مالهاش ضمان و لو فيها لا قدر اللى عيب ( مع انى عارف ان ده نادر جدا ) هاقعد اغنى ظلموه بعد كده
عموما الخليجى جميلة و كفاية انها نفس العربية بس فرق طريقة دخول البلد
و الكلام اللى بيقول التكييف و الردياتير و الدهان و الحاجات دى فى الخليجى احسن بقوله مافيش الكلام ده لأن العربيات كلها بتخرج من مصنع واحد و بنفس الات التصنيع و خاماتها اللى بيفرق عربية عن التانية الفئة مش اكتر